Tadau Minggu Ko-2 Do Timpu Paska Toun B TADAU MINGGU’ KODUVO DO PASKA TOUN B (toi Kobinsianan Doun Kinoingan) ------------------------------------------------------------------------------------------------------------------------- Kotumbazaan: Ii Kahantazan Dotokou dii Pomogunan. Mikot tokou songovian do tadau baino miaga dii tinimungan koiso’ do ongotumbazaan ngaavi’, osompuu ginavo om koduuduvo, om mamalamai do kahantazan dotokou do pomogunan maza’ do kotumbazaan dotokou id di Kristus, ii Tanak do Kinoingan. HOZOU KOSUANGAN: 1 PT 2:2 Miaga do tanak-tongoniini’ kohohodi’, mositi’ humangad kou montok dii notinagas, do susu doun- sunduvan, do id Disido gumazo kou nodaa id kopomosizan, alleluia. toi’: 4 Esdr 2:36-37 Toimoo’ ii kaandasan do kobontugan diozu, manaak do koponongkotohuadan ngaavi’ doid di Kinoingan, ii nokopomohoou diozu doid dii pomolintaan poinsurga, alleluia. Ii Gloria in excelsis (Kobontungan doid di Kinoingan) booson. SAMBAYANG-TONIIBO-KOPONIMPUUNAN Kanou sumambayang, Oi Kinoingan do kosianan au-miho-opupusan, ii, id dii kouhitan no kozo dii kalamazan paska do popoikit dii kotumbazaan dii tuhun ngaavi’ nadadi Nu do diau sondii’, pogumuo’, sumambayang zikoi, ii grasia nokovonod nu, 1 Tadau Minggu Ko-2 Do Timpu Paska Toun B do saviavi’ umogot nodaa om kalati’ pointunud-kozo do id nunu pomomodsuan do nohiungan izioho’, maza’ dii diisai do Sunduvan do nohodi-koinvagu izioho’, maza’ diisai do Zaa’ do notobus izioho’. Maza’ di Tuhan za Jesus Kristus, Tanak Nu, ii mamaamasi om momolinta’ miampai Diau id dii kopiisaan di Spiritu Tobitua, iso’ Kinoingan, montok sohiihinaid aiso kopupuson. S. Amen. PAMBASAAN KOISO’ PAMBASAAN MANTAD KOIMAAN NGAAVI’ DII APOSTOL 4:32-35 Ii toinsanan tinimungan do ongotumbazaan nopo nga’ nosompuu, ginavo om koduuduvo; aiso tongosonguhun minagampa montok dau’ sondii’ do kopomogunaan do nunu noopo ii kivaa dau’, tu’ nunu nopo i doun dioho’ nga’ saviavi’ o sanganu. Tuminihombus ii apostol ngaavi’ do sumasi’ doid dii kinotungagan di Tuhan Jesus miampai kuasa’ tagazo, om saviavi’ izioho’ do noonuan do kapantangan tagazo. Aiso dii puu ngaavi’ dioho’ do nokoinsan-insan do nokuangan, tu’ saviavi’ ii kivaa do tana’ toi’ hamin ngaavi’ do papadagang ngaavi’ dii, om mogovit dii usin mantad dioho’, do papaambit dii doid di apostol ngaavi’; dadi’ pinotikid dii ii doid toombo noopo o puu ngaavi’ ii momoguno dati’ dii. II BOOS DI TUHAN. KOTOHUADAN DOID KINOINGAN. HOZOU KOSIMBAAN (HOZOU KAPAAZAAN KO- 117:2-4. 15-18. 22-24. R. v. 1) 2 Tadau Minggu Ko-2 Do Timpu Paska Toun B S. Panaak no do koponongkotohuadan doid di Tuhan tu’ avasi’ Isido, tu’ koginavaan nopo Disido nga’ aiso kopupuson. toi’: S. Alleluia, alleluia, alleluia! 1. Pobooso’ no ii tanak ngaavi’ di Israel do: ‘Koginavaan nopo Disido nga’ aiso kopupuson.’ Pobooso’ no ii tanak ngaavi’ di Aaron do: ‘Koginavaan nopo Disido nga’ aiso kopupuson.’ Pobooso’ no ii ongoonok di Tuhan do: ‘Koginavaan nopo Disido nga’ aiso kopupuson. (S) 2. Nakahantoi ii hongon vanan di Tuhan; ii hongon vanan Disido ii minangakat popoinsavat dogo’. Au’ zou mai’ matai, masi zou mai’ om monusui dii koimaan ngaavi’ Dau’. Noukum zou, noukum zou di Tuhan, nga’ au’ i’ noukum do matai. (S) 3. Ii nopo vatu zinadaan dii mamamaa ngaavi’ nga’ nadadi dii vatu pisuk. Iti no ii kalaja’ di Tuhan, iso’ koimazaan id mato ngaavi’ dotokou. Tadau diti nopo nga’ tinoodo di Tuhan; umondos tokou om ounsikou. (S) PAMBASAAN KODUVO, PAMBASAAN MANTAD DII SUAT KOISO’ DI SANGTI JOHN 5:1-6 3 Tadau Minggu Ko-2 Do Timpu Paska Toun B Isai noopo ii otumbazaan do i Jesus no ii Kristus nga’ naanak di Kinoingan; om isai noopo ii guminavo dii Tama’ ii minaganak Disido nga’ guminavo dii Tanak ii anakon Disido. Kaanu tokou papatantu’ do guminavo tokou do tanak ngaavi’ di Kinoingan nung guminavo tokou di Kinoingan sondii’ om mimang do nunu ii pinonuu’an Disido dotokou; itia no o nunu o guminavo di Kinoingan – migit dii ponuu’ ngaavi’ Dau’; om ponuu’ ngaavi’ nopo Dau’ nga’ au’ i’ osusa’, tu’ isai noopo ii naanak di Kinoingan nga’ nakapagaha’ no do pomogunan; itia no ii kahantazan do magaha’ do pomogunan – kotumbazaan dotokou. Isai kaanu magaha’ do pomogunan? Ii-ii no tuhun ii otumbazaan do i Jesus nopo nga’ Tanak di Kinoingan; i Jesus Kristus ii minikot miampai vaig om zaa’, okonko’ miampai vaig noopo, nga’ miampai vaig om zaa’; miampai di Spiritu sabaagi do iso’ po sasi’- tu i Spiritu no ii katapatan. II BOOS DI TUHAN KOTOHUADAN DOID KINOINGAN. KAPAABALAN DII ABAL TAVASI’ Jn 20:29 Alleluia, alleluia! Minoboos i Jesus do: ‘Otumbazaan ko tu’ kaanu ko do mintong Dogo’. Angasanang no ii au’ ngaavi’ nokokito om otumbazaan i’ ma. Alleluia! 4 Tadau Minggu Ko-2 Do Timpu Paska Toun B II ABAL TAVASI’, PAMBASAAN MANTAD DII ABAL-TAVASI TOBITUA SINUAT DI JOHN 20:19-31 Dii minsosodop do tadau om tadau dii, ii tadau kumoiso’ do minggu’, songingangob ii tataangob ngaavi’ id hinimput dii id nombo ii mokiki’ia’ ngaavi’, tu oosizan dii Johudi ngaavi’. Minikot i Jesus om miningkakat do poingamung dioho’. Minoboos Isido doid dioho’, ‘Pibabasan miampai diozu,’ om pinopokito dioho’ dii pahad Dau’ om dii tobik Dau’. Nongoponu’ do kaandasan ii mokiki’ia’ ngaavi’ dii ontok nokito dioho’ i Tuhan, om minoboos vagu’ Isido doid dioho’, ‘Pibabasan miampai diozu. “Miaga di Ama’ tu’ pinopougad Dogo’, ingkaa Zou nogi’ tu’ popougad diozu.’ Kopongo po do minoboos diti pinuabaan Disido izioho’ om minoboos: ‘Toimoo’ no i Spiritu Tobitua. Montok nopo ngaavi’ dii pohiongon diozu o douso ngaavi’ nga ongohiong ii; montok nopo ngaavi’ dii timpoonon diozu o douso ngaavi’ nga’ ongotimpoon ii.’ I Thomas nopo, pungaanan do id Tapid, ii songuhun dii Opod om Duvo, nga aino’ miampai dioho’ dii ontok minikot i Jesus. Ontok minoboos ii mokiki’ia’ ngaavi’ do, ‘Nokokito zikoi di Tuhan’, suminimba isido, ‘Sahagi ngau’ okito ku ii luak ngaavi’ ii noluakan dii paku ngaavi’ id pahad Dau’ om kosusuk ku iti tuntuu’ ku doid dii luak ngaavi’ ii noluakan dii, om sahagi ngau’ kakama’ ku iti pahad ku doid tobik Dau’ mada’ zou do 5 Tadau Minggu Ko-2 Do Timpu Paska Toun B otumbazaan.’ Vahu’ nodii tadau do mantad dii do doiho’ vagu’ id hamin dii ii mokiki’ia’ ngaavi’ om miampai dioho’ i Thomas. Songingangob ii tataangob ngaavi’, nga’ suminuang i Jesus om miningkakat do poingamung dioho’. ‘Pibabasan miampai diozu,’ ka Disido. Dadi’ minoboos Isido doid di Thomas, ‘Posusuko’ duutia ino tuntuu’ nu; bio’, itia iti pahad Ku. Poohozo’ doiti’ Dogo’ ino pahad nu; posusuko’ ino doid tobik Ku. Kada’ nodii piipiduvoo’ po o ginavo nga’ kotumbazaai no.’ Suminimba i Thomas, ‘Oi Tuhan ku om Kinoingan ku!’ Minoboos i Jesus doid disido: ‘Otumbazan ko tu’ kaanu ko do mintong Dogo’. Angasanang no ii au’ ngaavi’ nokokito om otumbazaan i’ ma.’ Ogumu’ po o tanda’ ngaavi’ suvai do kinalaja’ di Jesus om nokito dii mokiki’ia’ ngaavi’, nga’ au’ ngaavi’ nokosuat ii do id buuk diti. Nongokosuat ngaavi’ itia mooi do otumbazaan kou daa do i Jesus no ii Kristus, ii Tanak di Kinoingan, om do otumbazaan diti do kivaa daa do koposizon diozu maza’ dii ngaan Dau’. II ABAL TAVASI’ DI TUHAN. KAAZAAN DOID DIAU, OI TUHAN ZA, JESUS KRISTUS. SAMBAYANG DO ID DII TITAAK NGAAVI’ Toimoo’, Oi Tuhan, sumambayang zikoi, ii kohubukan ngaavi’ dii tuhun ngaavi’ Nu (om sontob dii noovit nu doid kohodion kavavagu), do, noinvaguvan dii kopongokunan dii ngaan nu om maza’ do Kopodsuan, do kaanu nodaa izioho’ do kasanangan au-miho-opupusan. Maza’ di Kristus Tuhan za. S. Amen. 6 Tadau Minggu Ko-2 Do Timpu Paska Toun B PREFACE KO-I DO PASKA Ii Misterium do Paska Totootopot do kotunud om otuhid iti, kalaja’ za om kopomasizan za, do id saviavi’ timpu’ do mangazou Diau, oi Tuhan, nga’ (ontok diti sodop/ontok diti tadau/id diti timpu’) poingahib do saviavi’ do mangazou Diau do hobi podii koboobontugo’, ontok i Kristus ii Kahapasan za o nakapapak. Tu’ isido no ii Tananak-kambing-biri-biri totopot ii nokopongidu’ dii douso ngaavi’ di pomogunan; maza’ do minatai nopunso Disido o kapatazon za, om maza’ do tuminungag, nokopopotonduhi’ o koposizon za. Iti-no-poogi’, nohinguban miampai kaandasan do paska, potitikid tana’, potitikid tuhun do umunsikou-kozo id kaazaan Nu om ii po Kuasa’ ngaavi’ poinsurga, miampai tinimungan ngaavi’ doun-tasab, humozou songovian dii hozou kapaazaan au-miho-opupusan do kobontugan Nu, do maso mangazou izioho’: Obitua, Obitua, Obitua i Tuhan Kinoingan do …… HOZOU KOSOMBUTAN Cf. Jn 20:27 Pokoozo’ doiti’ ino pahad nu om piumono’ no ii vaza’ dii paku ngaavi, om kada’ do au-otumbazaan nga’ kotumbazaai no, alleluia. 7 Tadau Minggu Ko-2 Do Timpu Paska Toun B SAMBAYANG OPONGO KOSOMBUTAN Panaak no, sumambayang zikoi, oi Kinoingan tavakas-kozo, do koponoimaan za diti Sakramintum do Paska kivaa nodaa do vaza’ pointihombus do id pomusaavan om ginavo ngaavi’ dagai. Maza’ di Kristus Tuhan za. S. Amen. BALAKAT (Timpu’ Paska) I Kinoingan, ii maza’ dii Kinotungagan dii Tanak Tontoisoon Naanak Dau’ nounsikou do papataak doid diozu dii taak do koponobusan om do kogompizan, manaak nodaa diozu do kaandasan maza’ do balakat dau’. S. Amen. Isido, ii diisai do kalaja’ koponobusan do nokotoimo kou dii taak do kagabasan aiso- kopupuson, mamadadi nodaa diozu do tumungkus doid tungkus selajul. S. Amen. Om iziozu, ii nokotungag no miampai di Kristus id Kopodsuan maza’ do kotumbazaan, maza’ do mamaamasi id kalaalahano’ totopot do id diti tana’, kosompuu nodaa miampai Disido id dii tana-uhion do surga. S. Amen. 8 Tadau Minggu Ko-2 Do Timpu Paska Toun B Om ii balakat di Kinoingan tavakas-kozo, i Tama’, om i Tanak, () om i Spiritu Tobitua, sumondot nodaa do id diozu om tumimpoon miampai diozu sohiihinaid. S. Amen. 9
Enter the password to open this PDF file:
-
-
-
-
-
-
-
-
-
-
-
-