toki pi soweli Peta tan jan Pelati Pota toki ante li tan soko Miselija pana Petewa Wan pana Petewa Wan pana nanpa wan li pana lon tenpo 1902 pana Petawa Wan en kulupu, 1902 toki ante ni li tan soko Miselija, 2025 toki pi soweli Peta tenpo majuna la soweli lili nanpa tu tu li lon. ona mute li jo e nimi mute ni: soweli Popi en soweli Mopi en soweli Koti en soweli Peta. ona mute en mama li lon poki ko. poki ni li lon anpa linja pi kasi suli. mama li toki e ni: “soweli suwi mute mi, o kute e ni: sina ken tawa lon ma laso li ken tawa lon nasin, taso o tawa ala lon ma kasi pi mije Makewa . ni li tan ni: mije Makewa la mama mije sina li moli lon ni la meli Makewa la mama mije sina li kama moku. “ale ni la, o tawa suwi. o pona. mi tawa.” ona li jo e poki luka e sike telo la ona li tawa lon esun pan. ona le esun e pan palisa e pan sike nanpa luka. pan sike li jo e kili. soweli Popi en soweli Mopi en soweli Koti li soweli pona la, ona mute li wile alasa e kili lili la ona li tawa lon nasin. taso soweli Peta li soweli ike la, ona li tawa lon ma kasi pi mije Makewa li tawa anpa lupa pi ma ni a! ona li moku e kili lipu e kili loje e kili palisa. insa pi soweli P li pilin jaki la ona li alasa e kasi moku. taso ona li alasa la, ona li oko e mije Makewa a!!! mije Makewa li pali e kasi ona, taso ona li noka suli tawa soweli Peta a! mije li utala e soweli kepeken ilo ma li toki wawa e ni: “o kama sin! sina soweli lanpan a!!! ” soweli Peta li pilin monsuta wawa a! ona li noka suli lon sike tan ni: ona li weka sona e nasin pi lupa. ona li weka e len noka nanpa wan lon kasi lipu li weka e len noka nanpa tu lon kili ma. ona li weka e len ona la, ona li noka suli kepeken noka en luka. ken la, ona li ken tawa lon ma ni, taso ni li lon: linluwi li lon la, ona li kama linluwi. ona li jo e len selo pi len laso pi nena sin pi kiwen mani la, len li linluwi. soweli Peta li pilin e ni: ona li weka, li pilin e ni: tenpo kama la, mije Makewa li kama li moli e ona. pilin ni la, ona li telo suli. taso waso pona li kute e kalama ona. waso ni li kama, li pana e toki suwi e toki wawa tawa ona. mije Makewa li kama kepeken ilo linluwi kiwen li wile utala e soweli Peta, taso tenpo ni la soweli li kama linluwi ala. ona li weka e len laso ona. ona li noka suli lon tomo ilo li awen lon ilo telo. ken la, ilo ni li poki awen pona, taso poki li jo e telo mute a! mije Makewa li sona e ni: soweli li lon tomo ilo. ona li alasa e soweli lon poki kasi kepeken luka suwi pi kalama ala. ona li alasa lon poki kasi ale. soweli Peta li pilin nasa lon nena ona la, ona li mu suli. tenpo ala la mije Makewa li noka e ona. ona li wile utala e soweli Peta kepeken noka ona, taso soweli li tawa lon lupa lukin. tawa ni li utala e kasi mute. mije Makewa la lupa li lili ike. tenpo ni la ona li wile ala utala e soweli Peta. ona li kama pali sin. ona li ken ala kon li pilin monsuta suli la, soweli Peta li lape lili. ona li sona ala a e nasin pi nasin tomo ona. kin la ona li jo e telo lon linja ona. tenpo lili la ona li noka. ona li alasa e nasin taso ona li alasa nasa.