Ii Tunduundu Tobitua Kozo Di Jesus, Toun B II TUNDUUNDU TOBITUA KOZO DI JESUS. TOUN B 11.06.2021 Ii Tunduundu’ I Noduak Ii kinopomoduakan dii tunduundu’ di Kristus doid salip o minananda’ do kinapamazadaan do tuhun dii koginavaan do Kinoingan. HOZOU KOSUANGAN: Cf. Ps 32:11. 19 Ii kinotootoodoo’ ngaavi’ do Tunduundu Dau’ nopo nga’ mantad umulan kumaa’ doid umulan, do manampasi do koduuduvo ngaavi’ dioho’ mantad kapatazon, om monogok dioho’ do poimpasi id timpu-pononhousan. Ii Gloria in excelsis (Kobontugan doid di Kinoingan) booson. SAMBAYANG-TONIIBO-KOPONIMPUUNAN Panaak no, sumambayang zikoi, oi Kinoingan tavakas-kozo, do izikoi, ii mimang-bantug id dii Tunduundu’ di Tanak koginavaan Nu om momusoou-koinvagu dii koimazaan ngaavi’ do koginavaan Dau’ montok dagai, dodizon nodaa do misudong do monoimo do nadangan maahabai do grasia mantad dino tovud do titaak ngaavi’ doun-surga. Maza’ di Tuhan za Jesus Kristus, Tanak Nu, ii mamaamasi om momolinta’ miampai Diau 1 Ii Tunduundu Tobitua Kozo Di Jesus, Toun B id dii kopiisaan di Spiritu Tobitua, iso’ Kinoingan, montok sohiihinaid aiso kopupuson. S. Amen toi’ Oi Kinoingan, ii id dii tunduundu’ di Tanak Nu, nogonitan do douso ngaavi’ dagai, posondoto’ do id dagai id kosianan ii kotos-tangapagon-hoogo do koginavaan Nu aiso-gontob, panaak no, sumambayang zikoi, do, id mambalai Disido ii kapataakan za do kataakan-sondii’ dagai manaak zikoi nogi’ daa do babas kosudong. Maza’ di Tuhan za Jesus Kristus, Tanak Nu, ii mamaamasi om momolinta’ miampai Diau id dii kopiisaan di Spiritu Tobitua, iso’ Kinoingan, montok sohiihinaid aiso kopupuson. S. Amen. PAMBASAAN KOISO’, PAMBASAAN MANTAD DI PROFETA HOSEA 11:1, 3-4, 8-9 Pokinongou doid dii boos di Tuhan: Ontok dii tanak po i Israel gumiminavo Zou disido, om minomohoou Zou dii tanak Ku do humabus do Egypt. Izou sondii’ o minongia’ di Ephraim do mamanau, binangkaak Ku izioho’ do pahad ku ngaavi’; nga’ au’ i’ nakalati’ izioho’ do Izou no ii mintamong dioho’. Binuu-an Ku izioho’ miampai tahi ngaavi’ do kovasian, miampai tahi-potunud ngaavi’ do koginavaan. Miaga Zou do songuhun ii mangakat do tanak toniini’ do popoinsomok dii pingas dau’; tuminingkukub Zou doid disido do minanaak disido dii takanon dau’. Ingkuo Zou dii do kaanu monoina’ diau miaga di Admah, toi’ tumoina’ diau miaga di Zeboiim? Gumabus mantad diti i ginavo Ku, pasangkazu tinan Ku do 2 Ii Tunduundu Tobitua Kozo Di Jesus, Toun B madtalok do id dii pomusaavan. Au’ Zou i’ manaak do tahi doid di kohohodong Ku tahasu’, au’ Ku i’ umbakon po vagu’ i Ephraim, tu’ i Kinoingan Zou, okonko’ tuhun : Izou no ii Songuhun Tobitua poingamung diozu om aiso i’ hizab do mongumbak. II BOOS DI TUHAN. KOTOHUADAN DOID KINOINGAN. HOZOU KOSIMBAAN (HOZOU KAPAAZAAN -Is. 12:2-6) S. Miampai kaandasan do sumagou kou i’ do vaig mantad dii toobong ngaavi’ di mamamasi. 1. Otootopot no do i Kinoingan no ii kopomosizan ku, humansan zou, au’ zou mai’ oonok. Tu’ i Tuhan no ii vinakas ku, hozou ku, duminadi Isido di mamamasi ku. Miampai kaandasan sumagou kou i’ do vaig mantad dii toobong ngaavi’ do kopomosizan (S) 2. Panaak no do koponongkotohuadan ngaavi’ doid di Tuhan, panaak no do kaazaan doid ngaan Disido! Dodizo’ no ii koimaan ngaavi’ Disido tindama’ do oihaan doid dii tuhun ngaavi’! Paabalo’ no ii nindamaan dii ngaan Dau’ (S) 3. Hozou no do iso’ hozou-kapaazaan doid di Tuhan tu’ nokoimang Isido do koimaan ngaavi’ tabantug; Dodizo’ no ngaavi’ ii do oihaan doid dii saviavi’ tana’! Oi tuhun ngaavi’ di Zion, hozou no om gizak no montok kaandasan tu’ indama’ do poingamung diozu ii Songuhun Tobitua di Israel (S) PAMBASAAN KODUVO PAMBASAAN MANTAD DII SUAT DI SANGTI PAUL DOID DII TUHUN NGAAVI’ DO EPHESUS 3:8-12. 14-19 3 Ii Tunduundu Tobitua Kozo Di Jesus, Toun B Izou, i Paul, ii onini’ po ko’ ii tonini’ no kozo dii saviavi’ sangti, pinahansanan miampai diti grasia poimbida’, okon noopo ko’ papaabal doid dii kapil ngaavi’ dii kotos- tapagon aiso-gontob- pinagon ii di Kristus nga’ nogi’ do papalati’ do ingkuo ii koimazaan-taahom-lati’ do maan patazado’. Maza’ do saviavi’ dii umulan, nokoopi’ poinhosok iti id Kinoingan, ii mamangun do saviavi’. Nookuo? Mooi do ii nopo Kinavas-Kokuasaan ngaavi’ om Kuasa’ ngaavi’ nga’ apatut do minsingiho do baino nogi’ nodii, maza’ di Eklizia, do songkuo ginazo toongkuban do kabaahan do Kinoingan do totootopot no kozo, poinsudong kozo doid dii atag ii kivaa Disido do mantad saviavi’ aiso tinimpuunon om aiso kopupuson id Kristus Jesus Tuhan dotokou. Iti no do nookuo tu’ ogonop o katamaan dotokou do minsomok di Kinoingan do id kahansanan poinggonop, maza’ do kotumbazaan dotokou id Disido. Dadi’, iti no ii nunu ii sambayangan ku, posingkotud id dumbangan di Tama’, ii mantad diisai o potitikid paganakan, poinsunduvan toi’ doun-sandad, do maganu dii ngaan dii: Humabus mantad kobontugan Dau’ aiso-gontob, manaak no daa diozu Iisido dii vinakas maza’ dii Spiritu Dau’ montok diozu sondii’ poinhosok do gumazo mimang vakas, mooi do mizon daa i Kristus id ginavo ngaavi’ diozu maza’ do kotumbazaan, om dadi’, natanom id koginavaan om navaa do id koginavaan, miampai kou i’ dii saviavi’ sangti do kivinakas do umogot dii kinivang om dii ninaau, dii kinavas om dii inahom; gisom i’, poingiho dii koginavaan di Kristus, ii poingahib do saviavi’ toihaan, do oponu’ kou miampai dii koponuan poinggonop-kozo do Kinoingan. II BOOS DI TUHAN. KOTOHUADAN DOID KINOINGAN. KAPAABALAN DII ABAL TAVASI Mt 11:29 Alleluia, alleluia! Pokuo’ no ii poku’ Ku om pinsingiho no mantad Dogo’, 4 Ii Tunduundu Tobitua Kozo Di Jesus, Toun B tu’ ohuud Zou om ohuduk id ginavo. Alleluia! Pihi suvai do Kapaabalan dii Abal Tavasi 1Jn 4:10 Alleluia, alleluia! Itia no ii koginavaan komozon Ku: Ii koginavaan di Kinoingan montok dotokou dii ontok pougado’ Disido ii Tanak Dau’ do dumadi do kohubukan ii mongidu’ do douso ngaavi’ dotokou. Alleluia! II ABAL TAVASI’ PAMBASAAN DII ABAL-TAVASI’ MANTAD BUUK SINUAT DI JOHN 19:31-37 Tadau Kopotoundaan ii, om mooi do au’ potindooi doid salip o tinan ngaavi’ do ontok timpu’ dii sabbath tu’ sabbath nopo nga’ tadau kapanaandakan poimbida’ – minokianu kasagaan di Pilatus ii Johudi ngaavi’ do monipu’ dii takod ngaavi’ om popoinsud dii tinan ngaavi’. Om kinotutukon nopo dii nga’ minikot ii susumangod ngaavi’ om minonipu’ dii takod ngaavi’ dii tuhun koiso’ ii pinapapak miampai Disido om dadi’ ii no di tiso’. Kodimpatai nopo dioho’ i Jesus, nokito dioho’ do napatai no Isido, om dadi’ okon i’ dii ko’ minonipu’ dii takod ngaavi’ Disido izioho’ nga’ songuhun dii susumangod ngaavi’ o minomoduak dii tobik Disido miampai do tandus; om tutulus do huminabus o zaa’ om vaig. Itia no ii katahangan do songuhun ii nokokito dii – katahangan miho hansanon, om koiho isido do moboos isido dii totopot – om manaak isido diti mooi do iziozu nga’ otumbazaan nogi’ daa. Tu’ saviavi’ dii do naantakan do monuhuk dii boos ngaavi’ dii buuk-tobitua: Aiso i’ tiiso’ do tuhang Disido do otipu’. Om vagu’, id sinuatan tiso’ booson dii buuk-tobitua: Mintong i’ izioho’ doid dii songuhun ii dinuak dioho’. 5 Ii Tunduundu Tobitua Kozo Di Jesus, Toun B II ABAL TAVASI’ DI TUHAN. KAAZAAN DOID DIAU, OI TUHAN ZA, JESUS KRISTUS. Booson ii Otumbazaan. SAMBAYANG DO ID DII TITAAK NGAAVI’. Intong, Oi Tuhan, sumambayang zikoi, do id dii koginavaan-totohuod poingahib-ahib id dii Tunduundu’ di Tanak koginavaan Nu, do nunu ii taakon za nga’ titaak otoimo nodaa doid Diau om kapamabasan do kopokousan ngaavi’ dagai. Maza’ di Kristus Tuhan za. S. Amen. PREFACE II TUNDUUNDU’ TOBITUA KOZO DI JESUS Ii Sakadai Aiso-gontob di Kristus Totootopot do kotunud om otuhid iti, kalaja’ za om kopomasizan za, tomoimo om id-nombo-noopo do manaak Diau do koponongkotohuadan ngaavi’, oi Tuhan, Tama’ tobitua, Kinoingan tavakas-kozo om aiso- kopupuson, maza’ di Kristus Tuhan za. Tu’ nakakat do akavas do id dii salip, pinapataak Isido do Dau-sondii’ montok dagai miampai do koginavaan koimazaan om pinopotungu do zaa’ om vaig mantad tobik Dau’ noduak, ii toobong-hokos do dii Sakramentum ngaavi’ di Eklizia, mooi do, nahantoi doid dii tunduundu’ poingivang dii Mamamasi, saviavi’ do oondos-kozo do sumagou vaig mantad dii tovud ngaavi’ do kopomosizan. Om ingkaa no, miampai saviavi’ dii Tasab ngaavi’ om Sangti ngaavi’, mangazou zikoi Diau, do miaga aiso- kopupuson mangazou zikoi: 6 Ii Tunduundu Tobitua Kozo Di Jesus, Toun B Obitua, Obitua, Obitua i Tuhan Kinoingan….. HOZOU KOSOMBUTAN Cf. Jn 7:37-38 Ingkaa ka di Tuhan: Potumbazaai o isai-noopo tutuuvan do mikot doid Dogo’ om minum. Hokos ngaavi do vaig poimpasi humuzung i’ mantad id-suang dii songuhun ii otumbazaan id Dogo’. toi’ Jn 19:34 Songuhun dii susumangod ngaavi’ minogivang dii tobik Disido maimpai tandus, om tuutulus doiho’ suminomput o zaa’ om vaig. SAMBAYANG OPONGO KOSOMBUTAN Iti sakramentum ngaavi’ do kapanaka-dazan, Oi Tuhan, mamadadi nodaa dagai do ouhi-ginavo miampai dii tapui do koginavaan tobitua, mooi do, akaving tomoimo doid Tanak Nu, minsingiho zikoi nodaa do mintong Disido id sungkad- tukad za. Maza’ di Kristus Tuhan za. S. Amen. BALAKAT Om ii balakat di Kinoingan tavakas-kozo, i Tama’, om i Tanak, () om i Spiritu Tobitua, sumondot nodaa do id diozu om tumimpoon miampai diozu sohiihinaid. S. Amen 7
Enter the password to open this PDF file:
-
-
-
-
-
-
-
-
-
-
-
-