Tadau Minggu’ Ko-opod Om Iso Id Timpu Toomod, Toun B TADAU MINGGU’ KO-OPOD OM ISO’ ID TIMPU’ TOOMOD TOUN B 13.06.2021 I Kazu Cedar do Lebanon Ii nopo Eklizia di Kristus nga’ miaga do iso’ kazu ii tinanom do Kinoingan id pomogunan. Mantad dii tonini’ no kozo do hinsou ngaavi’ duminadi ii do kazu ngaavi’ ii nazou kozo om minomonu’ do tana’. Miaga tokou dii tombohog ngaavi’ id tongus ii monoodo do izonon id disido. HOZOU KOSUANGAN Cf. Ps 26:7,9 Oi Tuhan, kinongoo’ o ohou ku, tu’ nokopomohoou zou doid Diau; imang no dadi’ do mananakadai dogo’. Kada’ pamazada’ toi’ pogiduan dogo’, oi Kinoingan, Mamamasi’ dogo’! SAMBAYANG-TONIIBO-KOPONIMPUUNAN Kanou sumambayang, Oi Kinoingan, vinakas do sontob dii humansan id Diau, kaanangai-kozo no do mokinongou do kopokiinsianan ngaavi’ dagai, om, tu’ okonko’ miampai Diau nopo nga’ komungkangan do mizau aiso taanu do mimang, panaak no dagai tomoimo dii sakadai do grasia Nu, do id tumanud do ponuu’ ngaavi’ Nu kopopounsikou zikoi nodaa Diau maza’ do kotontuan za om koimaan ngaavi’ dagai. Maza’ di Tuhan za Jesus Kristus, Tanak Nu, ii mamaamasi om momolinta’ miampai Diau id dii kopiisaan di Spiritu Tobitua, iso’ Kinoingan, montok sohiihinaid aiso kopupuson. Amen. 1 Tadau Minggu’ Ko-opod Om Iso Id Timpu Toomod, Toun B PAMBASAAN KOISO’, PAMBASAAN MANTAD BUUK DI PROFETA EZEKIEL 17:22-24. Minoboos i Tuhan diti: ‘Mantad dii tuntu dii kazu cedar, mantad dii laan tasavat kozo maganu zou i’ do tubus om potonomon Ku sondii’ ii do id iso’ nuhu takavas kozo. Potonomon Ku i’ ii do id dii nuhu takavas di Israel. Momitubus i’ ii do laan ngaavi’ om momiuva’, om dumadi do kazu cedar taazou. Potitikid kavo do tombohog mizon i’ id susut dii, potitikid kavo do vinangun kipahapa’ mundoong i’ id dii hinungung dii laan ngaavi’ dii. Om potitikid kazu do id dii gana’ do koiho i’ do Izou, i Tuhan, no ii iso’ ii mangagak do kazu ngaavi’ talanggou om mamadadi dii tosiibo’ ngaavi’ do sumuni, ii momohozi’ do kazu tongotomou om mamadadi dii nongohozi’ do otomou. Izou, i Tuhan, nokoboos, om maan Ku i’ ii.’ II BOOS DI TUHAN. KOTOHUADAN DOID DI KINOINGAN. HOZOU KOSIMBAAN (HOZOU KAPAAZAAN KO-91:2-3. 13-16 R. cf. v. 2.) S: Avasi’ do manaak Diau do koponongkotohuadan, Oi Tuhan. 1. Avasi’ do manaak do koponongkotohuadan doid di Tuhan do monoodo do hozuk-tuunizon doid ngaan Nu, Oi Takavas Kozo, do papaabal do koginavaan Nu id dii doungosuvab om katapatan Nu id dii pintatamangan ngaavi’ dii doungosodop. (S) 2. Ii nopo tongotuhid nga’ mogkoongoo’ i’ miaga di kazu-paam om sumuni miaga do iso’ kazu cedar do Lebanon. (S) 2 Tadau Minggu’ Ko-opod Om Iso Id Timpu Toomod, Toun B 3. Natanom id dii hamin di Tuhan, mogkoongoo’ i’ izioho’ id dii datad ngaavi’ di Kinoingan, kakal momiuva’ do ontok nohoing ngaavi’ ii, kakal poimponu’ do vonod, kakal otomou, do papaabal do i Tuhan nopo nga’ otuhid. Id Disido, i pampang ku, aiso i’ do kahasa’. (S) PAMBASAAN KODUVO, PAMBASAAN MANTAD SUAT KODUVO DI SANGTI PAUL DOID TUHUN NGAAVI’ DO CORINTH 5:6-10. Tomoimo nopo dagai do noponu’ do kahansanan do ontok oondom dagai do mogiigizon nopo do id dii tinan nga’ komozon do poingidu’ mantad di Tuhan, muzu miaga dii maan dagai miampai do kotumbazaan om okonko’ miampai do tokito – noponu’ zikoi do kahansanan, kangku, om totootopot no do mimang do poingidu’ mantad dii tinan om monoodo do pogiigizanan dagai miampai di Tuhan. Poingizon zikoi po toi’ do id dii tinan toi’ poingidu’ mantad dii, nga’ pointuddu zikoi do popounsikou Disido. Tu’ saviavi’ ii katapatan kokomoi dotokou nga’ oovit i’ humabus doid dii kuut undang-undang di Kristus, om tosoosonguhun dotokou do kaanu i’ do nunu ii misudong dau’ montok dii konunu ngaavi’ ii nimaan id dii tinan, avasi’ toi’ alaat. II BOOS DI TUHAN. KOTOHUADAN DOID KINOINGAN. KAPAABALAN DI ABAL TAVASI Jn 15:15 Alleluia, alleluia! Pungaanan Ku iziozu do tambahut ngaavi’, ka di Tuhan, tu’ nopoihaan Ku doid diozu o potitikid konunu ii nopinsingihaan Ku mantad di Tama’. Alleluia! toi’ 3 Tadau Minggu’ Ko-opod Om Iso Id Timpu Toomod, Toun B Alleluia, alleluia! Ii nopo hinsou nga’ ii boos di Kinoingan, i Kristus ii papapasasad; isai noopo ii ko-ium dii hinsou nga’ tumindooi i’ selajul. Aleluia! II ABAL TAVASI’, PAMBASAAN DII ABAL-TAVASI’ TOBITUA SINUAT DI MARK 4:26-34. Minoboos i Jesus doid dii tinimungan ngaavi’ do tuhun togumu’: ‘Ii pomolintaan di Kinoingan nopo nga’ miaga ditia. Songuhun tuhun papasasad do hinsou doid tana’. Sodop om tadau, naamot do poingodop isido, ontok poimposik isido, maso sumuni ii hinsou om gumazo; ingkuo, au’ koiho isido. Tumanud do kobuubuzuo’ dii sondii’ do posunizon po haid dii tana’ ii hobus, dadi’ ii no boozungan, dadi’ ii nodii hinsou id dii boozungan. Om ontok nogonop tinuo dii tanom, au’ nodii momiubat timpu isido: tumimpuun isido do mongomot tu’ nokoikot no o timpu’ pangangamatan.’ Minoboos nogi’ Isido, ‘Nunu dii ii aanu dotokou do popoboos do miaga nunu ii pomolintaan di Kinoingan? Nunu o boovihan do oi- ium dotokou montok dii? Ii nopo nga’ miaga do iso’ hinsou sasawi ii ontok nopo dii timpu’ potonomon ii do id tana’ nga’ ii no ii tonini’ no kozo dii saviavi’ hinsou ngaavi’ do id tana’; nga’ natanom nopo ii gumazo no ii dumadi do kazu tosugoonggong ii tagazo no kozo dioho’ saviavi’ om momulaan ii do laan tangagazo mooi do kaanu sumusut id hinungung dii ii tombohog ngaavi’ do id tongus.’ Minomoguno do ogumu’ o boovihan miaga diti ngaavi’, binoos Disido ii boos doid dioho’, sogiigisom nopo do nakaanu izioho’ do mamalati’ dii. Au’ i’ minoboos Isido doid dioho’ nga’ id boo- boovihan ngaavi’ no, nga’ pinalati’ Disido o nunu nopo doid dii mokiki’ia’ ngaavi’ Dau’ dii ontok osondii-an izioho’. II ABAL TAVASI DI TUHAN. KAAZAAN DOID DIAU, OI TUHAN ZA, JESUS KRISTUS. 4 Tadau Minggu’ Ko-opod Om Iso Id Timpu Toomod, Toun B SAMBAYANG DO ID DII TITAAK NGAAVI’ Oi Kinoingan, ii id dii taak ngaavi’ taakon doiti’ momogonop montok dii induvo-kopiko o kogunaan ngaavi’ do kodoodouvo’ do tuhun, monogok dagai miampai takanon om mongimvagu dagai miampai do Sakramintum Nu, panaak no, sumambayang zikoi, do ii takanon pataakon dioho’ au’ nodaa momohiong dagai id tinan toi’ id sunduvan. Maza’ di Kristus Tuhan za. Amen. PREFACE KO-I DO DII TADAU-MINGGU’ NGAAVI’ ID TIMPU’ TOOMOD Ii Misterium do Paska om ii Tuhun ngaavi’ di Kinoingan Totootopot do kotunud om otuhid iti, kalaja’ za om kopomasizan za, tomoimo om id-nombo-noopo do manaak Diau do koponongkotohuadan ngaavi’, oi Tuhan, Tama’ tobitua, Kinoingan tavakas-kozo om aiso- kopupuson, maza’ di Kristus Tuhan za. Tu’ maza’ di Misterium do Paska Disido, nopongo Disido ii koimaan koimazaan-kozo, ii maza’ dii no do nakapapagabas Isido dagai do mantad dii poku’ do douso om kapatazon, momohoou dagai doid dii kobontugan do baabaino pungaanan nodii do tinaau’ nopihi’, kopadrian poinlaja’, tinaau’ tobitua, tuhun ngaavi’ montok kosongonuan Nu sondii’, do papaabal id-nombo-noopo dii kalaja’ ngaavi’ Nu tindama’, tu’ nokopomohoou ko dagai do humabus do totuvong kumaa’ doid ninavau Nu sondii’ koimazaan. Om ingkaa no, miampai do Tasab ngaavi’ om Huguan-tasab ngaavi’, miampai Tiikoon-laja’ ngaavi’ om Pomolintaan ngaavi’, 5 Tadau Minggu’ Ko-opod Om Iso Id Timpu Toomod, Toun B om miampai saviavi’ dii mogiigizon-ngaavi-id-surga om Kuasa’ ngaavi’ do surga, humozou zikoi dii hozou-kapaazaan do kobontugan Nu, om miampai-aiso-kopupuson mangazou zikoi: Obitua, Obitua, Obitua i Tuhan Kinoingan do…….. HOZOU KOSOMBUTAN Ps 26:4 Kivaa iso’ konunu ii pokionuon ku di Tuhan, ii-iti no o iumon ku: do mogiigizon id dii hamin di Tuhan do saviavi’ dii tadau do koposizon ku. toi’ Jn 17:11 Oi Tama’ Tobitua, opio’ id ngaan Nu ii sontob nakataak Nu dogo’, do iso’ nodaa izioho’ miaga dito’ tu’ iso’, ka di Tuhan. SAMBAYANG OPONGO KOSOMBUTAN Tu’ iti koponoimaan do Kosombutan Tobitua Nu, Oi Tuhan momohungung-no-haid dii kopiisaan dii ongouhi’ doid Diau, ingkaa nogi’ do mogovit nodaa iti do piisaan id Eklizia Nu. Maza’ di Kristus Tuhan za. Amen. BALAKAT Om ii balakat di Kinoingan tavakas-kozo, i Tama’, om i Tanak, () om i Spiritu Tobitua, sumondot nodaa do id diozu om tumimpoon miampai diozu sohiihinaid. Amen. 6
Enter the password to open this PDF file:
-
-
-
-
-
-
-
-
-
-
-
-