24.01.2021 TADAU MINGGU’ KO-TOHU ID TIMPU’ TOOMOD TOUN B I Tuhan ii mongia’ dotokou dii lahan ngaavi’ Dau. Miaga di Jonah, pinougad i Kristus do mooi popo-ia’ do katangaban. Momohoou dotokou Isido do poposimban do lahan ngaavi’ dotokou. Okonko’ adaadahan tokou do id di doun pomogunan, nga’ do otumbazaan dii Abal Tavasi’ om mamaamasi montok dii pomolintaan do Kinoingan. HOZOU KOSUANGAN Cf. Ps 95:1. 6 Hozou no do hozou vagu doid di Tuhan; hozou no doid di Tuhan, oi saviavi’ i tana’. Id kotindapaan dau’ o ko-laja-an om kogingahan, vinakas om kapantangan id tizonon tobitua dau’. SAMBAYANG-TONIIBO-KOPONIMPUUNAN Kanou sumambayang, Oi Kinoingan tavakas-kozo poimpasi selajul, potunudo’ o koimaan ngaavi’ dagai pointanud doid kaanangan tavasi’ Nu, mooi do id dii ngaan dii Tanak koginavaan Nu osimaan zikoi nodaa id kalaja’ tangavasi’. Maza’ di Tuhan za Jesus Kristus, Tanak Nu, ii mamaamasi om momolinta’ miampai Diau id dii kopiisoan di Spiritu Tobitua, iso’ Kinoingan, montok sohiihinaid aiso kopupuson. S. Amen. PAMBASAAN KOISO’, PAMBASAAN MANTAD DII PROFETA JONAH 3:1-5, 10 1 Minggu Ko-3 id Timpu Toomod Toun B Ii boos di Tuhan nokohombus doid di Jonah: ‘Ingkakat!’ ka Disido ‘Ugad doid Nineveh, ii kakadazan tagazo, om ia-on no izioho’ miaga dii nokosunud Ku diau.’ Minamanau i Jonah om minugad doid Nineveh do id kobingimazaan doid dii boos di Tuhan. Nineveh nopo nga’ iso’ kakadazan tagazo ii aiso do paagahan: tohu tadau do dumaapas dii. Tuminihombus i Jonah do sumuang dii kakadazan tagazo, minamanau do sangadau. Minongia’ isido id boos ngaavi’ ditia, ‘Apat po ngoopod tadau om umbakon no o Nineveh.’ Om notumbazaan do id Kinoingan ii tuhun ngaavi’ do Nineveh; pinapatantu izioho’ do kopogkuasaan om minanambasaan do basaan-gumi’, mantad dii tagazo no kozo gisom dii tonini’ no kozo. Nokito do Kinoingan ii pinggisaman dioho’ do mamazada’ dii koulaalaho’ dioho’ talaat. Om kohomi’ no o ginavo di Kinoingan: au’ pinoimang Disido doid dioho’ ii koumbakan ii nagaaban Disido. II BOOS DI TUHAN. KOTOHUADAN DOID KINOINGAN. HOZOU KOSIMBAAN (HOZOU KAPAAZAAN KO-24:4-9 Rv. 4) S. Oi Tuhan, dodizo’ zou no do koiho’ dii lahan Nu ngaavi’. 1. Oi Tuhan, dodizo’ zou no do koiho dii lahan Nu ngaavi’. Oi Tuhan, ia-o’ zou no dii vazaan Nu ngaavi’. Papanao’ zou no id katapatan Nu, om ia-o’ zou no: tu’ Iziau no i Kinoingan mamamasi dogo’. (S) 2 Minggu Ko-3 id Timpu Toomod Toun B 2. Ondomo’ ii kobinsianan Nu, oi Tuhan, om ii koginavaan nopokitanan Nu mantad po di timpuun i’. Id koginavaan Nu ondomo’ zou no, sabap no do kovosian Nu, Oi Tuhan. (S) 3. I Tuhan nopo nga’ avasi’ om otuhid. Popokito Isido dii lahan doid dii umahau, potunudon Disido ii tongohuduk id dii lahan kotunud; po’ia’on Disido ii lahan Dau’ doid dii tongomosikin. (S) PAMBASAAN KODUVO PAMBASAAN MANTAD DII SUAT KOISO’ DI SANGTI PAUL DOID DII TUHUN NGAAVI’ DO CORINTH 7:29-31 Oi tobpinai ngaavi’: timpu’ nopo dotokou nga’ mibo-nibo’. Ii nopo ngaavi’ kisinavaan nga’ apatut mamaamasi do miaga koi’ aiso sinavaan, om ii nopo mogkoudu’ ngaavi’ nga’ apatut mamaamasi do miaga koi’ aiso i’ do pogkouduan dioho’; ii nopo maso ngaavi’ umondos do koposizon nga’ apatut mamaamasi do miaga’ koi’ aiso i’ do koiakan; ii nopo ngaavi’ mamaamasi do id kopomohizan nga’ apatut mamaamasi do miaga koi’ aiso i’ do dioho’ sondii’; om ii nopo ngaavi’ monoina’ do pomogunan nga’ au’ apatut do adaadahaan kozo id dii. Booson ku iti tu’ itia pomogunan nopo, miaga dii noihaan dotokou, nga’ tumahib’. II BOOS DI TUHAN. KOTOHUADAN DOID KINOINGAN. KAPAABALAN DII ABAL TAVASI Mk1:15 Alleluia, alleluia! Ii nopo pomolintaan di Kinoingan nga’ id somok no; kotumbazaai no dii Abal Tavasi’. 3 Minggu Ko-3 id Timpu Toomod Toun B Alleluia! II ABAL TAVASI’ PAMBASAAN MANTAD DII ABAL-TAVASI TOBITUA SINUAT DI MARK 1:14-20 Kagakom nopo nodii i John, minugad i Jesus doid Galilee. Doiho’ no do pinapaabal Isido dii Abal Tavasi’ mantad Kinoingan. ‘Nokoikot no ii timpu’’ ka disido do minoboos, ‘om ii nopo pomolintaan di Kinoingan nga’ id somok no. Tongob no, om kotumbazaai no dii Abal Tavasi’.’ Dii manau-panau Isido mompus id tisan dii Daat do Galilee nokito Disido i Simon om ii tobpinai kusai dau’ i Andrew do maso manatak do pukot id botung tagazo dii – tu’ tuhun mongingintous ngaavi’ izioho’. Om minoboos i Jesus doid dioho’, ‘Tanud Dogo’ om dodizon Ku i’ iziozu do mongingintous ngaavi’ do tuhun.’ Om tuutulus dinuanan dioho’ ii pukot ngaavi’ dioho’ om tuminanud Disido. Di au’ i osodu o kinobuzuo, nokito Disido i James tanak kusai di Zebedee om ii tobpinai kusai dau’ i John; izioho’ nga’ id suang nogi’ dii padaau dioho’, maso monombong dii pukot ngaavi’ dioho’. Hinoou Disido izioho’ tuutulus om, duanai no dioho’ i z’ ama’ dioho’ Zebedee do id suang dii padau miampai dii tuhun ngaavi’ gojihon disido, gusa’ no izioho’ Disido. II ABAL TAVASI’ DI TUHAN. KAAZAAN DOID DIAU, OI TUHAN ZA, JESUS KRISTUS. Booson i Otumbazaan zou. SAMBAYANG DOID DII TITAAK NGAAVI’ Toimoo’ o koundasaan ngaavi’ dagai, Oi Tuhan, sumambayang zikoi, om id kopombituahan dii ngaavi’ 4 Minggu Ko-3 id Timpu Toomod Toun B panaak no do kopopountung nodaa dagai ii ngaavi’ do montok kopomosizan. Maza’ di Kristus Tuhan za. S. Amen. PREFACE KO-III DO DII TADAU-MINGGU’ NGAAVI’ ID TIMPU’ TOOMOD Ii kopomasizan nimaan do tuhun kumaa’ doid tuhun Totootopot do kotunud om otuhid iti, kalaja’ za om kopomasizan za, tomoimo om id-nombo-noopo do manaak diau do koponongkotohuadan ngaavi’, oi Tuhan, Tama’ tobitua, Kinoingan tavakas-kozo om aiso-kopupuson. Tu’ koiho zikoi do poinsanganu iti doid kobontugan nu taiso-gontob, do minikot ko doid dii kapanakadazan do tuhun ngaavi’ miho-apatai miampai do kokinoinganan nu om minonguug podii montok dagai do kopomohingasan dii-sondii’ ii miho-apatai, do ii nontodonon do kootuan za adadi daa dii lahan ngaavi’ do kopomasizan, maza’ di Kristus Tuhan za. Maza’ disido ii tinimungan do Tasab ngaavi’ do sumamba do ko-laja-an nu om umondos id kotindapaan selajul nu. Ii ohou ngaavi’ dagai, sumambayang zikoi, mampot nodaa dii dioho’ id iso’ kopiampatan-hozuk do kaazaan tabantug, do maso zikoi mangazou: Obitua, Obitua, Obitua i Tuhan Kinoingan do……… HOZOU KOSOMBUTAN Cf. Ps 33:6 Intong ponong-doid di Tuhan om imang no navau- kosuong; kada’ potumbazaai o voos ngaavi’ diozu do oikum-ikum. toi’: Jn 8:12 5 Minggu Ko-3 id Timpu Toomod Toun B Izou no ii babang di pomogunan, ka di Tuhan; isai-noopo ii tumanud dogo’ au’ i’ mamanau id totuvong, nga’ kivaa i’ dii babang do koposizon. SAMBAYANG OPONGO KOSOMBUTAN Panaak no, sumambayang zikoi, oi Kinoingan tavakas- kozo, do, monoimo dii grasia ii toombo do oviton zikoi diau doid koposizon vagu, tomoimo zikoi nodaa do mimbantug id ngaan nu. Maza’ di Kristus Tuhan za. S. Amen. BALAKAT Om ii balakat di Kinoingan tavakas-kozo, i Tama’, om i Tanak, () om i Spiritu Tobitua, sumondot nodaa do id diozu om tumimpoon miampai diozu sohiihinaid. S. Amen. 6
Enter the password to open this PDF file:
-
-
-
-
-
-
-
-
-
-
-
-