15 - 10 - 2023 II PANGAANGAKAN DO PISASAVAAN DI TUHAN Id di Kristus Jesus, tuhukon di Kinoingan o saviavi’ ii gunoon dotokou, sosiisinima’ do i kii - Kinoingan no o kaanu. Saviavi’ tokou, au’ monguo do songkuo po do au’ tokou dati’ kapadan, nga’ angaahap doid dii pangaangakan- pisasavaan dii Tanak Dau’. Sumimba tokou noopo di tahap Disido do mikot, om sumuvon. HOZOU KOSUANGAN Ps 129:3-4 Nung Iziau, Oi Tuhan, o mintong do kobilutan ngaavi’, oi Tuhan, isai kaanu tumaan? Nga’ miampai Diau o’ium o kopohiongan, Oi Kinoingan di Israel. Ii Gloria in excelsis (Kobontugan doid di Kinoingan) booson. SAMBAYANG-TONIIBO-KOPONIMPUUNAN Ii grasia Nu, Oi Tuhan, sumambayang zikoi, do id saviavi’ timpu’ moguhu nodaa dagai om sumusuut tiinu’ om mamadadi ’ dagai do tomoimo pointantu -ginavo do papapanau do kalaja’ ngaavi’ tangavasi’ dagai. Maza’ di Tuhan za Jesus Kristus, Tanak Nu, ii mamaamasi om momolinta’ miampai Diau id dii kopiisaan di Spiritu Tobitua, Kinoingan, montok sohiihinaid aiso kopupuson. S. Amen. - 2 - PAMBASAAN KOISO’ Pambasaan mantad di profeta Isaiah 25:6-10 Id nuhu takavas diti, i Tuhan do vovozoon ngaavi’ popotounda’ i’ do montok saviavi’ tuhun do iso’ pangaangakan -tagazo do takanon toopoto, iso’ pangaangakan -tagazo do hiing-anggur ngaavi ’ tavasi’ kozo, do takanon tosima’ om toopoto, do hiing- anggur ngaavi’ nataas kozo. Id nuhu takavas diti iduon i’ Disido ii sunduk- pogkoudu’ ii pointokop do saviavi’ tuhun, om ii tokop- voos poinhopot do saviavi’ tinau’, punsoon i’ Disido o kapat azon montok soumul-umul. Momiid i' i Tuhan do lomou ngaavi’ mantad potitikid pingas; onuon i’ Disido popoidu’ ii koikuman dii tuhun ngaavi’ Dau’ id pototongkop do tana’, tu’ nokoboos no i Tuhan do ingkaa. I d tadau dino, oboos i’: Bio’, iti no i Kinoingan dotokou ii kinahansanan dotokou montok koponomposizan; i Tuhan no ii songuhun ii kinahansanan dotokou. Umunsikou tokou kozo om umondos do natampasi tokou Disido; tu’ ii hongon di Tuhan poingundoong id nuhu takavas diti. Ii boos di Tuhan. S. Kotohuadan doid di Kinoingan. - 3 - HOZOU KOSIMBAAN (HOZOU-KAPAAZAAN KO-22: S.v.6) S. Id hamin sondii’ di Tuhan o pogiigizanan ku mai’ do sohiihinaid aiso kopupuson. 1. I Tuhan no ii gugumompi dogo’; aiso i’ mai’ do pokionuon ku. Vagu po om otomou ii pakatapan ngaavi’ ii panaakan Disido dogo’ do koundaangan totoonong. Id doos do vaig ngaavi’ kikoundaangan o pogovitan Disido dogo’, do popotonduhi’ dii sunduvan ku nokohuku’ (S) 2. Potunudon zou Disido do id poo-ompus dii lahan kotunud; otopot Isido doid ngaan Dau’. Nung mamanau zou potuu doid dii suok do totuvong aiso i’ talaat do koonok ku. Doiho’ Ko miampai dii sukud -kavit Nu om sukud Nu; miampai ngaavi’ diti do onuan zou Diau do koinsasamadan. (S) 3. Nokopopotounda’ Ko do pang aangakan-tagazo montok dogo’ id dii piintong- intong dii gagut ku ngaavi’. Tuhu ku noumaan Nu do tumau; maahabai po ii sasavan ku. (S) 4. Ingkuukuo po nga’ kovasian om vinasi’ mai’ o tumanud dogo’ do po-o-ompus do koposizon ku. Id hamin sondii’ di Tuhan o pogiigizanan ku mai’ do sohiihinaid aiso kopupuson. (S) - 4 - PAMBASAAN KODUVO Pambasaan mantad dii suat di Sangti Paul doid dii tuhun ngaavi’ do Philippi 4:12-14, 19-20 Koiho zou do ingkuo dumadi do mosikin om koiho zou do ingkuo dumadi do puavang ponogi’. Nokoduapus zou no do pinonimpuunan ku om baabaino nopo nga’ potounda’ zou no do montok nuununu nopo do id nombo noopo: noponu ’ tizan toi’ aiso suang tizan, komosikinan toi’ kosimaan. Aiso i’ do au’ ku aanu monguasa’ miampai dii sakadai dii songuhun ii manaak dogo’ do vinakas. Ingkaa ponogi’, avasi’ i’ do minogobi’ kou dogo’ id kosusaan ku ngaavi’. Pomoguhi’ nopo dii nga’ tuhukon i’ di Kinoingan ku ii saviavi’ gunoon diozu, id di Kristus Jesus, do sosiisinima’ do i kii -Kinoingan no o kaanu. Kobontugan doid di Kinoingan, Tama’ dotokou, do sohiihinaid aiso kopupuson. Amen. Ii boos di Tuhan. S. Kotohuadan doid di Kinoingan. KAPAABALAN DII ABAL- TAVASI’ Jn 1:12.14 Alleluia, alleluia! Ii Boos nadadi do tonsi om minizon poingamung dotokou; doid saviavi’ ii minonoimo Disido nonuan Disido do kuasa’ do dumadi’ do tanak ngaavi’ di Kinoingan. Alleluia! - 5 - toi’ Cf. Eph 1:17-18 Alleluia, alleluia! I Tama’ di Tuhan dotokou Jesus Kristus papanavau no daa dii mato dii pomusaavan dotokou, mooi do kokito tokou do nunu o kahansanan do poingigit dii hohoou Disido montok dotokou. Alleluia! ABAL- TAVASI’ Pambasaan mantad dii Abal- tavasi’ tobitua sinuat di Matthew 22:1-14 * Minoboos i Jesus doid di mohoingon- padri’ ngaavi’ om dii buu ’an ngaavi’ dii tuhun ngaavi’: ‘Ii nopo pomolintaan do surga nga’ miho’ do paagahon do songuhun laja’ ii minanaak do pangaangakan tagazo do pisasavaan dii tanak kusai dau’. Pinougad disido ii suupu ngaavi’ dau’ do mooi pomohoou dii nangaahap, nga’ au’ minikot izioho’. Dadi’ pinopougad vagu’ isido do piipio suupu. “Poihoon ngaavi’ ii nangaahap” ka disido do minoboos “do nokotounda’ ku no ngaavi’ ii pangaangakan ku tagazo, tontohuan sapi’ ngaavi’ Ku om sapi’ ngaavi’ pinohombon saviavi’ nokoot no, nuununu nopo nga’ potounda’. Ikot no doid dii pisasavaan.” Nga’ au’ nougai izioho’: songuhun minugad doid pomutanaman dau’, ii tiso’ doid pongindopuan dau’ om ii suvai ngaavi’ nopo nga’ minanabpo dii suupu ngaavi’ disido, pinopoimamang dioho’ om minamatai dioho’. Noikot nohodong ii laja’. Pinougad disido ii tinimungan ngaavi’ do susumangod disido, punsoo’ no ii momomoduso ngaavi’ om tutudai ii kakadazan toniini’ - 6 - dioho’. Dadi’ minoboos isido doid dii suupu ngaavi’ dau’, “Potounda’ no ii pisasavaan; nga’ do ii nopo nangaahap nga’ nakatahang do au’ mipadan, ugad no doid pibuutukan do talun- alun ngaavi’ do doiho’ id kakadazan toni ini’ om ahapon no ii potitikid o-ium diozu do mikot doid dii pisasavaan.” Dadi’ huminabus ii suupu ngaavi’ do kuminaa’ doiho’ id talun - alun ngaavi’ om timungo’ no songovian ii potitikid no- ium dioho’, ii tangalaat om ii tangavasi’; om koponu’ no do tahap ngaavi’ ii hintuun pisasavaan. * Ontok nopo do suminuang ii laja’ do mintong dii ta hap ngaavi’ nga’ nokito disido o songuhun ii au’ poimbasaan do basaan tagazo doun pisasavaan, om minoboos doid disido, “Ingkuo ko do suminuang doiti’, oi tambahut ku, do aiso basaan doun pisasavaan?” Om poimizo ii tuhun. Dadi’ minoboos ii laja’ doid di susuuon ngaavi’, “Kagasai o hongon om gakod disido om pataamon no isido do do iho’ id totuvong, id nombo do doiho’ no o kopogiadan om kopomungaitan do nipon. Tu’ ogumu’ ii ohoou, nga’ okudi’ ii opihi’ * Ii Abal- tavasi’ di Tuhan. * S. Kaazaan doid Diau, oi Tuhan za, Jesus Kristus. * Pambasaan Toniinibo’, nazata n-boos 1-10. Basaon id piahatan*. Booson ii ‘Otumbazaan zou’. - 7 - SAMBAYANG DO ID DII TITAAK NGAAVI’ Toimoo’, Oi Tuhan, ii sambayang ngaavi’ di ongotumbazaan Nu miampai dii titaak ngaavi’ kohubukan, do, maza’ diti koimaan ngaavi’ do kataakan - sondii’, kosoboong zikoi nodaa doid dii kobontugan do surga. Maza’ di Kristus Tuhan za. S. Amen. PREFACE KO-IV DO DII TADAU- MINGGU’ NGAAVI’ ID TIMPU’ TOOMOD Ii susuzan-totopot do kopomasizan Totootopot do kotunud om otuhid iti, kalaja’ za om kopomasizan za, tomoimo om id-nombo-noopo do manaak D iau do koponongkotohuadan ngaavi’, oi Tuhan, Tama’ tobitua, Kinoingan tavakas-kozo om aiso-kopupuson, maza’ di Kristus Tuhan za. Tu’ maza’ dii kinohodion Dau’ minogovit Isido do koimvaguvan doid koozuvo’ do tuhun naatu’, om maza’ dii kin oundasaan Dau’, pinuhas Disido o douso ngaavi’ dotokou; maza’ dii kinotungagan Dau’ mantad dii poimpatai noivang disido ii lahan kumaa’ doid koposizon aiso-kopupuson, om maza’ do kinoinsavatan Dau’ doid Diau, oi Ama’, noivang Disido ii tataangob ngaavi’ do surga. Om ingkaa no, miampai dii kopikouvangan dii Tasab ngaavi’ om Sangti ngaavi’, humozou zikoi do hozou - kapaazaan do kaazaan Nu, tu’ miampai -aiso kopupuson mangazou zikoi: Obitua, Obitua, Obitua.... - 8 - HOZOU KOSOMBUTAN Cf. Ps 33:11 Ii puavang oundoso do kokuangan om muzu do houson, nga’ sontob dii mogium di Tuhan au’ okuangan do balakat. toi’ 1 Jn 3:2 Ontok mintahang i Tuhan, miaga tokou mai’ Disido, tu’ okito mai’ dotokou Isido do poin -Isido. SAMBAYANG OPONGO KOSOMBUTAN Mokiinsian-kozo izikoi do ko-laja-an Nu do poinhuduk- kozo, Oi Tuhan, do, tu’ papaakan ko dagai miampai dii kopomizaan ii mikot mantad dii Tinan om Zaa’ tobitua kozo di Tanak Nu, ingkaa no do mamadadi Ko nodaa dagai do maagi ngaavi’ dii kodoodouvo’ do kokinoinganan Disido . Ii mamaamasi om momolinta’ montok sohiihinaid aiso kopupuson. S. Amen. BALAKAT Ii balakat di Kinoingan tavakas- kozo, i Tama’, om i Tanak, om i Spiritu Tobitua, sumondot nodaa do id diozu om tumimpoon miampai diozu sohiihinaid. S. Amen.