10.01.2021 II KINOPODSUAN DI TUHAN TOUN B Id Jordan numaan di Tama’ ii Tanak koginavaan Dau’, i Jesus, miampai di Spiritu Tobitua om miampai kuasa’, do mogovit do kopomohingasan om pibabasan doid saviavi’ dii tinau’. HOZOU KOSUANGAN: Cf. Mt 3:16-17 Kopongo nopo do nopodsu‟ i Tuhan, uminivang ii tavan, om ii Spiritu suminondot doid disido miaga do tombohog-asang, om ii ohou di Tama‟ tumininggoud: Iti no ii Tanak koginavaan ku, kaanangan ku kozo. Ii Gloria in excelsis (Kobontugan doid di Kinoingan) booson. SAMBAYANG-TONIIBO-KOPONIMPUUNAN Oi Kinoingan tavakas-kozo poimpasi-selajul, ii, ontok nopodsu‟ i Kristus id dii Bavang Jordan om do maso suminondot i Spiritu doid Disido, poingimatu kozo do pinabaabal Disido do ii Tanak koginavaan Nu, panaak no do tanak ngaavi‟ Nu maza‟ do kogompizan, ohodi-koinvagu do vaig om di Spiritu Tobitua, tomoimo nodaa do kopopounsikou kozo doid 1 Ii Kinopodsuan di Tuhan Diau. Maza‟ di Tuhan za Jesus Kristus, Tanak Nu, ii mamaamasi om momolinta‟ miampai Diau id dii kopiisaan di Spiritu Tobitua, iso‟ Kinoingan, montok sohiihinaid aiso kopupuson. S. Amen. toi‟: Oi Kinoingan, ii diisai do Tanak Tontoisoon Naanak nokointahang do id tonsi‟ kozo no dagai, panaak no, sumambayang zikoi, do ponong-id-suang kozo nodaa izikoi do avahiu (osihiu) maza‟ Disido do intutunan za sabaagi ponong-id-habus miaga dagai-sondii‟. Ii mamaamasi om momolinta‟ miampai Diau id dii kopiisaan di Spiritu Tobitua, iso‟ Kinoingan, montok sohiihinaid aiso kopupuson. S. Amen. PAMBASAAN KOISO‟, PAMBASAAN MANTAD BUUK DI PROFETA ISAIAH 55:1- 11 Ikot doid di vaig oi saviavi‟ kou ii tutuuvan; sundung do aiso usin diozu, ikot no! Pomohi no do gandum miampai aiso usin, om makan no, om, do aiso hoogo, anggur om susu. Nookuo tu‟ mambalanja‟ do usin do id nunu ii okonko‟ louti, do gaji ngaavi‟ diozu do id nunu ii au‟ kosontob? Pokinongou, pokinongou doid dogo‟, om kivaa i‟ do konunu tangavasi‟ diozu do akanon om takanon toopoto do ondoson. Pokinongou no kozo, ikot doid dogo‟; pokinongou, om apasi i‟ i koduuduvo diozu. Miampai diozu monoodo Zou i‟ do pibatasan aiso kopupuson do mantad dii kovosian ngaavi‟ ii nakabatos 2 Ii Kinopodsuan di Tuhan doid di David. Bio‟, nadadi Ku iziozu do sasi‟ doid dii tuhun ngaavi‟, buuan om tuan dii tinau‟ ngaavi‟. Bio‟, momohoou kou i‟ do tinau‟ ii au‟ notuutu-tunan diozu, ii ngaavi‟ au-notutunan mikot i‟ do magab-agab doid diozu, montok no di Tuhan Kinoingan diozu, dii Songuhun Tobitua di Israel ii mambantug mai‟ diozu. Iumo‟ no i Tuhan do kakal po Disido do o-ium, pomohoou doid Disido do kakal po Disido do id somok. Pazadao' do lahan dau‟ ii tuhun talaat, ii tuhun talaat dii pomusaavan ngaavi‟ dau‟. Poguhio‟ isido doid di Tuhan ii osianan mai‟ disido, doid di Kinoingan dotokou ii puavang id kopohiongan; tu‟ pomusaavan ngaavi‟ Ku nopo nga‟ okonko‟ pomusaavan ngaavi‟ diozu, lahan ngaavi‟ Ku nopo nga‟ okonko‟ lahan ngaavi‟ diozu – iti no i Tuhan ii moboos. Oo‟, akavas id savat do tana‟ o tavan miaga dii lahan ku ngaavi‟ do akavas id savat di lahan ngaavi‟ diozu, ii pomusaavan Ku ngaavi‟ do akavas mantad di pomusaavan ngaavi‟ diozu. Oo‟, miaga dii asam om ii vaig-asam-nokokodou nga‟ sumondot mantad tavan om do au‟ gumuhi‟ do au‟ kopomo-vaig di tana‟, popovuhai do asil dii om manaak do kosunizan do manaak hinsou montok dii papapasasad- hinsou om louti montok akanon, ingkaa nogi ii boos ii humabus mantad kabang Ku do au‟ gumuhi‟ doid Dogo‟ do aiso suang, do au‟ kopomongo dii hizab Ku om do kahantoi do id nunu ii kinopougadan dii do mimang. II BOOS DI TUHAN. KOTOHUADAN DOID KINOINGAN. 3 Ii Kinopodsuan di Tuhan HOZOU KOSIMBAAN (Is.12:2-6. R v. 3) S. Miampai kaandasan sumagou kou i‟ do vaig mantad dii toobong ngaavi‟ do kopomosizan. 1. Totootopot no, i Kinoingan no ii kopomosizan ku, ahansan zou, au‟ zou mai‟ oosizan. Tu‟ i Tuhan no ii kavakasan ku, hozou ku, duminadi Isido do mamamasi ku. Miampai kaandasan sumagou kou i‟ do vaig mantad dii toobong ngaavi‟ do kopamasizan. (S) 2. Ponongkotohuod no di Tuhan, poozoo no i ngaan Disido! Poihaai no doid di tuhun ngaavi‟ ii koimaan ngaavi‟ tindama Disido. Paabalo‟ no ii binantug dii ngaan Dau‟. (S) 3. Hozou no do iso‟ hozou-kapaazaan doid di Tuhan Tu‟ nokoimang Isido do koimaan ngaavi‟ tabantug, poihaai no ngaavi‟ ii doid saviavi‟ dii tana‟! Oi tuhun ngaavi‟ do Zion, hozou om gizak no montok kaandasan tu‟ indama‟ do poingamung diozu i Songuhun Tobitua di Israel. (S.) PAMBASAAN KODUVO, PAMBASAAN MANTAD SUAT KOISO‟ DI SANGTI JOHN 5:1-9 Iisai noopo ii otumbazaan do i Jesus nopo nga‟ ii Kristus nga‟ naanak di Kinoingan; om iisai noopo guminavo dii Tama‟ ii minaganak Disido nga‟ guminavo dii tanak ii anakon Disido. Kaanu tokou papatantu‟ do guminavo tokou do tanak ngaavi‟ di Kinoingan nung guminavo tokou 4 Ii Kinopodsuan di Tuhan di Kinoingan sondii‟ om mimang do nunu ii pinonuu‟an Disido dotokou; itia no komozon do guminavo di Kinoingan – mimozo dii ponuu‟ ngaavi‟ Dau; om ponuu‟ ngaavi‟ nopo Disido nga‟ au‟ i‟ osusa‟, tu‟ iisai nopo ii naanak di Kinoingan nga‟ nakapagaha‟ no do pomogunan; itia no ii kahantazan do id di pomogunan – ii kotumbazaan dotokou. Iisai kaanu magaha‟ do pomogunan? Ii-ii no tuhun ii otumbazaan do i Jesus nopo nga‟ Tanak di Kinoingan: i Jesus Kristus ii minikot maza‟ do vaig om zaa‟, okonko‟ miampai do vaig noopo, nga‟ miampai do vaig om zaa‟; miampai di Spiritu sabaagi do iso‟ po sasi‟- tu‟ i Spiritu no ii katapatan – mooi do kivaa tohu sasi‟, i Spiritu, ii vaig om ii zaa‟, om saviavi‟ tohu dioho‟ do kopiunung. Monoimo tokou do kososian do sasi‟ ngaavi‟ do tinau-tuhun, nga‟ kososian nopo di Kinoingan nga‟ hobi po ginazo, om itia no ii kososian di Kinoingan, ii nakataak sabaagi do katahangan montok dii Tanak Dau‟. II BOOS DI TUHAN. KOTOHUADAN DOID KINOINGAN. KAPAABALAN DII ABAL TAVASI Jn 1:29 Alleluia, alleluia! Kokito no di John i Jesus do mikot mintutuk disido, om poboos no do: Iti no ii Doumba di Kinoingan ii mongidu do douso do pomogunan. Alleluia! 5 Ii Kinopodsuan di Tuhan II ABAL TAVASI‟ PAMBASAAN DII ABAL-TAVASI TOBITUA SINUAT DI MARK 1:7-11 Id kopongia-an di John ii Momomodsu‟, minoboos isido, „Kivaa songuhun sumusuut dogo‟, songuhun ii hobi po vinakas ko izou, om au‟ zou i‟ mipadan do sumingkotud do monguzad di kagos do solipal Dau‟. Nongopodsu‟ ku iziozu miampai do vaig, nga‟ podsuon kou mai‟ Disido miampai do Spiritu Tobitua.” Ontok timpu‟ dii no do nokoikot i Jesus do mantad Nazareth id Galilee om nopodsu‟ di John do id Jordan. Nokotinda i‟ Isido do mantad dii vaig do kokito no disido o surga do uminivang om i Spiritu, miaga do tombohog asang, maso sumondot doid Disido. Om iso‟ ohou minikot mantad surga, “Iziau no ii Tanak Ku, ii koginavaan; kaanangan Ku mundoong do id Diau.” II ABAL TAVASI‟ DI TUHAN. KAAZAAN DOID DIAU, OI TUHAN ZA, JESUS KRISTUS. Booson i Otumbazaan. SAMBAYANG DO ID DII TITAAK NGAAVI‟ Toimoo‟, oi Tuhan, ii taak ngaavi‟ noovit za do mamantang dii kointahangan di Tanak koginavaan Nu, mooi do ii kohubukan di ongotumbazaan Nu avahiu nodaa doid dii kopohubukan do Isido ii humizab id kobinsianan Dau‟ do momohiung mongidu‟ dii douso ngaavi‟ di pomogunan. Ii mamaamasi‟ om momolinta‟ montok sohiihinaid aiso kopupuson. S. Amen. PREFACE II KOPODSUAN DI TUHAN 6 Ii Kinopodsuan di Tuhan Totootopot do kotunud om otuhid iti, kalaja‟ za om kopomasizan za, tomoimo om id-nombo-noopo do manaak Diau do koponongkotohuadan ngaavi‟, oi Tuhan, Tama‟ tobitua, Kinoingan tavakas-kozo om aiso-kopupuson. Tu id dii vaig ngaavi‟ dii Jordan, pinointahang Nu miampai tanda‟ ngaavi‟ om koimazaan ngaavi‟ o Kopodsuan kavavagu, mooi do maza‟ dii ohou ii minikot mantad surga mikot zikoi nodaa do otumbazaan id Boos Nu mogiigizon poingamung dagai, om maza‟ dii kasandatan di Spiritu id dii kaagahon do tombohog-asang kotutun zikoi nodaa do i Kristus Suupu Nu noumaan miampai dii tumau do kounsikaan om pinougad do mogovit dii abal tavasi‟ kumaa‟ doid dii tangasampit. Om ingkaa no, miampai dii Kuasa‟ ngaavi‟ do surga, sumamba zikoi Diau tomoimo do id tana‟, om id- dumbangan do ko-laja-an Nu miampai aiso-kopupuson mangazou zikoi: Obitua, Obitua, Obitua i Tuhan Kinoingan do kokuasaan- ngaavi-surga…….. HOZOU KOSOMBUTAN Jn 1:32, 34 Intangai ii Songuhun ii noboos di John: Nokokito zou om sumasi‟ do iti no ii Tanak di Kinoingan. SAMBAYANG OPONGO KOSOMBUTAN Notogok miampai diti taak ngaavi‟ tobitua, ohuduk-kozo izikoi do mokiinsian di kosianan nu, Oi Tuhan, do, ouhi-kozo do poingkinongou doid di Tanak Tontoisoon Naanak nu, tanak ngaavi‟ nu nodaa izkoi do id ngaan om id katapatan. Ii mamaamasi om momolinta‟ montok sohiihinaid aiso kopupuson. S. Amen. 7 Ii Kinopodsuan di Tuhan BALAKAT Om ii balakat di Kinoingan tavakas-kozo, i Tama‟, om i Tanak, () om i Spiritu Tobitua,sumondot nodaa do id diozu om tumimpoon miampai diozu sohiihinaid. S. Amen. 8
Enter the password to open this PDF file:
-
-
-
-
-
-
-
-
-
-
-
-