1 NOVENA DOID DI TINA DOTOKOU II MONUNUHUNG SOHIIHINAID 2 NOVENA DOID DI TINA DOTOKOU II MONUNUHUNG SOHIIHINAID Id ngaan di Tama, om di Tanak, om doid di Spiritu Tobitua Amen. 1. Ii Angelus M. I tasab di Tuhan pinopoiho di Mary. S. Om minogontizan zosido id di kuasa di Spiritu Tobitua. Ave Maria... M. Intangai ii suupu tondu di Tuhan. S. Adadi no doid dogo tumanud di boos nu. Ave Maria... M. Om ii Boos nadadi do tuhun. S. Om minizon id tangah dagai. Ave Maria... M. Sambayang no montok dagai, Oi Tina Tobitua do Kinoingan. S. Do kapadan zikoi no daa di dandi ngaavi di Kristus. M. Kanou sumambayang: Potunguo no, mokiinsian zikoi Diau, Oi Tuhan, o grassia Nu doid ginavo ngaavi dagai, do izikoi, doid diisai ii kinododizan-tuhun di Kristus, Tanak Nu, do nopoihaan maza dii abal do iso tasab, maza di kinadaa‟an om salip† Dau oovit nodaa doid dii kobontugan dii kinotungagan Dau, maza do ii om ii Kristus Tuhan za. Amen. 3 II RAANI DO SURGA(THE REGINA CAELI) Ontok timpu-Paska, iho nopo, mantad Tadau-minggu do Paska gisom do Tadau- minggu do Pentekos, ii „Ii Raani do Surga‟( „Regina Caeli‟) booson ponovohi do “Angelus” do momusoou - mahik do kounsikaan di Mary songian tinungag di Tama i Jesus doid koposizon kavavagu. M. Oi Raani do Surga, unsikou no! Alleluia. S. Montok Disido, do notingadan ko do minaganak, Alleluia! M. Nokotungag no, miaga dii noboos Disido. Alleluia. S. Sambayangai zikoi no kumaa di Kinoingan. Alleluia! M. Koondos no om kounsikou no, oi Haahangai Mary, Alleluia. S. Tu totootopot do nokotungag i Tuhan, Alleluia! M. Kanou sumambayang: S. Oi Kinoingan Tama za, minanaak Ko do kaandasan doid pomogunan maza dii kinotungagan di Tanak Nu, ii Tuhan za Jesus Kristus. Maza do sambayang ngaavi di tina Disido, ii Haahangai Mary, ovito zikoi doid kounsikaan do koposizon aiso kopupuson. Pokionuon za iti maza di Tuhan za Jesus Kristus Tanak Nu, ii mamaamasi om momolinta miampai Diau id di kopiisaan di Spiritu Tobitua, Kinoingan, montok sohiihinaid aiso kopupuson. Amen. 2. HOZOU KOTIMPUUNAN (Id upa...) 3. LITANIA M. Oi tobpinai ngaavi (kusai om tondu) id di Kristus, monongkotohuod tokou do Kinoingan montok di balakat ngaavi tosima di notoimo tokou mantad Disido, maza do sambayang ngaavi di Tina tokou do Monunuhung 4 Sohiihinaid. Kanou no do insan po vagu mokianu dosido do sumambayang miampai dotokou om montok dotokou. 4. Pokiinsianan ngaavi Boogizan 1 – upa Boogizan 2 – upa Boogizan 3 – upa Boogizan 4 – upa POKIINSIANAN NGAAVI - BOOGIZAN I Sisimba nopo do toiso-iso pokiinsianan nga: TUHUNGO ZIKOI NO, OI TINA DO TOBINGINAVO (Montok sondii) a) Do ouhi tokou nodaa doid sambayang, tikid tadau id koposizon za. b) Do manaak ko nodaa dagai do unsub id koukatan ngaavi za. c) Songian do osinduahan om oimbaazat do humusi. d) Do oniting nodaa zikoi id pomusaavan, boos om koimaan. e) Do mamantang tokou nodaa om okon ko momunso di koposizon di kakaal po id pagaganakan. (Montok Paganakan) a) Id timpu ngaavi do sumakit id daamin. b) Id katangaban om kosusaan ngaavi kokomoi do kousinan. c) Id timpu aiso-pilotian ngaavi miampai di sontob ginovoon tokou. d) Do buu‟anon nodaa di Spiritu Tobitua o tuhun tongomuhok id kopomihian do lahan koposizon dioho. (Montok Tinimungan) a ) Do ii sontob momolinta do pogun tokou do kumalaja nodaa id kabaahan, kaadangan om montok kovosian songovian. b) Do kotoimo nodaa do gaji taadang o pakakalaja ngaavi montok di kalaja totopot sangadau dioho. 5 c) Do mingisom tokou nodaa do momit di Kristus id koginavaan manakadai dovokon. (Montok Toinsanan) a) Do onuan nodaa di Spiritu Tobitua do kavakasan om siniou ii Sangti Papa dotokou do momuu‟an do Eklizia di Kristus. b) Do au tokou nodaa doosumbung kozo do momusoou do kaanu tokou mimang miampai-aiso Kinoingan toi kotumbazaan. c) Do ii tobpinai om kookoluang ngaavi dotokou ii nongokotongkizad kabaagi nodaa di kobontugan di Kristus do sohiihinaid. M. Kanou nodii sumambayang montok do pokiinsianan ngaavi dotokou sondii. (Sumambayang do pokodoit) M. Kanou sumambayang, S. Oi Tama id surga, kinongoo no o pokiinsianan ngaavi dagai om tuhuko no ngaavi ii maza do sambayang ngaavi di Mary ii Tina za. Amen. POKIINSIANAN NGAAVI – BOOGIZAN II Sisimba nopo do toiso-iso pokiinsianan nga: TUHUNGO ZIKOI NO, OI TINA DO TOBINGINAVO (Montok Sondii) a) Songian koduumak miampai koukatan do kotontuan ngaavi. b) Songian do poimamangon id doguvang do vokon ngaavi. c) Do pohiongon tokou nodaa mantad ginavo ngaavi dotokou ii sontob nokopooninduo dotokou. d) Do au tokou nodaa mangakan do dadah, moginum toi mimpokiau sabaagi lahan mogidu mantad koposizon. 6 (Montok Paganakan) a) Do ii mohoing om tanak ngaavi sumuni nodaa id pilotian doid tiso om tiso b) Songian momihi do kololoizan om pomohiisan. c) Do i tuhun tongomuhok kotoimo nodaa do havan do mamaamasi tumanud kotumbazaan do Kristian. d) Do abalakatan tokou nodaa miampai ogumu pamahaavan doid mogisuusuvai koponompuanan ngaavi id di Eklizia. (Montok Tinimungan) a) Do pakalaja tokou nodaa montok do kopotikidan taadang diti kotos ngaavi do pomogunan. b) Do tomoimo tokou nodaa asantaban di kalaja tangavasi dotokou. c) Do kipomusaavan tokou nodaa di doun-tinimungan om pointounda tumaak do monompuan dovokon. (Montok Toinsanan) a) Do oovit nodaa ii pomolotian dotokou kokomoi di Kristus doid sontob au po nokotutun Disido. b) Do ogumu nodaa monoimo di Kristus maza do Kopodsuan. c) Do apatai tokou nodaa id pibabasan miampai di Kristus om di sungkad-tukad ngaavi dotokou. M. Kanou nodii sumambayang montok do pokiinsianan ngaavi dotokou sondii. (Sumambayang do pokodoit) M. Kanou sumambayang, S. Oi Tama id surga, kinongoo no o pokiinsianan ngaavi dagai om tuhuko no ngaavi maza do sambayang di Mary ii Tina za. Amen. POKIINSIANAN NGAAVI – BOOGIZAN III Sisimba nopo do toiso-iso pokiinsianan nga : OI TINA DO TOBINGINAVO, SOKODUNGO ZIKOI NO 7 (Montok Sondii) a) Do kivaa nodaa kotumbazaan om kahansanan ku id sambayang ku do tikid tadau. b) Do kivaa nodaa siniou om vinakas ku do tumoguvang do kobohingkaangan ngaavi. c) Songian kopiuman zou do osinduahan toi humusi. d) Osikap mahik doid di Kristus, songian kopomidouso zou. (Montok Paganakan) a) Songian kivaa songuhun puu paganakan do sumakit. b) Songian kivaa kobohingkaangan ngaavi dotokou do kousinan. c) Songian aiso-pilotian dotokou doid tiso om tiso. (Montok Tinimungan) a) Buu‟ano no o tuhun tongomuhok za do mamaamasi di lahan pamaamasi di Kristus. b) Buu‟ano no o buu‟an ngaa vi za do momolinta do otuhid om aadang montok kovosian songovian. c) Potunudo no o mamamagaji ngaavi do monoina tavaavasi do pakakalaja ngaavi dioho. d) Do gompizon om umohigan nodaa dagai ii koposizon di kakaal po id pagaganakan. e) Tudukai zikoi no di kopodulianan tobingginavo om kopomolotian montok di tongomosikin om ii zinadaan. (Montok Toinsanan) a) Songian do osontob zikoi miampai au nodii momoguno do Kinoingan om kotumbazaan. b) Do kotoimo nodaa ii Sangti Papa dagai do siniou om vinakas mantad di Spiritu Tobitua. c) Montok di sontob nongokotongkizad do kabaagi nodaa do kobontugan di Kristus do sohiihinaid. 8 M. Kanou nodii sumambayang montok do pokiinsianan ngaavi dotokou sondii. (Sumambayang do pokodoit) M. Kanou sumambayang, S. Oi Tama id surga, kinongoo noo pokiinsianan ngaavi dagai om tuhuko no ngaavi maza do sambayang di Mary ii Tina za. Amen. POKIINSIANAN NGAAVI – BOOGIZAN IV Sisimba nopo do toiso-iso pokiinsianan nga: SAMBAYANG MIAMPAI DAGAI, OI TINA DO TOBINGINAVO (Montok Sondii) a) Do tomoimo zou nodaa do humansan om mikot doid di Kinoingan mokisakadai do monguhan do kobohingkangan ngaavi do koposizon ku. b) Do kivaa nodaa kopodulianan ku montok doid di tonini no kozo do tobpinai ku ngaavi(kusai om tondu). c) Do tomoimo zou daa kuminam do popohiong di sontob moninduo dogo. (Montok Paganakan) a) Montok do puungaavi do paganakan ku ii sumakit. b) Montok ngaavi dii id paganakan ku ii momoguno do tutuduk om kavakasan Kinoingan. c) Montok hobi po o pilotian id piahatan do puu ngaavi do paganakan ku. (Montok Tinimungan) a) Do avasi nodaa tangaangazan do komuhakan za ngaavi id palajalan dioho om piombohutan ngaavi id paganakan. b) Do ii Tinimungan Kristian ngaavi dagai tumihombus nodaa do monompuan doid tiso om tiso om doid di sontob mokisakadai. c) Do ogumu nodaa sumimba di kapamahaavan do Kinoingan do monompuan id Mogisuvai-suvai kotinanan ngaavi id di Eklizia. 9 (Montok Toinsanan) a) Montok pibabasan do pomogunan. b) Montok dii nongopihadsa ngaavi id tinimungan tuhun mogiigizon za. c) Montok dioho ii minggisom mogium do lati om kasanangan id koposizon. d) Montok dinokoponuat do pokiinsianan ngaavi di minggu nakatahib. M. Kanou nodii sumambayang montok do pokiinsianan ngaavi dotokou sondii. (Sumambayang do pokodoit) M. Kanou sumambayang, S. Oi Tama id surga, kinongoo no ngaavi o pokiinsianan za om tuhuko no ngaavi maza do sambayang di Mary ii Tina za. Amen. 5. MONTOK TIMPU NGAAVI DO LITUGI TOUN DII TIMPU-KAPAGANDADAN a) Do tumounda zikoi nodaa miampai kounsikaan do koikatan di Jesus Kristus ontok Krismas. b) Do otutunan nodaa do tuhun ngaavi I Kristus ii poingizon tomoimo miampai dagai. TIMPU-KOPONOGITAN a) Do kivaa nodaa katabazan dagai do minghuda do mogohim-sondii, tumongob om monongkibabas id timpu- koponogitan diti. b) Do guminavo zikoi nodaa dovokon za miaga di Kristus do gumininavo dagai. TIMPU-PASKA a) Do munsikou zikoi nodaa id Paska di Kristus doid kinahantazan minagaha do douso om kapatazon. b) Do ponuon zikoi nodaa miampai di Spiritu Tobitua om osiou dumadi do sasi di Kristus. 10 M. Kanou nodii sumambayang montok do pokiinsianan ngaavi dotokou sondii. (Sumambayang do pokodoit) M. Kanou sumambayang, S. Oi Kinoingan Tama id surga, kinongoo no o pokiinsianan ngaavi dagai om tuhuko no ngaavi maza do sambayang di Mary ii Tina za. Amen. 6. POKIINSIANAN NGAAVI OM SUAT KOPONONGKOTOHUADAN NGAAVI (Miikau) 7. SAMBAYANG DO KOTUMBAZAAN (Sumingkotud) (Saviavi) Oi Tina do monunuhung, mikot zikoi doid diau om papataak do kahansanan dagai doid diau. Iziau no I Tina do kobinsianan. Pungaanan ko do, ii susuton om ii kahansanan do momimidouso ngaavi; Dadi no poogi do susuton om kahansanan za. Sakadazo zikoi no do guminavo di Jesus Kristus. Pobunozo no ino hongon nu doid dagai ii momimidouso. Mangazou om monokotohuod zikoi di Kinoingan do pinapataak diti kotumbazaanza doid diau. Id timpu - nakatahib, saasau zikoi kopomidouso nga miampai sakadai nu, kaanu zikoi do humavan, om manakadai ko i dagai nung sumambayang zikoi doid diau. Id saviavi koimbaazatan za, tomoimo zikoi nodaa mikot doid diau om moboos: Mary tuhungo zou! Kada zou pohogoso do atagakan do Kinoingan ku. Amen. 8. AVE MARIA (Mingkakat) M. Kanou miiso miampai do Kristian ngaavi do saviavi umulan, do mangazou di Mary om papataak dotokou sondii do id kogompizan dosido. S. Ave Maria, noponu ko do grassia... 11 9. II KAPAAZAAN (Magnificat) M. Kanou no mamaagi miampai di Mary, di sambayang do kapaazaan dosido om koponongkotohuadan doid Kinoingan. Ii koduuduvo ku mambantug di Tuhan, Ii Sunduvan ku munsikou id di Kinoingan ii Mamamasi dogo. Nintangan dau ii kohudukan di suupu Dau; Mantad baino, om po‟o‟ompus, momohou i dogo do obitua o sinakagon ngaavi. Ii Tavakas-kozo kuminalaja do koimazaan montok dogo, Obitua no o ngaan Disido! Ii kobinsianan Dau mantad umulan kumaa doid umulan, Doid di sontob ongoonok Disido. Noguno Disido o kuasa do hongon Dau Pinotogizas Dau ii angakakat o kogiiginovoo. Pinoinsiibo Dau o tanak-laja ngaavi do mantad tiikoon-laja dioho, Om kinakat pinopoinsavat di tongohuduk. Ginonopo Dau di tangavasi i tongohouson, Pinoidu do aiso nuununu i tongopuavang. Numohigan Disido I Israel, ii suupu Dau Oingat di kobinsianan Dau. Ii kobinsianan Dau di nakabatos doid di taki-aki ngaavi dootokou, Doid di Abraham om doid di sinakagon ngaavi Dau do po‟o‟ompus. M. Oi Mary, iziau no ii tina di Kristus, S. Om tina za ponogi M. Kanou sumambayang S. Oi Tama do surga, monongkotohuod zikoi Dau miampai aavi ginavo ngaavi za, do pinapataak di Mary, do dumadi do Tina za. Obingginavo kozo zosido, obinsoou kozo, kalati kozo om otuhuod kozo. Monongkotohuod zikoi Diau montok dosido. Amen. 12 10. HOZOU MONTOK DI TINA DOTOKOU (id upa...) 11. KOPOMOOGIZAN (Miikau) 12. MEMORARE (Sumingkotud) Ondomo, oi Haahangai Mary ii tavasi kozo kogiiginovoo do au po insan noongou, do isai noopo ii mikot doid koumohigan nu, mokiinsian diau toi mokitampung diau do au nu sinakadai. Nounsub miampai kotumbazaan diti, mikot zou doid diau, oi Haahangai do Haahangai ngaavi, Tina ku. Doid diau mikot zou, id dumbangan nu mingkakat zou kidouso om tumongob kozo. Oi Tina do Boos Nadadi-tonsi, kada tovingudai opokiinsianan ngaavi ku, nga id kosianan nu pokinongou no om simbao zou no. Amen. 13. SAMBAYANG MONTOK DII SUMAKIT Oi Tuhan Jesus, binabo Nu o koundasaan ngaavi dagai om sinaan Nu o saviavi kohungguzan za, kinongoo o sambayang ngaavi dagai montok di sumakit. Sakadazo no izioho do umiso dioho sondii miampai dii koundasaan Nu, om nung ii nopo kaandak Nu Ohinganganan nodaa izioho. Posoovo no izioho do tomoimo Ko do momohizo dioho. Amen. 13 14. II SAMBAYANG DI TUHAN M. Kanou nodii sumambayang montok do pokiinsianan/pokionuon ngaavi di Sangti Papa om montok do pokiinsianan/pokionuon do Diosis om Paroki dotokou. Tama za, ii id surga, obitua no o ngaan nu. Mikot o kopomolintaan Nu, hizab Nu oimaan do id tana miaga do ingkaa no ii do id surga. Taako dagai do tadau diti o louti za tasaasangadau, om pohiongo zikoi do hasa ngaavi dagai, miaga dagai do popohiong dii sontob momuhasa humavan dagai; om kada zikoi ovito doid koimbazatan, nga pagabaso zikoi no mantad talaat. Amen. 15. AVE MARIA (sumingkotud) Ave Maria, Noponu ko do grassia, miampai diau I Kinoingan. Obitua ko id tanga do saviavi tondu, om obitua ii tuva dii tinan nu, I Jesus. Sangti Maria, Tina di Kinoingan, pokiinsianai zikoi tu tuhun momimidouso, do baabaino om ontok jam do kapatazon za. Amen. 16. KOBONTUGAN Kobontugan doid di Tama, om doid di Tanak, om doid di Spiritu Tobitua. Miaga dii timpuun I haid, do baabaino, om sohiihinaid nodii o pomogunan aiso kopupuson. Amen. 14 17. TINA ZA DO KOUPUSAN Maria Tina za do koupusan. Sambayangai zikoi I tanak nu, Kada do koinsodu mantad Tuhan, Kada do koinsodu mantad diau. Chorus: Oi maria, oi Tina za Kada zikoi diau insudai Gisom no ma do soumul-umul Masi id koginavaan nu. Ontok do kalavong koposizon, Ontok do oikatan ponginaman‟ Oi maria Tina do koupusan, Zikoi I tanak nu tuhungo. Chorus: Ovito zikoi no do minsomok, Kumaa di Jesus ii Tuhan za, Pavakaso kotumbazaan dagai, Tumanus di Jesus I Tuhan za. Chorus: Poimizo montok kapantangan di Upa Tobitua 18. KAPAAZAAN NGAAVI’ TOBITUA (TOI HOZOU SUVAI DO KOPONONGKOTOHUADAN ) Aazou no ii Kinoingan Aazou no ii Ngaan Tobitua Dau‟ Aazou no ii Jesus Kristus, Kinoingan totopot om tuhun totopot. Aazou no ii ngaan‟ di Jesus Aazou no ii Tunduundu Tobitua Dau‟ Aazou no ii Zaa‟ Dau‟ Tapagon -kozo-hoogo Aazou no ii Jesus id di SakramentumTobitua Kozo di Altari Aazou no ii Spiritu Tobitua, ii monunuhung Aazou no ii Tina tapantang do Kinoingan , Mary obitua kozo Aazou no zosido ii obitua om nohodi aiso‟ douso Aazou no ii kinopoinsavatan Tabantung dosido Aazou no ii ngaan di Mary, Haahangai om Tina. Aazou no ii Sangti Joseph, sansavo toniting kozo dosido Aazou no ii Kinoingan, id di Tasab ngaavi‟ Dau‟ om Sangti‟ ngaavi‟ Dau‟. 15 19. BENEDICTION Sumiibo humoub id kasambaan, Id diti Sakramentum tagazo pantangon za, Kavo‟ ngaavi‟ guuguhu‟ ahaid no nokotongkizad Grasia kavavagu momogonop montok saviavi‟ kokuangan Id nombo do komungkangan topiumanan ngaavi‟ naaha. Kobontugan om kapaazaan kanou taako tokou Doid di Tama‟om di Tanak Kapantangan, vinakas om kapaazaan pobooson. Naamot sohiihinaid umulan kotihombus; Isoo‟ i kapaazaan okunon doid Disido I muzu mantad duuduvo sabaagi iso. Amen. -toi- (Tadau-Koonom koiso do-vuhan ) Tantum ergo Sacramentum Veneremur Cernui Et antiquum documentum Novocedat ritui, Praestet fides supplementum Sensuum defectui Genitori genitoque Laus et jubilation, Salus, honor, virtus quoque Compar sit laudation. Amen. Faado: Nakapanaak ko dioho do louti mantad surga. ( Alleluia ) Saviavi‟: Nokotoimo id dii do saviavi‟ kaandasan. ( Alleluia ) Faado: Kanou sumambayang. Oi Kinoingan, id Sakramentum koimazaan diti, Pinotimpoon Nu doid dagai o kaandaman do kinadaa‟an Nu. Mokinsian zikoi Diau do papakavasa dagai, 16 Mooi do kaanu zikoi do sumambadi Mistirium ngaavi‟ Tobitua do Tinan om Zaa‟ Nu. Do tomoimo zikoi no daa kopiuman id koposizon ngaavi‟ dagai di vaza do koponobusan Nu. Iziau ii mamaamasi om momolinta‟ montok sohiihinaid aiso‟ kopupuson. Saviavi‟: Amen. (Sumingkotud gisom do koopi mahik ii Upa Tobitua doid Tabenacle.Naamot do hozoon itia sumusuut: ) O Sakramen Tobitua kozo, O Sakramen Poingkinoingan Saviavi‟ kaazaan om koponongkotohuodan Adadi‟ potitkid timpu Nu. 20. Hozou kopongazan doid di Tina Tondu Dotokou Kanou Voovozon Spiritu