29 - 10 - 2023 II PONUU’ DO KOGINAVAAN Tadau b aino, maza’ dii vinakas ii pataakon di Kristus dotokou, kaanu tokou manaandak miampai dii kaandasan di Spiritu Tobitua dii ponuu’ tagazo do koginavaan ii pinosonsog i’ haid doid tuhun ngaavi’ miampai monomoguno do pogugundoonok dii kohohodong di Kinoingan ii humusi’. HOZOU KOSUANGAN Cf. Ps 104:3-4 Potumbazaai no ii ginavo ngaavi’ ii mogium di Tuhan do umondos; baahing no doid di Tuhan om vinakas Dau’; tomoimo- kozo do mogium do voos Dau’. Ii Gloria in excelsis (Kobontugan doid di Kinoingan) booson. SAMBAYANG-TONIIBO-KOPONIMPUUNAN Oi Kinoingan tavakas-kozo poimpasi-selajul, pogozoo’ o kotumbazaan za, kahansanan om koginavaan-manakadai, om dodizo’ zikoi no do guminavo do nunu ponuu’an Nu, mooi do kikounalan zikoi nodaa do nunu dondion Nu. Maza’ di Tuhan za Jesus Kristus, Tanak Nu, ii mamaamasi om momolinta’ miampai Diau id dii kopiisaan di Spiritu Tobitua, Kinoingan, montok sohiihinaid aiso kopupuson. S. Amen. - 2 - PAMBASAAN KOISO’ Pambasaan mantad dii buuk do Kinohobusan (Exodus) 22:20-26 Minoboos i Tuhan doid di Mos es, ‘Poihoo’ ii tanak ngaavi’ di Israel diti, “Mositi’ do kada’ diozu poimamango’ ii songkosuvazan toi’ undosoo’ o ginavo disido, tu’ minogiigizon kou sabaagi do songkosuvazan ngaavi’ id tana’ do Egypt. Mositi’ do au’ kou osiou doid dii tondu’ napatazan sansavo, toi’ doid dii tanak napatazan mohoing; nung osiou kou doid dioho’, ingkuukuo po nga’ humaad i’ izioho’ doid Dogo’, om kotumbazaai no do oongou Ku mai’ ii haad dioho’; sumingkahab i’ o kohohodong Ku om patazon Ku mai’ iziozu dii ilang, ii sinavaan ngaavi’ diozu sondii’ adadi i’ do tondu’ napatazan sansavo, ii tanak ngaavi’ diozu sondii’ adadi do tanak ngaavi’ napatazan mohoing. “Nung popoohos kou do usin doid toombo noopo dii tuhun Ku ngaavi’, doid toombo noopo tuhun tasampit ii poingamung diozu, mositi’ do kada’ diozu pomoino’ ii toindamaan pokikibunga’ do usin doid disido: mositi’ do kada’ kou pokianu do bunga’ mantad disido. “Nung maganu kou do kuihib do songuh un do sabaagi duduk, mositi’ poguhion diozu ii doid disido do poguhu tumonob-tadau. Ii-ii no ii tibung disido; ii no ii kuihib ii pomohopot disido dii tinan dau’; nunu podii vagu’ o odopon disido? Nung humaad isido doid Dogo’, mokinongou Zou i’, tu’ noponu’ Zou do kobinsianan.” ’ Ii boos di Tuhan. S. Kotohuadan doid di Kinoingan. - 3 - HOZOU KOSIMBAAN (HOZOU-KAPAAZAAN KO-17:2-4.47. 51. S.V.2) S. Guminavo zou Diau, oi Tuhan, i vinakas ku. 1. Guminavo zou Diau, oi Tuhan, i vinakas ku, pampang ku, kuta’ ku, mamamasi ku. I Kinoingan ku no ii pampang ii id nombo zou do mokiumohig; kohid ku, ii sakadai ku tavakas, ii kuta’ ku. Kapadan i Tuhan do saviavi’ kaazaan: ontok humaad zou atampasi zou mantad dii gagut ku ngaavi’ . (S) 2. Koposizon tanaau doid di Tuhan, pampang ku! Aazou no i Kinoingan ii manampasi dogo’. Nakapanaak Isido do kahantazan tagazo doid di laja’ Dau’ om nokopopokito do koginavaan Dau’ montok dii noumaan Dau’ (S) PAMBASAAN KODUVO Pambasaan mantad dii suat koiso’ di Sangti Paul doid dii tuhun ngaavi’ di Thessalonika 1:5-10 Tuminanud kou dii koozuuzuvo’ do pamaamasi ii pinogiigizanan za dii ontok miampai zikoi haid diozu, ii montok kopongia ꞌan doid diozu, om nobuuꞌan kou do dumadi do ii momit ngaavi’ dagai, om di Tuhan; om miampai no ii dii kaandasan di Spiritu To bitua do kuminaa’ kou doid dii abal-t avasi’, sundung i’ ma do doiho’ ii - 4 - kagagaan tagazo do poinhiput diozu. Iti no ii nakapamadadi diozu dii poomitanan tagazo kumaa’ doid saviavi’ ii otumbazaan id Macedonia om Achaia tu’ mantad no diozu do tuminimpuun do tumongkop ii boos di Tuhan – om okon noopo ko’ id pototongkop do Macedonia om Achaia, tu’ nokotongkop doid noonombo nopo ii abal dii kotumbazaan diozu id di Kinoingan. Au’ zikoi i’ tagal do popoiho do tuhun ngaavi’ suvai d o kokomoi diti: tuhun ngaavi’ suvai i’ o popoiho dagai do i ngkuo zikoi do tuminimpuun dii kalaja’ do id tanga diozu, ingkuo kou do huminangkab dii kasambaan doid masou dii ontok kavahiu kou doid di Kinoingan om do duminadi do suupu ngaavi’ di Kinoingan totopot , om poimpasi ; om ingkuo do baabaino do poingandad kou no di Jesus, Tanak Disido, ii tinungag Disido mantad dii poimpatai, do mikot mantad surga do manampasi dotokou do mantad dii ukum-pongontok ii maso mikot. Ii boos di Tuhan. S. Kotohuadan doid di Kinoingan. KAPAABALAN DII ABAL- TAVASI’ Cf. Acts 16:14 Alleluia, alleluia! Ivango’ o ginavo za, Oi Tuhan, do monoimo dii boos ngaavi’ di Tanak Nu. Alleluia! - 5 - toi’ Jn 14:23 Alleluia, alleluia! Nung isai noopo guminavo Dogo’ nga’ tumanud i’ isido dii boos Ku, om guminavo i’ disido i Tama’ Ku, om mikot Zikoi mai’ doid disido. Alleluia! ABAL- TAVASI’ Pambasaan mantad dii Abal- tavasi’ tobitua sinuat di Matthew 22:34-40 Ontok nokoongou ii Pharisee ngaavi’ do nokokodoit di Jesus ii Sadducee ngaavi’ tuminimung izioho’ om, do momuuvong Disido, songuhun dioho’ o pinopoudizo do iso’ tudizo, ‘ O i Mongingia’, toombo ii ponuu’ tagazo no kozo dii Undang- undang?’ Minoboos i Jesus, ‘Mositi’ guminavo ko di Tuhan Kinoingan nu miampai aavi’ ginavo nu, miampai aav i’ koduuduvo nu, om miampai aavi’ pomusaavan nu. Iti no ii tagazo no kozo om ii ponuu’ koiso’. Ii koduvo nopo nga’ miagaaga i’ diti: mositi’ guminavo ko di sungkad-tukad nu sabaagi do iziau sondii’. Doid diti duvo ponuu’ ngaavi’ no do poinsavit ii saviavi’ Undang- undang, om ii Profeta ngaavi’ ponogi’.’ Ii Abal- tavasi’ di Tuhan. S. Kotohuadan doid di Kinoingan. Booson ii ‘Otumbazaan zou’. - 6 - SAM BAYANG DO ID DII TITAAK NGAAVI’ Intong, sumambayang zikoi, Oi Tuhan, do id dii titaak ngaavi’ taakon za doid ko-laja-an Nu, do nunu-noopo ii oimaan za id koponompuanan Diau potunudon nodaa poingahib do saviavi’ doid kobontugan Nu. Maza’ di Kristus Tuhan za. S. Amen. PREFACE KO-VI DII TADAU- MINGGU’ NGAAVI’ ID TIMPU’ TOOMOD Ii batos dii Paska aiso-kopupuson Totootopot do kotunud om otuhid iti, kalaja’ za om kopomasizan za, tomoimo om id-nombo-noopo do manaak Diau do koponongkotohuadan ngaavi’, oi Tuhan, Tama’ tobitua, Kinoingan tavakas-kozo om aiso-kopupuson. Tu’ id Diau do mamaamasi om sumuung zikoi om kiv aa do kotuhunan za, om namot id diti tinan okon noopo ko’ momiumon zikoi dii vaza’ ngaavi’ do kopomohizaan Nu tikid tadau, nga’ do baabaino po nga’ poinsanganu zikoi no dii batos do koposizon aiso-kopupuson. Tu’, nokotoimo nodii dii tuva’ ngaavi’ koiso’ d ii Spiritu, maza’ diisai do tinungag Nu i Jesus mantad dii poimpatai, ahansan zikoi montok do baagi sohiihinaid id dii Mistirium do Paska. Om ingkaa no, miampai saviavi’ dii Tasab ngaavi’, mangazou zikoi Diau, tu’ id kalamazan toondos mangazou zikoi: Ob itua, Obitua, Obitua..... - 7 - HOZOU KOSOMBUTAN Cf. Ps 19:6 Pohonggoon i’ dagai o kaandasan za do id sakadai Nu kapamasi om umunsikou id dii ngaan di Kinoingan za. toi’ Eph 5:2 Gumininavo dotokou i Kristus om pinapataak do Dau- sondii’ montok dotokou, sabaagi taak toongid doid di Kinoingan. SAMBAYANG OPONGO KOSOMBUTAN Sakramintum ngaavi’ Nu, Oi Tuhan, sumambayang zikoi, papatatap nodaa id dagai do nunu ii poimbihiu id-suang dii ngaavi’, do nunu ii lama zon za do baabaino do id tanda’ ngaavi’ insan tadau asanganu nodaa dagai id katapatan. Maza’ di Kristus Tuhan za. S. Amen. BALAKAT Ii balakat di Kinoingan tavakas-kozo, i Tama’, om i Tanak, om i Spiritu Tobitua, sumondot nodaa do id diozu om tumimpoon miampai diozu sohiihinaid. S. Amen.