16-1-2022 TADAU MINGGU’ KODUVO ID TIMPU’ TOOMOD, TOUN C II SANSAVO DI EKLIZIA PAMBASAAN KOISO’ PAMBASAAN KODUVO ABAL-TAVASI’ ISAIAH 62:1-5 1 CORINTH 12:4-11 JOHN 2:1-12 Munsikou doid di Iso’ om ii om ii i Spiritu, Iti no ii koiso’ dii tanda’ sinavaan dau’ ii ii papabaagi do titaak ngaavi’ pinataak di Jesus: sansavo. ngaavi’ doid mogisuvai- nakataak ii do id Cana id suvai tuhun Galilee. tumanud di pihi’ Dau’. TADAU MINGGU’ KODUVO ID TIMPU’ TOOMOD TOUN C --------------------------------------------------------------------------------------------------------------------------------- II SANSAVO DI EKLIZIA Munsikou i Eklizia do id di Sansavo dosido ii monuzu’ dosido, kaanangan’ id dosido, monima’ do id dosido dii titaak ngaavi’ di Spiritu Disido, om poposihiu dosido do id iso’ vinangun kavavagu miaga dii pinoposihiu Isido dii vaig do id anggur. HOZOU KOSUANGAN Ps 65:4 Saviavi’ di tana’ tumiduku’ mai’ id-dumbangan Nu, oi Kinoingan, om humozou mai’ doid Diau, humozou mai’ doid ngaan Nu, oi Takavas Kozo! Ii Gloria in excelsis (Kobontugan doid di Kinoingan…) booson. SAMBAYANG-TONIIBO-KOPONIMPUUNAN Oi Kinoingan tavakas-kozo poimpasi selajul, ii momolinta’ do saviavi’ konunu, duuduvo do id surga om do id tana’, kosianai-kozo no do mokinongou dii kopokiinsianan do tuhun ngaavi’ Nu om povonodo’ no o kopibabasan Nu do id timpu’ ngaavi’ dagai. Maza’ di Tuhan za Jesus Kristus, Tanak Nu, ii mamaamasi om momolinta’ miampai Diau id dii kopiisaan di Spiritu Tobitua, Kinoingan, montok sohiihinaid aiso kopupuson. Amen. -2- PAMBASAAN KOISO’ Pambasaan mantad di Profeta Isaiah 62:1-5 Au’ zou i’ kumodoit do kokomoi di Zion. au’ zou’ i’ ababasan do kokomoi di Jerusalem, gisom i’ do kababang miaga do sumaang tudan ii kotuhidan dosido om kosindab miaga do titiu ii kopomosizan dosido. Dadi’ kokito i’ dii do kotuhidan nu ii tinau’ ngaavi’, do kobontugan Nu ii saviavi’ laja’, om pungaanan ko i’ dii do ngaan kavavagu, iso’ ii kataak do mantad kabang di Tuhan. Adadi ko do siga-laja’ tosindak do id hongon di Tuhan, siga do tanak laja’ do id hongon di Kinoingan nu; au’ ko nodii pungaanan do ‘Ii Zinadaan’, om ii tana’ nu nga’ okonko ‘Ii Dinuanan’, nga’ pungaanan ko mai’ do ‘i Kaanangan Ku’ om ii tana’ nu ‘Ii Nasavo’; tu’ kaanangan ko di Tuhan om kivaa i’ do matod do id tana’ nu. Miaga di tanak vagu ii manansavo di haahangai, ingkaa nogi’ ii minamangun diau do manansavo diau, om miaga di sansavo do munsikou do id sinavaan dau’, ingkaa nogi’ i Kinoingan nu do munsikou do id diau. Ii boos di Tuhan. S. Kotohuadan doid di Kinoingan. -3- HOZOU KOSIMBAAN (HOZOU KAPAAZAAN KO-95:1-3. 7-10. R. v. 3) S. Paabalo’ no doid saviavi’ tuhun ii koimazaan ngaavi’ di Tuhan. 1. Hozou no do hozou kavavagu doid di Tuhan, hozou no doid di Tuhan oi sompomogunan. Hozou no doid di Tuhan, bontugo no o ngaan Disido. (S) 2. Paabalo’ no o sakadai Disido do tikid-tadau, posunudo’ no doid dii tinau’ ngaavi’ o kobontugan Dau’ om doid dii tinau ngaavi’ o koimazaan ngaavi’ Dau. (S) 3. Onuai no i Tuhan, oi paganakan kou ngaavi’ do tinau ngaavi’, onuai no i Tuhan do kobontugan om kuasa’, onuai no i Tuhan do kobontugan do ngaan Dau’. (S) 4. Sambao’ no i Tuhan do id panambazangan tagazo’ Dau’. Oi tana’, imang no padtalok do id dumbangan Disido. Paabalo’ no doid dii tinau’ ngaavi’ do: ‘Laja’ i Kinoingan.’ Bisalaon i’ Disido do id kotuhidan o tuhun ngaavi’. (S) PAMBASAAN KODUVO Pambasaan mantad suat koiso’ di Sangti Paul doid tuhun ngaavi’ do Corinth 12:4-11 Ogumu’ o kavo do titaak ngaavi’ nga’ tomoimo do ii-om-ii ii Spiritu; ogumu’ o kavo do kalaja’ koponompuanan do toinaon, nga’ tomoimo doid di ii-om-ii i Tuhan; kumalaja’ do id mogikavo-kavo o lahan do id mogisuvai-suvai o tuhun, nga’ ii- om-ii i’ Kinoingan ii pakalaja’ do id saviavi’ dioho’. Ii toiso-iso’ kalaalahano’ do kapataakan di Spiritu doid tosoosonguhun nopo nga’ montok i’ do tuddu tavasi’. Songuhun nopo nga’ kivaa dati’ do titaak do mongia’ miampai do kabaahan ii -4- nakataak di Spiritu doid disido; ii tiso’ nopo nga’ kivaa dati’ do titaak do popo’ia dii tutuduk ii nakataak doid disido di ii-om-ii i Spiritu; om ii tiso’ nopo nga’ titaak do kotumbazaan ii nitaak di ii-om-ii ii Spiritu; tiso’ nopo vagu’ nga’ titaak do kopomohingasan, maza’ diti iso’ Spiritu; ii tiso’, kuasa’ do kosunduvan ngaavi’; ii tiso’ nopo nga’, kopogoohungungan; ii tiso’ nopo nga’ titaak do mongintutun do sunduvan ngaavi’; ii tiso’ nopo nga’ titaak do boos om i tiso’ nopo nga’ kabaahan do papalati’ ngaavi’ dii. Saviavi’ diti do kalaja’ i’ dii iso’ om ii-om- ii i Spiritu, ii papabaagi do mogikavo-kavo o titaak do kumaa’ doid mogisuvai-suvai tuhun tumanud do pihi’ dau’. Ii boos di Tuhan. S. Kotohuadan doid di Kinoingan. KAPAABALAN DII ABAL-TAVASI’ Cf. Jn 6:63. 68 Alleluia, alleluia! Boos ngaavi’ Nu nopo nga’ sunduvan, oi Tuhan, om koposizon ngaavi’ ii: kivaa abal Nu do koposizon selajul. Alleluia. toi’ Cf. 2 Thess 2:14 Alleluia, alleluia! Maza di Abal Tavasi hinoou tokou di Tuhan, do maagi di kobontugan di Tuhan dotokou Jesus Kristus, Alleluia. -5- ABAL-TAVASI’ Pambasaan dii Abal-tavasi’ tobitua sinuat di John 2:1-11 Kivaa do minatod do doiho’ id Cana id Galilee. Doiho’ i z-ina’ di Jesus, om nangaahap nogi’ i Jesus om ii mokiki-ia’ ngaavi’ Dau’. Kooviai nopo izioho’ do anggur, tu’ naavi no ii anggur pinoobi’ montok do minatod dii, biisaai no di ina’ di Jesus Isido do, “Aiso no do anggur dioho’.” Poboos no i Jesus do, “Oi tondu’ nookuo tu’ izou o biisaan nu dino? Au’ po noikot o timpu’ Ku.” Biisaai no di ina’ Disido ii suupu ngaavi’ do, “Tonudon nopo diozu o nunu noopo o pobooson Disido doid diozu.” Kivaa do onom o tipang tagazo do posusuangan do vaig do songinsumpak do doiho’ dii, montok do pomomohiung tumanud do koubasanan do Johudi ngaavi’; toiso-iso’ dii do koumpos do duvo ngoopod toi tohu ngoopod galon. Biisaai no di Jesus ii suupu ngaavi’ do, “Suangai do vaig iho tipang ngaavi’ diho’,” om suangai no dioho’ ii gisom i’ do modtikahabai no ii. “Sogoo’ nodii om oviton no diozu do doiho’ di mononompuan,” ka Disido. Tonudo’ no dioho’ ii; kinamai no dii mononompuan ii vaig, om navahiu no ii do anggur. Do au’ i’ dii nokoiho isido do mantad nomboo ii – ii- ii no suupu ngaavi’ ii minanagou do vaig dii o nokoiho dii – hoovo’ no di mononompuan ii minanansavo om biisaai no do, “Vokon nopo nga’ posuungon po haid ii anggur tavasi’ no kozo, om poopion po haid ii au’ songkuo vinasi’ do gisom i’ do ogumu’ po o toinum do tahap ngaavi’; nga’ pinoopi’ nu i’ iziau ii tavasi’ no kozo do gisom baino.” Iti no ii kumoiso’ dii tanda’ ngaavi’ ii pinataak di Jesus: pinataak Disido ii do id Cana id Galilee. Pinokitanan Dau o kobontugan Dau’, om nongotumbazaan Disido ii mokiki-ia’ ngaavi’ Disido. Ii Abal-tavasi’ di Tuhan. S. Kaazaan doid Diau, oi Tuhan za, Jesus Kristus. -6- Sambayangon ii Otumbazaan. SAMBAYANG DO ID DII TITAAK NGAAVI’ Panaak no, oi Tuhan, sumambayang zikoi, do kosudong-kozo zikoi nodaa do mamung id diti misterium, tu’ soosongian-noopo ii kaandaman diti kohubukan do maan lamazo’ ii kalaja’ do koponobusan dagai opongo. Maza’ di Kristus Tuhan za. Amen PREFACE KO-V DO DII TADAU-MINGGU’ NGAAVI’ ID TIMPU’ TOOMOD Kinopomongunan Totootopot do kotunud om otuhid iti, kalaja’ za om kopomasizan za, tomoimo om id-nombo-noopo do manaak Diau do koponongkotohuadan ngaavi’, oi Tuhan, Tama’ tobitua, Kinoingan tavakas-kozo om aiso-kopupuson. Tu’ pinaazu Nu ii pinosungkadan ngaavi’ di pomogunan om nokopoguhud dii kovohion ngaavi’ do timpu’ ngaavi’ om timpu-toun ngaavi’; nuug Nu o tuhun id kaagaaga Diau sondii’ om pinapaazat do kotuhunan id soibau di sompomogunan do id saviavi’ koimazaan dii, do momolinta’ id ngaan Nu do id-soibau do saviavi’ ii notoodo Nu om mangazou Diau sohiihinaid do id kalaja’ ngaavi’ Nu tindama’, maza’ di Kristus Tuhan za. -7- Om ingkaa no, miampai saviavi’ dii Tasab ngaavi’, mangazou zikoi Diau, tu’ id kalamazan toondos mangazou zikoi: Obitua, Obitua, Obitua…… HOZOU KOSOMBUTAN Cf. Ps 22:5 Nokopopotounda’ Ko do mija’ id-dumbangan ku, om songkuo pinagon-hoogo dii sasavan ii monodu’ do tuu ku. toi’ 1 Jn 4:16 Nokoikot zikoi do mongintutun om do otumbazaan id dii koginavaan ii kivaa di Kinoingan do montok dagai. SAMBAYANG OPONGO KOSOMBUTAN Potunguo’ doid dagai, oi Tuhan, ii Spiritu do koginavaan Nu, om id tinohuod Nu dodizo’ no o sontob dii nakaakan Nu maza’ diti iso’ Louti poinsurga iso’ id pomusaavan om ginavo. Maza’ di Kristus Tuhan za. Amen. BALAKAT Om ii balakat di Kinoingan tavakas-kozo, i Tama’, om i Tanak, om i Spiritu Tobitua, sumondot nodaa do id diozu om tumimpoon miampai diozu sohiihinaid. Amen. -8-
Enter the password to open this PDF file:
-
-
-
-
-
-
-
-
-
-
-
-