23 - 10 - 2022 I TUHAN, II MOMBIBISALA’ TOTUHID I Tuhan no ii mombibisala’ dotokou. Ii nopo pointantu’ do noihaan dotokou kokomoi do kopombisalaan Disido nga’ aanangan ii dii tongohuduk, om ii nopo humu duk dau’ sondii’ nga’ agaa’ i’. HOZOU KOSUANGAN Cf. Ps 104:3-4 Potumbazaai no ii ginavo ngaavi’ ii mogium di Tuhan do umondos; baahing no doid di Tuhan om vinakas Dau’; tomoimo- kozo do mogium do voos Dau’. Ii Gloria in excelsis (Kobontugan doid di Kinoingan ... ) booson SAMBAYANG-TONIIBO-KOPONIMPUUNAN Oi Kinoingan tavakas-kozo poimpasi-selajul, pogozoo’ o kotumbazaan za, kahansanan om koginavaan-manakadai, om dodizo’ zikoi no do guminavo do nunu ponuu’an Nu, mooi do kikounalan zikoi nodaa do nunu dondion Nu. Maza’ di Tuhan za Jesus Kristus, Tanak Nu, ii mamaamasi om momolinta’ miampai Diau id dii kopiisaan di Spiritu Tobitua, Kinoingan, montok sohiihinaid aiso kopupuson. S. Amen. - 2 - PAMBASAAN KOISO’ Pambasaan mantad di buuk do Ecclesiasticus 35:12-14, 16-19 I Tuhan nopo nga’ mombibisala’ ii au’ mamantang do tuhun ngaavi’ kigaagaa’. Au’ Isido popokito do kapantangan dii kigaagaa’ ngaavi’ gisom do osinduahan ii tasampit, mokinongou Isido do kopokiinsianan dii nosinduahan. Au’ Disido tovingudan o kop okiinsianan dii tanak napatazan mohoing, toi ’ dii tondu ’ napatazan sansavo do maso zosido momubus do susuzan dosido. Ii nopo tuhun ii sumuupu di Kinoingan miampai aavi’ o ginavo nga’ otoimo i’, koikot i’ doid gavun o kopokiinsianan ngaavi’ disido. Ka hapus do gavun ngaavi’ o sambayang dii tuhun tohuduk, au’ isido asavai ngau’ gisom i’ do kodimpot po ii, om au’ nogi’ tumood isido ngau’ gisom i’ do okito po isido dii Takavas Kozo, do papahapas dii totuhid om papaatu’ do oonu o ukum. Om au’ i’ odomu t i Tuhan, om au’ nogi’ motos Isido do id koobian dioho’. Ii boos di Tuhan. S. Kotohuadan doid di Kinoingan. - 3 - HOZOU KOSIMBAAN (HOZOU-KAPAAZAAN KO-32:2-3.17-19.23. R v.7) S. Minomohoou iti tuhun mosikin; noongou isido di Tuhan. 1. Ozoon ku i Tuhan do id saviavi timpu, tomoimo do id munung ku o kaazaan Disido; mokikiazou i koduuduvo ku do id di Tuhan. Koongou mai’ ii tohuduk om umunsikou (S) 2. Tovingudan di Tuhan ii tangalaat, do momunso do kaandaman dioho’ do mantad tana’. Momohoou ii tongotuhid om mokinongou i Tuhan om tomposizon izioho’ do id saviavi’ kosusaan dioho’ (S) 3. Osomok i Tuhan doid dii nakakaus; tomposizon i’ Disido ii nongouta’ o sunduvan. Tobuson di Tuha n o koduuduvo dii suupu ngaavi’ Disido. Au’ i’ mai’ oukum ii humosok id Disido (S) PAMBASAAN KODUVO Pambasaan mantad dii suat koduvo di Sangti Paul doid di Timothy 4:6-8.16-18 Koposizon ku nopo nga’ maamaso no po -iibon sabaagi do podsusuung, om nokoikot o timpu ’ montok dogo’ do kotongkizad. Nokoponongkiimang zou no dii piimangan tavasi’ gisom doid kinopupuson; natangkus ku no ii ponongkusan gisom doid kinopogovian; natanud ku no ii - 4 - kotumbazaan; ii nopo mikot do baino nga’ ii -ii po siga- laja’ do kotuhidan ii nokoobi’ montok dogo’, ii pataakon do go’ di Tuhan, i mombibisala’ totuhid, do ontok Tadau dino; om okonko’ doid dogo’ noopo nga’ doid saviavi’ ii huminangad do Koimbuhazan Dau’. Dii timpu’ kumoinsan do pinapab anta zou do boos- pongumohig ku , aiso tongosonguhun sasi ’ do minonokodung dogo’. Toiso- iso’ dioho’ do minogiduan dogo’ – au’ no daa izioho’ pakahasaon sabap dii. Nga’ miningkakat doid dabping ku i Tuhan om minanaak dogo’ do kuasa’, mooi do maza’ dogo’ do kaabal no daa ii saviavi’ pason do montok kinongoon dii kapil ngaavi’; om ingkaa no do natampasi zou mantad kabang dii mondou. Tomposizon zou i’ di Tuhan do mantad saviavi’ ponginaman tangalaat doid dogo, om oviton zou do aiso ingkuukuo kumaa doid pomolintaan Dau ii doun surga. Doid Disido no o kobontugan do sohiihinaid aiso kopupuson. Amen. Ii boos di Tuhan. S. Kotohuadan doid di Kinoingan. KAPAABALAN DII ABAL- TAVASI’ Cf. Mt 11:25 Alleluia, alleluia! Aazou Ko no, oi Ama’, i Tuhan do tavan om tana’, tu’ pinointahang Nu ii misterium ngaavi dii kopomolintaan kuminaa’ doid tanak ngaavi’ toomod. Alleluia! - 5 - toi ’ 2 Cor 5:19 Alleluia, alleluia! Do id di Kristus i Kinoingan do popibabas do pomogunan doid Dau sondii’, om pinahansan Disido dotokou ii abal do nokopibabas no izioho’. Alleluia! ABAL- TAVASI’ Pambasaan mantad dii Abal-tavasi ’ tobitua sinuat di Luke 18:9-14 Binoos di Jesus itia boovihan doid vookon dii tuhun ii minongkigaagazo dioho’ sondii’ do angavasi’ izioho’ om minogohimut do s aviavi’ dii suvai. ‘Duvo tuhun suminaakoi doid Panambazangan Tagazo do minongoi sambayang, songuhun Pharisee, ii nopo tiso’ nga’ moninimung sukai. Ingkakat no do doiho’ ii Pharisee om booso’ no disido doid dau ’ sondii’ itia sambayang, “Monongkotohuod zou Diau, oi Kinoingan, do okonko’ ma gagaau zou, okonko’ au’ otuhid, okonko’ magagampahu miaga do saviavi’ suvai tuhun, om hobi no kozo do okonko’ miaga zou diti moninimung do sukai ii doiti’. Induvo zou pogkuasa’ do sominggu’; papabalai zou do iso’ p iopod dii saviavi’ taanu ku.” Ii nopo moninimung sukai nga’ poingkakat do doiho’ id soosodu’, do nakatama’ po do tuminingaa’ doid savat nga’ au’; tuntungo’ no disido o kangkab dau om poboos no, “Oi Kinoingan, kosianai po dogo’, tuhun momimidouso.” Tuhun nopo diti, poihoon Ku iziozu, n ga’ minuhi’ vagu’ do pointunud miampai di Kinoi ngan; ii nopo tiso’ nga’ au’. Tu’ potitikid dii - 6 - mongkigaag azo dau sondii’ nga’ pohudukon i’, nga’ ii nopo tuhun ii humu duk dau sondii’ nga’ pogozoon i’.’ Ii Abal- tavasi’ di Tuhan. S. Kaazaan doid Diau, oi Tuhan za, Jesus Kristus. Booson ii Otumbazaan SAMBAYANG DO ID DII TITA AK NGAAVI’ Intong, sumambayang zikoi, Oi Tuhan, do id dii titaak ngaavi’ taakon za doid ko -laja-an Nu, do nunu-noopo ii oimaan za id koponompuanan Diau potunudon nodaa poingahib do saviavi’ doid kobontugan Nu Maza’ di Kristus Tuhan za. S. Amen. PREFACE KO-II DII TADAU-MINGGU ’ NGAAVI’ ID TIMPU’ TOOMOD Ii Katapatan-taahom- lati’ do kopomosizan Totootopot do kotunud om otuhid iti, kalaja’ za om kopomasizan za, tomoimo om id-nombo-noopo do manaak Diau do koponongkotohuadan ngaavi’, oi Tuhan, Tama’ tobitua, Kinoingan tavakas-kozo om selajul, maza’ di Kristus Tuhan za. Tu’ mantad kosianan montok do ginaga’ dagai, pinohuduk Disido o Dau- sondii’ om nopogkoosusu dii Haahangai; maza’ dii kinadaa’an do id salip pinagabas zikoi Disido mantad kapatazon au-miho-opupusan, om maza’ do - 7 - tuminungag mantad dii poimpatai minanaak Isido dagai do koposizon selajul. Om ingkaa no, miampai do Tasab ngaavi’ om Huguan - tasab ngaavi ’ miampai Tiikoon - laja ’ ngaavi ’ om Pomolintaan ngaavi’, om miampai saviavi’ dii mogiigizon - ngaavi - id - surga om Kuasa ’ ngaavi’ do surga , humozou zikoi dii hozou-kapaazaan do kobontugan Nu, om miampai-aiso- kopupuson mangazou zikoi: Obitua, Obitua, Obitua ... HOZOU KOSOMBUTAN Cf. Ps 19:6 Pohonggoon i’ dagai o kaandasan za do id sakadai Nu kapamasi om umunsikou id dii ngaan di Kinoingan za. t oi’ Eph 5:2 Gumininavo dotokou i Kristus om pinapataak do Dau- sondii’ montok dotokou, sabaagi titaak toongid doid di Kinoingan. SAMBAYANG OPONGO KOSOMBUTAN Sakramintum ngaavi’ Nu, Oi Tuhan, sumambayang zikoi , papatatap nodaa id dagai do nunu ii poimbihiu id-suang dii ngaavi’, do nunu ii lamazon za do baabaino do id tanda ’ ngaavi’ insan tadau asanganu nodaa dagai id katapatan. Maza’ di Kristus Tuhan za. S. Amen. - 8 - BALAKAT Om ii balakat di Kinoingan tavakas-kozo, i Tama’, om i Tanak, om i Spiritu Tobitua, sumondot nodaa do id diozu om tumimpoon miampai diozu sohiihinaid. S. Amen.