3 - 7 - 2022 I KRISTUS II PIBABASAN DOTOKOU Apatut do koponimpoon do vaza’ ngaavi’ dii do id dotokou ii pibabasan di Kristus ii taandakon dotokou do tadau baino mooi do adadi tokou do mogogovit ngaavi’ do pibabasan kumaa’ doid saviavi’ id pohihiput dotokou. HOZOU KOSUANGAN Cf.Ps 47:10-11 Koginavaan Nu tobinsianan, Oi Kinoingan, notoimo za id dii tanga’ do panambazangan-tagazo Nu. Kaazaan Nu, oi Kinoingan, miaga do ngaan Nu, dumimpot dii pompod ngaavi’ di tana’; hongon vanan Nu noponu’ miampai kotuhidan kapasi. Ii Gloria in excelsis (Kobontugan doid di Kinoingan) booson. SAMBAYANG-TONIIBO-KOPONIMPUUNAN Oi Kinoingan, ii id dii kopoinsiibaan di Tanak Nu nokoponuidong-popoingkakat do pomogunan naatu’, ponuo’ ii ongotumbazaan Nu miampai kaandasan tobitua, tu’ do id sontob natampasi Nu mantad koudipanan doid douso vanadan Nu do kounsikaan selajul. Maza’ di Tuhan za Jesus Kristus, Tanak Nu, ii mamaamasi om momolinta’ -2- miampai Diau id dii kopiisaan di Spiritu Tobitua, Kinoingan, montok sohiihinaid aiso kopupuson. S. Amen PAMBASAAN KOISO’ Pambasaan mantad di profeta Isaiah 66:10-14 Unsikou no, oi Jerusalem, koondos no montok dosido, saviavi’ kou ii guminavo dosido! Unsikou no, unsikou no montok dosido, saviavi’ kou ii minogiad dosido! Do kosusu kou no daa, ovizau, do mantad dii kangkab dosido koinsasamod, do kounonom kou no daa miampai kounsikaan, dii tuva’-kangkab tabantug ngaavi’ dosido. Tu’ ingkaa o boos di Tuhan: Do baino poikoton Ku doid dosido o pibabasan muuhuzung, miaga do bavang, om miaga do hokos tohosog ii kobontugan dii tinau’ ngaavi’. Kibiton mai’ do id kangkab dosido ii tongomuo’ dosido om puzazan doid dompungan dosido. Miaga do tanak ii insasamadan dii tina’ disido ingkaa Zou no i’ do monginsasamod diozu. Om oinsasamadan kou i’ di Jerusalem. Munsikou i’ o ginavo diozu do kokito dii, om mogkoongoo’ miaga dii sakot o tuhang ngaavi’ diozu. -3- Pointahangon i’ di Tuhan ii hongon Dau’ doid dii suupu ngaavi’ Dau’. Ii boos di Tuhan. S. Kotohudan doid di Kinoingan. HOZOU KOSIMBAAN (HOZOU-KAPAAZAAN 65:1-7.16.20. RV.1) S. Haad no miampai kounsikaan doid di Kinoingan oi sompomogunan. 1. Haad no miampai kounsikaan doid di Kinoingan oi sompomogunan, hozou no doid kobontugan do ngaan Dau. Onuai no Isido do kaazaan tabantug. Poboos no doid di Kinoingan: Indama kozo ii koimaan Nu ngaavi’! (S) 2. “Tumiduku’ i’ id dumbangan Nu o sompomogunan; humozou mai’ doid Diau, humozou doid ngaan Nu!” Ikot no om intangai no ii kalaja’ ngaavi’ di Kinoingan; Indama’ kozo ii koimaan ngaavi’ Dau’ doid tuhun ngaavi’. (S) 3. Sinihiu Disido do tana’ totuu ii daat, suminoboong izioho’ dii bavang do au’ i’ nagazad o hapap. Id Disido nodii poogi’ o kounsikaan dotokou; momolinta’ sogiigisom Isido miampai dii vinakas Dau’. (S) -4- 4. Ikot om pokinongou no, saviavi’ ii oonok di Kinoingan. Posunudon ku i’ o nunu ii nimaan Dau’ montok di koduuduvo ku. Aazou no i Kinoingan ii au’ minonohikud dii sambayang ku om au’ nogi’ tinaan Disido do mantad dogo’ ii koginavaan Dau. (S) PAMBASAAN KODUVO Pambasaan mantad dii suat di Sangti Paul doid di tuhun ngaavi’ do Galatia 6:14-18 Ii nopo ii-iso’ no do kaanu zou do mingazou nga’ ii salip di Tuhan dotokou Jesus Kristus, tu’ minaza’ Disido no do nakapapak ii pomogunan doid dogo’, om izou doid pomogunan. Au’ i’ monguo do nosunatan o songuhun toi’ au’; ii nopo kiguno nga’ do dumadi isido do vinangun kavavagu. Pibabasan om kobinsianan doid saviavi’ ii tumanud do kootulan diti, izioho’ no ii Israel di Kinoingan. Au’ zou nodii mimang do koukatan mantad diisai noopo do mantad baino; ii nopo sunggait ngaavi’ do id tinan ku nga’ ii di Jesus. Miampai no daa do sunduvan diozu ii graasia di Tuhan dotokou Jesus Kristus, oi tobpinai ku ngaavi’. Amen. Ii boos di Tuhan. S. Kotohuadan doid di Kinoingan. -5- KAPAABALAN DI ABAL-TAVASI’ Jn 15:15 Alleluia, alleluia! Pungaanan Ku iziozu do kouvang ngaavi’, ka di Tuhan, tu’ nokointahang Ku doid diozu o saviavi’ ii noihaan Ku mantad di Ama’ Ku. Alleluia! ABAL-TAVASI’ Pambasaan mantad dii Abal-tavasi’ tobitua sinuat di Luke 10:1-12, 17-20 *Pomihi’ no i Tuhan do tuu’ ngoopod om duvo tuhun ii suvai om pougado’ no izioho’ do toduuduvo, do minoguhu Dau’, doid saviavi’ dii kakadazan om kinoizonon ngaavi’ ii ngozon tombuhuzo’ Disido sondii’. Poboos no Isido doid dioho’ do, “Nounda’ o tomoton nga’ okuudi’ ii mongongomot, dadi’ pokianu no di Tuhan do tomoton do popougad do mongongomot ngaavi’ doid tomoton Dau’. Timpuun no do baabaino, nga’ ondomon no, do pougadon Ku iziozu miaga do tanak kambing biri-biri ngaavi’ do poingamung do tasu tahun ngaavi’. Kada’ pogovit do poizazanan usin, aiso’ pinuput, aiso’ solipal ngaavi’. Kada’ tabi’ do iisai noopo doid tindahanon. Nunu noopo o hamin do suangon diozu, poguhuonon po haid o boos ngaavi’ diozu do, ‘Pibabasan doid daamin diti!’ Om nung poingizon doiho’ o tuhun pibabasan, nga’ mundoong i’ ii pibabasan diozu doid disido; nung au’ nga’ gumuhi’ i’ ii doid diozu. Timpoon no do id hamin dii, akanon om inumon o nunu ii pataakon dioho’ doid diozu, tu’ mipadan i’ do gojihon ii pakakalaja’; kada’ undahiu do mantad -6- hamin tiso’ kumaa doid hamin tiso’. Soosongian noopo do mugad kou doid kakadazan ii id nombo do otoimo kou dioho’, nga’ akanon no ii nunu noopo ii posuungon dioho’ doid diozu. Hingasan no ii doiho’ ii kitoluo ngaavi’, om moboos no do, ‘Osomok no kozo diozu ii pomolintaan di Kinoingan.’* Nga’ soosongian noopo do sumuang kou do kakadazan om au’ kou no toimoon dioho’, nga’ humabus kou do doiho’ id lahan ngaavi’ om moboos no do, ‘Tantagon dagai ii siovuk no kozo dii kakadazan diozu ii sumokot do hapap ngaavi’ dagai, om potimpoonon dagai iti miampai diozu. Nga’ kotumbazaai kou diti: osomok no kozo ii pomolintaan di Kinoingan.’ Poihoon Ku iziozu, ontok tadau dino moomogot po ii nokoimang doid Sodom ko’ ii koimang doid kakadazan dino.” Koguhi’ no ii tuu’ ngoopod om duvo tuhun do ongounsikou. “Oi Tuhan,” ka dioho’, “ii po logon ngaavi’ nga’ mimozo’ dagai do ontok gunoon za o ngaan Nu.” Poboos no Isido doid dioho’ do, “Nokito Ku i Saitan do umatu’ miaga do gonit mantad tavan. Oo’, nonuan Ku iziozu do kavasaan do mongugok do vuhanut tangagazo om tompohuhuu ngaavi’ om saviavi’ vinakas dii sangod; aiso i’ do kosiisinduo po diozu. Nga’ kada’ kounsikou do mimozo’ diozu ii tombiivo ngaavi’; unsikou no do nokosuat no o ngaan ngaavi’ diozu do id surga.” Ii Abal-tavasi’ di Tuhan. S. Kaazaan doid Diau, oi Tuhan za, Jesus Kristus. *Montok do pambasaan toniinibo’, basaon o nuhudan boos 1-9. Basaon o id suang do tanda *. Booson ii Otumbazaan. -7- SAMBAYANG DO ID DII TITAAK NGAAVI’ Iti kohubukan taakon doid ngaan Nu momohidang nodaa dagai, oi Tuhan, om tadau-tadau mogovit do koulaalaho’ za do poingiinginsomok doid dii koposizon do surga. Maza’ di Kristus Tuhan za. S. Amen. PREFACE KO-VII DO DII TADAU-MINGGU’ NGAAVI’ ID TIMPU’ TOOMOD Kopomasizan maza’ dii kobingimazaan di Kristus Totootopot do kotunud om otuhid iti, kalaja’ za om kopomasizan za, tomoimo om id-nombo-noopo do manaak Diau do koponongkotohuadan ngaavi’, Oi Tuhan, Tama’ tobitua, Kinoingan tavakas-kozo om aiso-kopupuson. Tu’ gumininavo Ko kozo di pomogunan do id kosianan Nu pinougadan zikoi Diau di Mononobus, do mamaamasi miaga dagai do id saviavi’ konunu nga’ douso po, mooi do kaanu Ko guminavo id dagai do nunu ii gininavo Nu id di Tanak Nu, ii maza’ diisai o kobingimazaan do nokotonduhi’ zikoi doid sontob dino Diau do taak do maza’ do momidouso, natagak za id au-kobingimazaan. Om ingkaa no, oi Tuhan, miampai saviavi’ dii Tasab ngaavi’ om Sangti ngaavi’, izikoi, ponogi’, nga’ manaak Diau do koponongkotohuadan ngaavi’, miaga do id kounsikaan-tagazo mangazou zikoi: Obitua, Obitua, Obitua….. -8- HOZOU KOSOMBUTAN Ps 33:9 Unonomo’ om biio’ do i Tuhan nopo nga’ avasi’; aazou no ii tuhun ii mogium do susuton-mokiumohig id disido. toi’ Mt 11:28 Ikot doid dogo’, saviavi’ ii pakalaja-tavagat om angadaa- do-kalaja-tavagat, om hinganganan Ku i’ iziozu, ka di Tuhan. SAMBAYANG OPONGO KOSOMBUTAN Panaak no, sumambayang zikoi, Oi Tuhan, do, noponu-koinvagu do ingkaa o titaak ngaavi’ tangagazo, aanu za nodaa ii vava’ do kopomosizan om au-insan tumood do mangazou Diau. Maza’ di Kristus Tuhan za. S. Amen. BALAKAT Om ii balakat di Kinoingan tavakas-kozo, i Tama’, om i Tanak, om i Spiritu Tobitua, sumondot nodaa do id diozu om tumimpoon miampai diozu sohiihinaid. S. Amen
Enter the password to open this PDF file:
-
-
-
-
-
-
-
-
-
-
-
-