8 - 10 - 2023 II KABUN-ANGGUR DI TUHAN Munsikou i Eklizia do poindadi dii kabun-anggur di Tuhan. Naamot diti do kivaa sabap dotokou do doiti’ do montok monoizuk -ginavo om sumambayang. HOZOU KOSUANGAN Cf. Est 4:17 Id-suang hizab Nu, Oi Tuhan, saviavi ’ konunu do poindadi, om aiso i’ kaanu mada’ do hizab Nu. Tu’ notoodo Nu o saviavi’ konunu, ii tavan om ii tana’, om saviavi’ ii poingigit id -suang dii biizungan do tavan; Iziau no ii Tuhan do saviavi’. Ii Gloria in excelsis (Kobontugan doid di Kinoingan) booson. SAMBAYANG-TONIIBO-KOPONIMPUUNAN Oi Kinoingan tavakas-kozo poimpasi selajul, ii id dii kosimaan do kovosian-tohuod Nu umahib dii kounalan ngaavi’ om dii hizab ngaavi’ do sontob dii mokiinsian Diau, potunguo’ o kosianan Nu doid dagai do momohiong do nunu o kalaatan ngaavi’ i koundoosi do pomusaavan om manaak do nunu ii au’ katama’ do mokianu o sambayang. Maza’ di Tuhan za Jesus Kristus, Tanak Nu, ii mamaamasi - 2 - om momolinta’ miampai Diau id dii kopiisaan di Spiritu Tobitua, Kinoingan, montok sohiihinaid aiso kopupuson. S. Amen. PAMBASAAN KOISO’ Pambasaan mantad di profeta Isaiah 5:1-7 Pohozoo’ zou doid di tambahut ku dii hozou do koginavaan disido montok dii kabun-anggur disido. Kivaa haid do kabun-anggur di tambahut ku do id tisan-nuhu tohuub. Nukad disido ii tana’, iduai no ii do vatu ngaavi’, om potonomo’ no o bavug - anggur nongopihi’ do id dii. Id tanga’ dii pinavaa disido o iso’ pogigimpaan, minogukad nogi’ isido do pomimipisan do doiho’. Huminansan isido do momiuva’ ii do tuva’ ngaavi’ anggur, nga’ tuu - tuva’ no do anggur tongoonsom o pinanaak dii. Om baino, oi tuhun ngaavi’ mogiigizon do Jerusalem om tuhun ngaavi’ di Judah, suuon ku iziozu do mombisala’ id piahatan dii kabun- anggur ku om dogo’. Nunu daa ii naanu ku do mimang montok dii kabun-anggur ku ii au’ ku noimaan? Pisoosoou ku ii do momiuva’ do tuva’ ngaavi’ anggur. Nookuo ii tu’ tuva’ anggur tongoonsom i’ o nuva’? Ba nga’ ingkaa bo, poihoon ku i’ iziozu do nunu maan ku doid di kabun-anggur ku: Iduan ku i’ ii do tohig do okotop nodii ii, - 3 - om abaon Ku ii tobon dii do apadsakan nodii ii. Pohogoson ku i’ ii do gumaagai, au’ akataban, au’ o -iangan; ohikupan dii kaakait om dii ugi. Suuon ku i’ ii gavun ngaavi’ do kada’ papaasam do asam doid dii. Oo’, ii nopo kabu n-anggur di Tuhan do vovozoon ngaavi’ nga’ ii Kohominan di Israel, om ii tuhun ngaavi’ di Judah ino tanom nopihi’. Mandad-andad isido do kotuhidan, nga’ kobubusan zaa’ i’ o no -ium, katapatan, nga’ tii -tiad no do koundasaan. Ii boos di Tuhan. S. Kotohuadan doid di Kinoingan. HOZOU KOSIMBAAN (HOZOU-KAPAAZAAN KO-79:9.12-16.19-20.R.Is.5:7) S. Ii nopo kabun- anggur di Tuhan nga’ ii Kohominan di Israel. 1. Minogovit Ko do bavug-anggur do huminabus do Egypt; do mananom dii nuzazang Nu pinapahabus ii tinau’ ngaavi’. Pinoohoi dii ii laan ngaavi’ dii doid dii daat, doid dii Bavang Tagazo ii do pinopoohoi dii tohid ngaavi’ dii. (S) 2. Dadi’ nookuo tu’ naba’ Nu ii tobon ngaavi’ dii? Upuon ii dii saviavi’ tumahib. Utaon ii dii tontohuan-bakas dii tahun, lolopon dii suang tahun tongosiou dii gana’. (S) - 4 - 3. Oi Ki noingan do mononompuan ngaavi’, kisus po vagu’, mokiinsian zikoi, tudung mantad surga om intangan no. Tombuhuzo’ o b avug-anggur diti om umohigai no iti, ii bavug-anggur ii tinanom dii hongon vanan Nu. (S) 4. Om au’ nodii dagai zaazadaan po vagu’ Iziau: onuai zikoi do koposizon do kopomohoou zikoi nodaa dii ngaan Nu. Oi Kinoingan do mononompuan ngaavi’, ovito’ zikoi gumuhi’; pababango’ po do id dagai ino voos Nu om atampasi zikoi mai’. (S) PAMBASAAN KODUVO Pambasaan mantad dii suat di Sangti Paul doid dii tuhun ngaavi’ do Philippi 4:6-9 Au’ i’ tagal tumongob; nga’ nung kivaa nunu noopo o gunoon diozu, sambayang no montok dii, mokianu do Kinoingan montok dii miampai do sambayang om koponongkotohuadan, om ii pibabasan di Kinoingan, ii hobi do agaagazo po ko’ ii aanu dotokou do mamalati’, mi ntamong i’ do ginavo diozu om pomusaavan diozu, id di Kristus Jesus. Touvi no, oi tobpinai ngaavi’, suangai no ino pomusaavan ngaavi’ diozu miampai do saviavi’ ii totopot, saviavi’ ii poimbiibida’ vinasi’, saviavi’ ii avasi’ om oniting- notinagas, saviavi’ ii ginovoon om pantangon dotokou, om saviavi’ ii aanu momusoou do poingahib-ahib vinasi’ toi’ misudong do kaazaan. Tihombusai no do mimang dii saviavi’ konunu ii nopinsingihaan diozu mantad dogo’ om noko - ia’ ku om noongou toi’ nokito do maan ku. Dadi’ ii Kinoingan do Pibabasan miampai i’ diozu. - 5 - Ii boos di Tuhan. S. Kotohuadan doid di Kinoingan. KAPAABALAN DII ABAL- TAVASI’ Jn 15:15 Alleluia, alleluia! Pungaanan Ku iziozu do tambahut ngaavi’, ka di Tuhan, tu’ nopoihaan ku doid diozu ii nuununu nopinsingihaan Ku mantad di Ama’ Ku Alleluia! toi’ Cf. Jn 15:16 Alleluia, alleluia! Pinihi’ Ku iziozu mantad do pomogunan do humabus om momiuva’ do tuva’, tuva’ dii otogui, ka di Tuhan. Alleluia! ABAL- TAVASI’ Pambasaan mantad dii Abal- tavasi’ tobitua sinuat di Matthew 21:33-43 Minoboos i Jesus doid dii mohoingon padri’ ngaavi’ om dii buu’an ngaavi’ do tuhun, ‘Pokinongou doid iso’ po o boovihan. Kivaa no songuhun, sanganu do tana’, ii minananom do iso ’ kabun -anggur; hiniput disido minangansa ii, minogukad do pomimipisan anggur id dii om minamaa do iso’ pogigimpaan; dadi’ pinavahasan disido ii doid momomohos ngaavi’ om minugad doid soboong daat. Ontok minsosomok timpu’ pongungupuan - 6 - anggur pinougad disid o ii suupu ngaavi’ dau’ doid dii momomohos ngaavi’ do mooi ponimung dii asil dau’. Nga’ tinabpaan dii momomohos ngaavi’ ii suupu ngaavi’ disido, pimbabagai o songuhun, patazo’ ii tiso’ om dunsongo’ do vatu ii kotohu. Posusuutono’ no disido do pinopougad o oguugumu’ po o suupu ngaavi’, iti baino nopo nga’ oguugumu’ po o suupu ngaavi’, om nimangan dioho’ izioho’ do ii -om- ii lahan. Touvi nopo nodii nga’ pinougad disido ii tanak kusai dau’ doid dioho’. “Pantangon i’ dioho’ ii tanak kusai ku” ka disido do minoboos. Nga’ kokito nopo dii momomohos ngaavi’ ii tanak kusai, pogibooboos no izioho’, “Iti no ii tungkusan. Kanou, kanou patazo’ dotokou isido om onuon no ii tungkus dau’.” Dadi’ tabpaai no dioho’ isido om pataamo’ no pinapahabus dii kabun - anggur om patazo’ no isido. Dadi’ songian nopo do koikot ii sanganu dii kabun-anggur, nunu dii ii maan disido doid di momomohos ngaavi’?’ Suminimba izioho’, ‘Oviton i’ disido ii tangalaat kozo do kumaa’ doid kopupuson talaat kozo om pavahasan ii kabun anggur doid momomohos ngaavi’ suvai ii mogovit dii asil dii kumaa’ doid disido do ontok koikot ii timpu’.’ Minoboos i Jesus doid dioho’, ‘Au’ kou i’ ii -insan nakabasa’ doid dii buuk tongobitua: Ii i’ vatu zinadaan dii mamamaa ngaavi’ ii nadadi dii vatu-pivakas. Iti no ii koimaan di Tuhan om koimazaan iti do intangan? ‘Dadi’, poihoon Ku iziozu, do ii nopo pomolintaan do Kinoingan nga’ onuon i’ mantad diozu om pataakon doid tuhun ngaavi’ ii papahabus i’ dii tuva’ dii.’ - 7 - Ii Abal- tavasi’ di Tuhan. S. Kaazaan doid Diau, oi Tuhan za, Jesus Kristus. Booson ii ‘Otumbazaan zou’. SAMBAYANG DO ID DII TITAAK NGAAVI’ Toimoo’ no, Oi Tuhan, sumambayang zikoi, ii kohubukan ngaavi’ notoodo dii ponuu’ ngaavi’ Nu om, maza’ dii mistirium’ ngaavi’ tobitua, ii lamazon za miampai kotompuanan poingkalaja-kozo, kaanangai-kozo no do momogonop- momongo dii kalaja’ mombitua ii toombo do nounsikou ko do monobus dagai. Maza’ di Kristus Tuhan za. S. Amen. PREFACE KO-III DII TADAU- MINGGU’ NGAAVI’ ID TIMPU’ TOOMOD Ii kopomasizan nimaan do tu hun kumaa’ doid tuhun Totootopot do kotunud om otuhid iti, kalaja’ za om kopomasizan za, tomoimo om id-nombo-noopo do manaak Diau do koponongkotohuadan ngaavi’, Oi Tuhan, Tama’ tobitua, Kinoingan tavakas-kozo om aiso-kopupuson. Tu’ koiho zikoi do poinsanganu iti doid kobontugan Nu taiso-gontob, do minikot Ko doid dii kapanakadazan do tuhun ngaavi’ miho -apatai miampai do kokinoinganan Nu om minonguug podii montok dagai do kopomohingasan dii- sondii’ ii miho -apatai, do ii nontodonon do kootuan za adad i daa dii lahan ngaavi’ do kopomasizan za, maza’ di Kristus Tuhan za. - 8 - Maza’ Disido ii tinimungan do Tasab ngaavi’ do sumamba do ko-laja-an Nu om umondos id kotindapaan selajul Nu. Ii ohou ngaavi’ dagai, sumambayang zikoi, mampot nodaa dii dioho’ id iso’ kopiampatan-hozuk do kaazaan tabantug, do maso zikoi mangazou: Obitua, Obitua, Obitua..... HOZOU KOSOMBUTAN Lam 3:25 I Tuhan avasi’ doid sontob dii ahansan id Disido, doid di koduuduvo ii mogium Disido. toi’ Cf. 1 Cor 10:17 Sundung ogumu’, iso’ louti zikoi, iso’ tinan, tu’ saviavi’ zikoi mihang- maagi’ do dii iso’ Louti’ om Iso’ Sasavan. SAMBAYANG OPONGO KOSOMBUTAN Panaak no dagai, oi Kinoingan tavakas-kozo, do oinvaguvan om otogok zikoi nodaa maza’ dii Sakramintum ii notoimo za, do ingkaa no do avahiu doid nunu ii akanon za. Maza’ di Kristus Tuhan. S. Amen. BALAKAT Ii balakat di Kinoingan tavakas- kozo, i Tama’, om i Tanak, om i Spiritu Tobitua, sumondot nodaa do id diozu om tumimpoon miampai diozu sohiihinaid. S. Amen.