02.01.2022 kalamazan-tagazo II KINOINTAHANGAN DI TUHAN TOUN A, B, C. ----------------------------------------------------------------------------------------------------------------------- II KINOINTAHANGAN DI KRISTUS DOID POMOGUNAN Mantad dii hisaon do tadau gisom doid tonobon dii mamung tokou do saviavi’ tuhun do pomogunan do sumamba di Tanak Laja’ do Johudi ngaavi’. HOZOU KOSUANGAN Cf. Mal 3:1; 1 Chr 29:12 Biio’, i Tuhan, ii Songuhun Tavakas-kozo, nokoikot no; om ko-laja-an nopo nga’ id kopogoigitan Dau, om kuasa’ om pomolintaan. Ii Gloria in excelsis (Kobontugan doid di Kinoingan) booson. SAMBAYANG-TONIIBO-KOPONIMPUUNAN Oi Kinoingan, ii ontok diti tadau pinopointahang doid dii tinaau’ ngaavi’ di Tanak Tontoisoon Naanak Nu maza’ dii kopotunudan do iso’ tombituon, panaak no id kosianan Nu, do izikoi, ii kotutun no Diau maza’ do kotumbazaan, oovit nodaa do mintong dii vinanus do kobontugan Nu tagazo-kozo. Ii Kinointahangan di Tuhan, Toun A, B, C Maza’ di Tuhan za Jesus Kristus, Tanak Nu, ii mamaamasi om momolinta’ miampai Diau id dii kopiisaan di Spiritu Tobitua, Kinoingan, montok sohiihinaid aiso kopupuson. S. Amen. PAMBASAAN KOISO’ Pambasaan mantad di profeta Isaiah 60:1-6 Ingkakat no, imang no babang oi Jerusalem, tu’ nokoikot no ii titiu nu, humisau no do id diau ii kobontugan di Tuhan, sundung potuu’ do kakaal po do pointokop do tana’ o sodop om poinhikup do tuhun ngaavi o totuvong. Mingkakat no do baino i Tuhan do id savat nu om mimbuhai no ii kobontugan Dau’ do id savat nu. Mikot doid ninavau nu ii tinau’ ngaavi’ om laja’ ngaavi’ nga’ mikot doid binabang nu ii maso no humisau. Tiangog no om pogiigintong no: maso no ngaavi’ tumimung om mikot mintutuk diau, ii tanak kusai nu ngaavi’ mantad sodu’ om ii tanak tondu’ nu ngaavi’ do pibuubuntut do otuzu. Kokito ko nopo diho’ nga’ mimang ko no dii’ sindak, mutub-kutub po om oponu o ginavo nu; tu’ humuzung i’ doid diau ii pinuavangan ngaavi’ dii daat; ii kotos dii tinau’ ngaavi’ nga’ mikot doid diau; otiungan ko i’ do unta’ togumu’, om ii unta’ ngaavi’ poinsuusuvai mantad Midian om Ephah; saviavi’ ii id Sheba nga’ mikot i’, poingovit do amas om kamazan om son-hozou-hozou do kaazaan di Tuhan. 2 Ii Kinointahangan di Tuhan, Toun A, B, C Ii boos di Tuhan. S. Kotohuadan dodi di Kinoingan. HOZOU KOSIMBAAN (Hozou-kapaazaan ko -71:1-2. 7-8. 10-13. R cf.v11) S. Humoub mai’ do id dumbangan Nu o toinsanan tinau’, Oi Tuhan. 1. Oi Kinoingan, pataako’ no doid di laja’ o kopombisalaan Nu, doid tanak kusai do laja’ o kotuhidan Nu, do kaanu dii isido do mombisala’ dii tuhun Nu ngaavi do id kotuhidan om kotunud o pombibisala’ dau’ dii tongomosikin Nu. (S) 2. Id timpu’ disido mogkoongoo’ mai’ o kotuhidan om pibabasan gisom do au’ nodii mimang babang o vuhan. Momolinta’ mai’ isido do mantad daat tiso’ gisom doid daat tiso’, mantad dii Bavang Tagazo gisom doid gontob ngaavi’ do tana’. (S) 3. Manaak mai’ do kapantangan doid disido ii laja’ ngaavi’ do Tarshish om dii tisan ngaavi’ do daat. Manaak mai’ Disido do titohuod ngaavi’ ii laja’ ngaavi’ do Sheba om Seba. Humoub mai’ doid dumbangan disido o saviavi laja’, tumompuan mai’ disido o saviavi’ tinau’. (S) 4. Tu’ tomposizon mai’ disido ii tongomosikin do ontok miad izioho’ om ii tongokuangan ii au’ kovogui. Osianan i’ isido di tongomungkang om tomposizon disido o koposizon dii tongomosikin. (S) 3 Ii Kinointahangan di Tuhan, Toun A, B, C PAMBASAAN KODUVO Pambasaan mantad dii suat di Sangti Paul doid di tuhun ngaavi’ do Ephesus 3:2-3, 5-6 Nokoongou kou no dati’ do ingkuo zou do pinahansanan di Kinoingan dii grasia ii i doun diozu, om do maza’ no do kinopokiikitanan do noonuan zou dii toihaan kokomoi dii mistirium. Mistirium nopo diti ii nokointahang nodii do baino maza’ di Spiritu kuminaa’ doid di apostol tongobitua om profeta ngaavi’ Dau’ nga’ au’ i’ haid noihaan do iisai nopo dii sinakagon ngaavi’ di poguhu i’; komozon nopo diti nga nakabaagi nodii o tuhun kapil ngaavi’ dii tungkus dii isoo’ i’, do somboogizan ngaavi izioho dii iso’ i’ o tinan, om do ii-om-ii ii dandi’ do nakadandi’ doid dioho’, id di Kristus Jesus, maza’ dii abal tavasi’. Ii boos di Tuhan. S. Kotohuadan doid di Kinoingan. KAPAABALAN DII ABAL-TAVASI’ Mt 2:2 Alleluia, alleluia! Nokito dagai ii tombituon Disido di imang hisau ii om nokoikot zikoi do mooi samba di Tuhan. Alleluia. ABAL-TAVASI’ Pambasaan mantad dii Abal-tavasi’ tobitua sinuat di Matthew 2:1-12 Kohodi’ nopo i Jesus do id Bethlehem id Judaea dii ontok i Laja’ Herod o momolinta’, kivaa do piipio tuhun tangabaa do nokoikot doid Jerusalem mantad kohisaon. “Nombo no i Tanak Laja’ do Johudi ngaavi’?” ka dioho’ do minuot: 4 Ii Kinointahangan di Tuhan, Toun A, B, C “Nokito dagai ii tombituon Disido di imang hisau ii om nokoikot zikoi no do mooi samba Disido.” Koongou nopo di Laja’ Herod iti nountingau kozo isido, om ingkaa nogi’ o id pototongkop do Jerusalem. Hoovo’ no disido do tuminimung ii saviavi’ padri’ tangagazo om ii tangabaa ngaavi’ do adat do mantad dii tuhun ngaavi’, om uoto’ no disido izioho’ do id nomboo o kohodion di Kristus. “Id Bethlehem id Judaea,” ka dioho do minononsunud disido “tu’ itia no i pinosuat di profeta: Om iziau, oi Bethehem, id tana’ di Judah okon i ko’ ii tonini’ ko no kozo mantad do huguan ngaavi’ di Judah, tu’ mantad diau no do mikot i’ o songuhun huguan ii mintamong i’ dii tuhun Ku ngaavi’ Israel.” Dadi’ himuvo’ no di Herod do pinopotuubung dau’ ii tuhun tangabaa dii. Uoto’ no disido izioho’ do di songian kozo tadau do minimbuhai ii tombituon, om suu-o’ no disido izioho’ do minugad doid Bethlehem. “Ugad kou no om soizukon no diozu o kokomoi do tanak dino,” ka disido, “om songian nopo do o’ium diozu Isido, nga’ poihoon zou no, do izou nga’ koongoi nogi’ daa samba Disido.” Kopongo po izioho’ do minokinongou do nunu ii pinoboos di laja’, pamanau no izioho’. Om kokito no dioho’ do id poguhu dioho’ ii tombituon ii nokito dioho’ do huminisau; buzu no ii om tood no do id savat dii id nombo ii tanak. Noponu’ izioho’ do kounsikaan do nokokito dii tombituon, om kosuvon nopo izioho dii hamin nga’ kokito no dioho’ ii tanak miampai dii tina’ dau’ i Mary, om singkotud no izioho’ do suminamba Disido. Dadi’, koukabai nopo dioho’ ii kotos ngaavi’ dioho’, onuai no dioho’ Isido do titohuod ngaavi’ do amas, kamazan om inggu’. Nga’ nosunudan izioho’ do id nipi do kada’ guhi’ doid di Herod, om guhi’ nodii izioho’ doid pomogunan dioho’ sondii’ do minaza’ do vazaan suvai. 5 Ii Kinointahangan di Tuhan, Toun A, B, C Ii Abal-tavasi’ di Tuhan. S. Kaazaan doid Diau, oi Tuhan za, Jesus Kristus. Booson ii Otumbazaan zou. SAMBAYANG DO ID DII TITAAK NGAAVI’ Intong miampai kaanangan, oi Tuhan, sumambayang zikoi, do id diti titaak ngaavi’ di Eklizia Nu, id toombo do taakon do baabaino do okonko’ do amas toi’ kamazan om inggu’, nga’ Isido ii maza’ diti ngaavi’ no do maan paabalo’, pohubuko’ om toimoo’, i Jesus Kristus. Ii mamaamasi om momolinta’ montok sohiihinaid aiso-kopupuson. S. Amen PREFACE DII EPIPHANY (KOINTAHANGAN) DI TUHAN - Ii Kristus ii babang dii tinaau’ ngaavi’ Totootopot do kotunud om otuhid iti, kalaja’ za om kopomasizan za, tomoimo om id-nombo-noopo do manaak Diau do koponongkotohuadan ngaavi’, oi Tuhan, Tama’ tobitua, Kinoingan tavakas-kozo om aiso-kopupuson. Tu’ tadau-baino nokopopointahang ko dii mistirium do kopomosizan dagai id Kristus sabaagi babang montok dii tinau’ ngaavi’, om, ontok minintahang Isido id kodoodouvo’ za miho-apatai, dinadi zikoi Diau do vagu maza’ dii kobontugan do kodoodouvo’ Dau’ au-miho-apatai. 6 Ii Kinointahangan di Tuhan, Toun A, B, C Om ingkaa no, miampai Tasab ngaavi’ om Huguan-ngaavi-tasab miampai Tiikoon-laja’ ngaavi’ om Pomolintaan ngaavi’, om miampai saviavi’ dii mogiigizon-ngaavi-id-surga om Kuasa’ ngaavi’ do surga, humozou zikoi dii hozou-kapaazaan do kobontugan Nu, om miampai-aiso-kopupuson mangazou zikoi: Obitua, Obitua, Obitua i Tuhan Kinoingan do…… HOZOU KOSOMBUTAN Cf. Mt 2:2 Nokito za ii tombituon dau’ id dii Kohisaon, om nokoikot miampai taak ngaavi’ do sumamba di Tuhan. SAMBAYANG OPONGO KOSOMBUTAN Ugad id poguhu dagai miampai babang poinsurga, Oi Tuhan, tomoimo om id-nombo-noopo, do okito nodaa dagai miampai pogingintong tatahang om mamantang miampai tuzu’ totopot ii mistirium’ id toombo do hinizab zikoi diau do umampai. Maza’ di Kristus Tuhan za. S. Amen. BALAKAT Tiduku’ kou no montok dii balakat. I Kinoingan, ii nokopomohoou diozu do humabus do kotuvangan kumaa’ doid tanavau Dau’ koimazaan, popotungu nodaa id tinohuod do balakat Dau’ doid diozu 7 Ii Kinointahangan di Tuhan, Toun A, B, C om mamadadi do ginavo ngaavi’ diozu do ogiot id kotumbazaan, kahansanan om koginavaan-manakadai. S. Amen. Om tu’ id saviavi’ kahansanan do tumanud kou di Kristus, ii di tadau-baino minintahang id di pomogunan sabaagi ninavau poimbabang id totuvong, i Kinoingan mamadadi nodaa diozu, ponogi’, do babang montok tobpinai ngaavi’ diozu kusai om tondu’. S. Amen. Om ingkaa no do ontok opupusan o ponompogunan diozu, koikot kou nodaa doid Disido ii nium dii Tuhun Tangabaa(Magi) dii maso izioho’ tumanud dii tombituon om ii no’ium dioho’ miampai kaandasan tagazo, ii Tanavau mantad Tanavau, ii Kristus ii Tuhan. S. Amen. Om ii balakat di Kinoingan tavakas-kozo, i Tama’, om i Tanak, () om i Spiritu Tobitua, sumondot nodaa do id diozu om tumimpoon miampai diozu sohiihinaid. S. Amen. 8
Enter the password to open this PDF file:
-
-
-
-
-
-
-
-
-
-
-
-