31.01.2021 TADAU MINGGU’ KA-APAT ID TIMPU’ TOOMOD TOUN B I Tuhan, Mongingia’ dotokou. Tadau baino mamalamai tokou di Tuhan Jesus Kristus ii moboos miampai kuasa’ om doid diisai do mositi’ papataak tokou do kopokinangaan dotokou au’ abaagi. HOZOU KOSUANGAN: Ps. 105:47 Tomposizo’ zikoi, Oi Tuhan Kinoingan za! Om timungo’ zikoi no mantad dii tinaau’ ngaavi’, do manaak do koponongkotohuadan ngaavi’ doid ngaan tobitua Nu, om mamadadi dii do kobontugan za do mangazou Diau. SAMBAYANG-TONIIBO-KOPONIMPUUNAN Kanou sumambayang, Onuai zikoi no, oi Tuhan Kinoingan za, do mamantang zikoi nodaa Diau miampai aavi’ pomusaavan za, om guminavo do potitikid-tuhun id katapatan do ginavo. Maza’ di Tuhan za Jesus Kristus, Tanak Nu, ii mamaamasi om momolinta’ miampai Diau id dii kopiisaan di Spiritu Tobitua, iso’ Kinoingan, montok sohiihinaid aiso kopupuson. S. Amen. 1 Minggu Ko-4 id Timpu Toomod Toun B PAMBASAAN KOISO’ PAMBASAAN MANTAD BUUK DEUTORONOMY 18:15- 20 Minoboos i Moses doid dii tuhun ngaavi’: ‘I Kinoingan diozu poposoibau i’ montok diozu do songuhun profeta miaga dogo’ sondii’, mantad poingamung diozu sondii’, mantad tobpinai ngaavi’ diozu sondii’; doid disido no do mositi’ mokinongou kou. Iti no ii nunu ii sondii’ kou do minokianu di Tuhan Kinoingan diozu do id Horeb ontok dii tadau dii Kotimungan-tuhun-togumu’. “Kada’ zou nodii poongoo’ vagu” ka diozu do minoboos “dii ohou di Tuhan Kinoingan ku, om kada’ zou nogi’ pokiikitono’ po do id diti tapui tagazo, tu’ apatai zou mai”; om minoboos i Tuhan doid dogo’, “Saviavi’ noboos dioho’ nga’ noboos tavaavasi’. Poposoibau Zou i’ do songuhun profeta miaga diau sondii’ do montok dioho’ do mantad tobpinai ngaavi’ dioho’ sondii’; posuangon Ku i’ ii boos Ku ngaavi’ doid kabang Disido om popoiho mai’ Isido dioho’ do saviavi’ ii ponuu’an Ku disido. Ii nopo tuhun ii au’ mokinongou doid boos Ku ngaavi’ ii booson Disido id ngaan Ku, nga’ abalatan mai’ do sumimba doid Dogo’ montok dii. Nga’ ii nopo profeta ii momudahi’ do moboos id ngaan Ku do konunu ii au’ Zou nokoponuu’ disido do moboos, toi’ ii moboos id dii ngaan do kinoingan ngaavi’ suvai, nga’ profeta dino nopo nga’ matai mai’.” II BOOS DI TUHAN. KOTOHUADAN DOID KINOINGAN. HOZOU KOSIMBAAN (HOZOU KAPAAZAAN KO-94:1-2. 6-9 R. v. 9) 2 Minggu Ko-4 id Timpu Toomod Toun B S. Do tadau baino do mokinongou kou daa doid ohou Disido! Kada’ pokodoo’ o ginavo ngaavi’ diozu. 1. Ikot, pohonggoo’ o kaandasan dotokou doid di Tuhan; ozoo’ ii pampang ii manampasi dotokou. Kanou mikot id dumbangan Disido, manaak do koponongkotohuadan ngaavi', miampai hozou ngaavi’ kanou mangazou di Tuhan. (S.) 2. Suvon; kanou sumingkotud om tumingkukub; kanou sumingkotud id dumbangan di Kinoingan ii minamangun dotokou tu’ Isido no i Kinoingan dotokou om zotokou no ii tuhun ngaavi’ ii poinsanganu doid dii pakakatapan Disido, ii panon ii buuanon dii hongon Dau’. (S) 3. Do tadau baino do mokinongou kou daa doid ohou Disido! ‘Kada’ pokodoo’ o ginavo ngaavi’ diozu miaga dii id Meribah, miaga do ontok tadau dii do id Massah doiho’ id kotogisan ontok pinakaa’ Zou dii tama’ ngaavi’ diozu doid ponginaman; ontok minonginam izioho’ Dogo’, sundung i’ ma do nokito dioho’ ii kalaja’ Ku.’ (S) PAMBASAAN KODUVO PAMBASAAN MANTAD DII SUAT KOISO’ DI SANGTI PAUL DOID DII TUHUN NGAAVI’ DO CORINTH 7:32- 35 3 Minggu Ko-4 id Timpu Toomod Toun B Aanangan zou daa do mintong diozu do poinggabas mantad saviavi’ kopusaan. Songuhun kusai au’- nakasavo kaanu papataak do timpu’ dau’ doid dii ahal ngaavi’ di Tuhan, ii-ii no do kopusaan nopo disido nga’ popounsikou di Tuhan; nga’ songuhun kusai nakasavo nopo nga’ tumangkangau kokomoi dii ahal ngaavi’ di pomogunan om papataak do timpu’ dau’ sondii’ do popounsikou dii sinavaan dau’: duvo lahan do okinis isido. Id dii ii-om-ii lahan do songuhun tondu’ au’- nasavo, miaga do songuhun tanak tondu’ tomuhok, kaanu papataak do timpu’ dau’ sondii’ doid dii ahal ngaavi’ di Tuhan; ii-ii no do kopusaan nopo dosido nga’ mimbitua id tinan om sunduvan. Ii tondu’ nasavo, nopo do dau’, nga’ opusou kokomoi dii ahal ngaavi’ di pomogunan om papataak do timpu’ dau’ sondii’ do popounsikou dii sansavo dosido. Moboos zou diti do manakadai noopo diozu, okonko’ popoihit do popotood doid hiou ngaavi’ diozu, nga’ do papatantu’ noopo do potitikid konunu nga’ apatut do ingkaa no ii, om do papataak kou dii kotoinaan diozu au’ abaagi doid di Tuhan. II BOOS DI TUHAN. KOTOHUADAN DOID KINOINGAN. KAPAABALAN DII ABAL TAVASI Cf Mt 11:25 Alleluia, alleluia! Aazou Ko no, oi Ama’, Tuhan do surga om tana’, montok popointahang dii mistirium dii pomolintaan doid tanak ngaavi’ no tomood. Alleluia! toi’: Mt 4:16 Alleluia, alleluia! 4 Minggu Ko-4 id Timpu Toomod Toun B Ii tuhun ngaavi’ ii minogiigizon id totuvong nokokito do ninavau tagazo; doid dii mogiigizon ngaavi’ id di tana’ om tinggohungung do kapatazon iso’ ninavau nokotimpuun humisau. Alleluai! II ABAL TAVASI’ PAMBASAAN MANTAD DII ABAL-TAVASI TOBITUA SINUAT DI MARK 1:21-28 I Jesus om i tutumanud ngaavi’ Dau’ minugad gisom doid Capernaum, om koikot nopo ii tadau sabbath minugad i Jesus doid dii sinagog om tuminimpuun do mongia'. Om ii kopongia-an Disido nakapanaak do koimazaan taahom doid dioho’ tu’, okonko’miaga dii tangabaa-adat, minongia’ Isido dioho’ miampai kuasa’. Id sinagog dioho’ do ontok no kozo dii do kivaa songuhun kusai nosuang do tombiivo au-abaakas, om guminizak ii, ‘Nunu pokionuon Nu dagai, oi Jesus do Nazareth? Nokoikot Ko naku do mongumbak dagai? Koiho zou do isai Ko: ii Songuhun Tobitua di Kinoingan.’ Nga’ minoboos i Jesus do ataom kozo, ‘Poimizo! Habus mantad disido!’ Om pataamo’ no dii tombiivoo-au- abaakas ii tuhun doid koizazangan om miampai gizak topuod huminabus disido. Natangahan kozo ii tuhun ngaavi’ do tuminimpuun dii izioho’ do mogi-uu-uot do nunu kozo komozon dii. ‘Doiti’ no ii kopongia’an ii vagu,’ ka dioho’ do minoboos ‘om miampai kuasa’ maatanud dii: manaak Isido do ponuu’ ngaavi’ doid tombiivo ngaavi’ au-abaakas potuu om mimozo’ izioho’ Disido.’ Om ngaan tavasi’ Disido osikap kozo tuminongkop id noonombo, nokotongkop saviavi’ dii kokompungan poinhiput do Galilee. II ABAL TAVASI’ DI TUHAN. 5 Minggu Ko-4 id Timpu Toomod Toun B KAAZAAN DOID DIAU, OI TUHAN ZA, JESUS KRISTUS. Booson i Otumbazaan zou. SAMBAYANG DO ID DII TITAAK NGAAVI’ Oi Tuhan, oviton za doid altaari Nu iti taak ngaavi’ do kotompuanan za: kounsikou no do monoimo diti ngaavi’, sumambayang zikoi, om vohio’ no iti ngaavi’ doid dii Sakramintum do koponobusan za. Maza’ di Kristus Tuhan za. S. Amen. PREFACE KO-I DO DII TADAU-MINGGU’ NGAAVI’ ID TIMPU’ TOOMOD Ii Mistirium do Paska om ii Tuhun ngaavi’ di Kinoingan Totootopot do kotunud om otuhid iti, kalaja’ za om kopomasizan za, tomoimo om id-nombo-noopo do manaak diau do koponongkotohuadan ngaavi’, oi Tuhan, Tama’ tobitua, Kinoingan tavakas-kozo om aiso- kopupuson, maza’ di Kristus Tuhan za. Tu’ maza’ do Mistirium do Paska Disido, nopongo Disido ii koimaan koimazaan-kozo, ii maza’ dii no do nakapapagabas Isido dagai do mantad dii poku’ do douso om kapatazon, momohoou dagai doid dii kobontugan do baabaino pungaanan nodii do tinaau’ nopihi’, kopadrian poinlaja’, tinaau’ tobitua, tuhun ngaavi’ montok kosongonuan Nu sondii’, do papaabal id-nombo-noopo dii kalaja’ ngaavi’ Nu tindama’, tu’ nokopomohoou Ko dagai do humabus do totuvong kumaa’ doid ninavau Nu sondii’ koimazaan. Om ingkaa no, miampai do Tasab ngaavi’ om Huguan- tasab ngaavi’ miampai Tiikoon-laja’ ngaavi’ om 6 Minggu Ko-4 id Timpu Toomod Toun B Pomolintaan ngaavi’, om miampai saviavi’ dii mogiigizon-ngaavi-id-surga om Kuasa’ ngaavi’ do surga, humozou zikoi dii hozou-kapaazaan do kobontugan Nu, om miampai-aiso-kopupuson mangazou zikoi: Obitua, Obitua, Obitua i Tuhan Kinoingan do……… HOZOU KOSOMBUTAN Cf. Ps 30:17-18 Pababango’ ino voos Nu doid di suupu Nu. Tomposizo’ zou id koginavaan nu tobinsianan. Oi Tuhan, kada zou no potuutumbazaai po doid koikuman, tu’ momohoou zou Diau. toi’: Mt 5:3-4 Abalakatan no ii tosiisian id sunduvan, tu’ dioho’ dii Pomolintaan do Surga. Abalakatan no ii tongohuud, tu’ kasanganu mai’ izioho’ dii tana’. SAMBAYANG OPONGO KOSOMBUTAN Notogok diti taak ngaavi’ kopomosizan, sumambayang zikoi, Oi Tuhan, do maza’ diti sakadai doid kopomosizan sohiihinaid-aiso-kopupuson tumihombus nodaa do gumiot o kotumbazaan totopot. Maza’ di Kristus Tuhan za. S. Amen. BALAKAT Om ii balakat di Kinoingan tavakas-kozo, i Tama’, om i Tanak, () om i Spiritu Tobitua, sumondot nodaa do id diozu om tumimpoon miampai diozu sohiihinaid. S. Amen. 7 Minggu Ko-4 id Timpu Toomod Toun B 8
Enter the password to open this PDF file:
-
-
-
-
-
-
-
-
-
-
-
-