26 - 6 - 2022 I TUHAN TOMPUANON DOTOKOU Okunon dotokou i Kristus ii hobi po ginazo guno doid dotokou ko’ saviavi’ o pomogunan om nakapamadadi dotokou i Spiritu Dau’ do tumantu’ do tumanud Disido doid nombo noopo o pogovitan Disido dotokou. HOZOU KOSUANGAN Ps 46:2 Oi saviavi’ tuhun, pitapapo’ o pahad diozu. Haad doid di Kinoingan miampai gizak ngaavi’ do kaandasan! Ii Gloria in excelsis (Kobontugan doid di Kinoingan) booson. SAMBAYANG-TONIIBO-KOPONIMPUUNAN Oi Kinoingan, ii maza’ dii grasia do kogompizan minomihi’ dagai do dumadi do tanak ngaavi’ do ninavau, panaak no, sumambayang zikoi, do au’ zikoi nodaa ohopot id dii kotuvangan do kahasaan nga’ tomoimo okito do poingkakat id dii ninavau tosikit do katapatan. Maza’ di Tuhan za Jesus Kristus, Tanak Nu, ii mamaamasi om momolinta’ miampai Diau -2- id dii kopiisaan di Spiritu Tobitua, Kinoingan, montok sohiihinaid aiso kopupuson. S. Amen. PAMBASAAN KOISO’ Pambasaan mantad di buuk koiso do Laja’ ngaavi’ 19:16, 19-21 Poboos no i Tuhan doid di Elijah, “Pamanau no, ngozo’ no umaai i Elisah tanak kusai di Shaphat, do Abel Meholah, sabaagi’ profeta do sumovohi diau.” Tongkizad no mantad doiho’, kosoomo’ no i Elijah di Elisha tanak kusai di Sahphat dii maamaso mamaladu isido do minomoguno do opod om duvo pasang o tontohuan sapi’, isido sondii’ o miampai dii koopod om duvo. Tahib no i Elijah do id doos disido om pokuihibai no dau’ ii kuihib dau’ doid disido. Duanai no di Elisha ii tontohuan sapi’ ngaavi’ dau’ om panangkus no do guminusa’ di Elijah. “Ngozo’ ku po haid tungubai i z’ama’ om i z’ina’ ku, om vagu’ nogi’ do tumanud zou diau,” ka disido. Simba no i Elijah do, “Pamanau no, guhi’ no; tu’ okon i’ motuu ko’ kiikinuo ku iziau?” Pamanau no i Elisha, ngozo ii sapasang tontohuan sapi’ om kooto’ no ii. Ginuno disido ii ladu do pinodsudu do minagansak dii sapi’, dadi’ pataako’ no dau’ ii doid di tuhun ngaavi’ dau’, ii minangakan dii. Ingkakat nodii isido, om tanud no di Elijah om dadi no do suupu’ disido. Ii boos di Tuhan. S. Kotohuadan doid di Kinoingan. -3- HOZOU KOSIMBAAN (HOZOU KAPAAZAAN KO-15:1-2. 5.7-11 R.v.5) S. Oi Tuhan, Iziau no ii baagi ku. 1. Tomposizo’ zou no, oi Kinoingan, mokiumohig zou id Diau. Moboos zou doid di Tuhan: ‘Iziau no i Kinoingan Ku.’ Oi Tuhan, Iziau no ii baagi om sasavan ku; Iziau no sondii’ ii vava-kahantazan ku. (S) 2. Ozoon ku i Tuhan ii manaak dogo’ do tutuduk, ii ontok po do doungosodop nga’ popotunud do ginavo ku. Tomoimo nopo do poingintong zou di Tuhan: tu’ id avananan ku Isido, mingkakat zou mai’ do poimpantod. (S) 3. Om ingkaa no do umunsikou i ginavo ku, oondos i koduuduvo ku; tinan ku po nga’ mundoong mai’ do id koumohigan. Tu’ au’ Nu i’ pohogoson i koduuduvo ku do poingamung di nangapatai, au’ nu nogi’ potumbazaan do koiho do kobuntungan ii koginavaan Nu. (S) 4. Pokitonon zou i’ Diau dii lahan do koposizon, ii kaganapan do kounsikaan id dumbangan Nu, id avananan Nu o kasanangan selajul. (S) -4- PAMBASAAN KODUVO Pambasaan mantad dii suat di Sangti Paul doid di tuhun ngaavi’ do Galatia 5:1. 13-18 Ontok nopo dii pahapaso’ tokou di Kristus, nga’ kituddu Isido do popotihombus tokou do poinhapas. Imang kou no poogi’, pantod do mingkakat, om ada’ kou nodii husuk doid poku’ do koudipanan. Oi tobpinai ku ngaavi’, nongohoou kou, om nokoiho kou diti, doid kahapasan; nga’ songingat-ingat kou no, tu’ nung au’ nga’ kahapasan diti manaak dati diozu do kosivatan do id kapanantaban sondii’. Okon daa do ingkaa, nga’ pogitootompuan kou no, do id kalaja’ ngaavi’ do koginavaan, tu’ saviavi’ dii id Undang-Undang nga’ okukup mongiso’ doid iso’ ponuu’: Ginovoo’ no i vokon nu miaga do guminavo ko diau sondii’. Nung mogi-asang- asang kou om mogigaagansai kou, nga’ avasi’ no do mingat kou tu’ nung au’ nga’ ovuzas dati’ diozu o oinsanan dii tinimungan. Maai ku polotio’ iti do miaga ditia: nung i Spiritu o popotunud diozu nga’ aiso i’ do kohigaganan do aahung kou doid kapanantaban sondii’, tu’ kapanantaban sondii’ nopo nga’ havan di Spiritu, i Spiritu nopo nga’ sakaakahi no do humavan do miaga diho’, om sabap no kozo do au’ toomod misamo o duu-duvo diho’ do okon dii ko’ tomoimo kou do kaanu do papapanau dii angkab ngaavi’ diozu tangavasi’. Nung pibuu-buu’an kou di Spiritu, nga’ aiso i’ do undang-undang do kakama’ diozu. Ii boos di Tuhan. S. Kotohuadan doid di Kinoingan. -5- KAPAABALAN DI ABAL-TAVASI’ 1 Sam 3:9:Jn 6:68 Alleluia, alleluia! Poboos no, oi Tuhan, poingongou i suupu Nu: kivaa Diau do pason do koposizon selajul. Alleluia! ABAL-TAVASI’ Pambasaan mantad dii Abal-tavasi’ tobitua sinuat di Luke 9:51-62 Di momok-somok nodii ii timpu’ montok Disido do poinsavaton doid Surga, ovio’ no di Jesus o ginavo Dau’ do minugad doid Jerusalem om ponuu’ no Isido do mogogovit ngaavi’ do kopoihaan do minoguhu Disido. Pamanau no ngaavi’ ii, om suang no izioho’ doid iso’ kampung do tuhun Samaria do mooi popotounda’ montok Disido, nga’ au’ minonoimo Disido ii tuhun ngaavi’ tu’ pougadan Disido doid Jerusalem. Kokito nopo i mokiki-ia’ James om John diti nga’ poboos no izioho’ do, “Oi Tuhan, mimang Ko naku do suu’on dagai o tapui mantad Surga do monutud dioho’?” Nga’ toguvang po Isido om hodongo’ no Disido izioho’, om pakaazai no dioho’ doid kampung tiso’. Dii maamaso izioho’ mindahan kasaamaanai no dioho’ o songuhun kusai do doiho’ id talun-alun ii minoboos doid Disido do, “Tumanud zou Diau doid nombo noopo o pakaazan Nu.” Simba no i Jesus do, “Kivaa do luak do tompu ngaavi’ om tombohog ngaavi’ do id tavan nga’ kivaa do lumun, nga’ ii nopo Tanak do Tuhun nga’ aiso do pohunanan Dau’ dii tuhu Dau.” Ii nopo songuhun ii biniisaan Disido do, “Tanud Dogo’,” nga’ suminimba do, -6- “Ngozo’ ku po haid hobongo’ i z’ama’ ku.” Nga’ simba’ no Isido do, “Pohogoson ii napatai do momohobong dii nangapatai; kalaja’ nu nopo nga’ mugad do mooi popotongkop dii abal dii pomolintaan di Kinoingan.” Songuhun po vagu’ o minoboos do, “Tumanud zou i’ Diau, oi Tuan, nga’ ngozo’ ku po haid potoodoo’ ii tuhun ku ngaavi’ do doiho’ id hamin.” Poboos no i Jesus doid disido do, “Nokoigit nopo do id ladu ii hongon, nga’ aiso nodii do tongosonguuhun dii mogkovihi do kosudong montok dii kopomolintaan di Kinoingan.” Ii Abal-tavasi di Tuhan. S. Kaazaan doid Diau, oi Tuhan za, Jesus Kristus. Booson ii Otumbazaan. SAMBAYANG DO ID DII TITAAK NGAAVI’ Oi Kinoingan, ii avasi-kozo do minomongo dii vaza’ ngaavi’ do misterium ngaavi Nu, panaak no, sumambayang zikoi, do ii koimaan ngaavi’ potompuanon za Diau kosudong nodaa diti taak ngaavi’ tobitua. Maza’ di Kristus Tuhan za. S. Amen. -7- PREFACE KO-III DO DII TADAU-MINGGU’ NGAAVI’ ID TIMPU’ TOOMOD Ii kopomasizan nimaan do tuhun kumaa’ doid tuhun. Totootopot do kotunud om otuhid iti, kalaja’ za om kopomasizan za, tomoimo om id-nombo-noopo do manaak Diau do koponongkotohuadan ngaavi’, oi Tuhan, Tama’ tobitua, Kinoingan tavakas-kozo om aiso-kopupuson, Tu’ koiho zikoi do poinsanganu iti doid kobontugan Nu taiso-gontob, do minikot ko doid dii kapanakadazan do tuhun ngaavi’ miho-apatai miampai do kokinoinganan Nu om minonguug podii montok dagai do kopomohingasan dii-sondii’ ii miho-apatai, do ii nontodonon do kootuan za adadi daa dii lahan ngaavi’ do kopomasizan za, maza’ di Kristus Tuhan za. Maza’ Disido ii tinimungan do Tasab ngaavi’ do sumamba do ko-laja-an Nu om umondos id kotindapaan sohiihinaid Nu. Ii ohou ngaavi’ dagai, sumambayang zikoi, mampot nodaa dii dioho’ id iso’ kopiampatan-hozuk do kaazaan tabantug, do maso zikoi mangazou: Obitua, Obitua, Obitua… HOZOU KOSOMBUTAN Cf. Ps 102:1 Ozoo’ no i Tuhan, oi koduuduvo ku, om oi saviavi’ id-suang ku, ii ngaan tobitua dau’. -8- toi’ Jn 17:20-21 Oi Ama’, sumambayang zou montok dioho’, do iso’ nodaa izioho’ id dito’, do i pomogunan otumbazaan nodaa do nokopopougad Ko Dogo’, ka di Tuhan. SAMBAYANG OPONGO KOSOMBUTAN Iti kohubukan poin-Kinoingan ii nataak om notoimo za momonu’ nodaa dagai miampai koposizon, Oi Tuhan, sumambayang zikoi, mooi do, poingkagos doid Diau id kapanakadazan sohiihinaid, momiuva’ zikoi nodaa do tuva’ ii otogui montok sohiihinaid timpu’. Maza’ di Kristus Tuhan za. S. Amen. BALAKAT Om ii balakat di Kinoingan tavakas-kozo, i Tama’, om i Tanak, om i Spiritu Tobitua, sumondot nodaa do id diozu om tumimpoon miampai diozu sohiihinaid. S. Amen.
Enter the password to open this PDF file:
-
-
-
-
-
-
-
-
-
-
-
-