1 - 10 - 2023 I KRISTUS MINIMOZO’ GISOM KAPATAZON Mamalamai tokou di Kristus ii minimozo’ do hizab di Ama’ Dau’ do okon noopo ko’ id boos nga’ id koimaan nogi’. Om papahansan dotokou i Kristus do au’ po nokotouvi kozo do maahing doid di Kinoingan om do mimang do hizab Dau’. HOZOU KOSUANGAN Dn. 3:31.29.30.43.42 Saviavi’ ii noimaan Nu doid dagai, Oi Tuhan, noimaan Nu miampai kopombisalaan totopot, tu’ nokopomidouso zikoi gumaga’ Diau om au’ minimozo’ do ponuu’ ngaavi’ Nu. Nga’ panaak no do kobontugan doid ngaan Nu om toguvango’ zikoi no tumanud doid dii kosimaan do kosianan Nu. Ii Gloria in excelsis (Kobontugan doid di Kinoingan) booson. SAMBAYANG-TONIIBO-KOPONIMPUUNAN Oi Kinoingan, ii popointahang do kuasa’ Nu tavakas -kozo poinsoibau do saviavi’ maza’ do popohiong om popokito do kosianan Nu , povonodo ’ , sumambayang zikoi, tosiisima’ o grasia Nu doid dagai om dodizo’ no ii sontob umagab - 2 - maganu do batos ngaavi’ Nu do tumungkus ngaavi’ doid dii kotos-tangapagon- hoogo do surga. Maza’ di Tuhan za Jesus Kristus, Tanak Nu, ii mamaamasi om momolinta’ miampai Diau id dii kopiisaan di Spiritu Tobitua, Kinoingan, montok sohiihinaid aiso kopupuson. S. Amen. PAMBASAAN KOISO’ Pambasaan mantad di profeta Ezekiel 18:25-28 Ii boos di Tuhan nokoboos doid dogo’ do ka: ‘Gumaga’ ko, “Ii nopo maan di Tuhan nga’ au’ otuhid.” Pokinongou, iziozu sinakagon do Israel: au’ naku otuhid ii nunu ii maan Ku? Okon i’ naku ko’ ii nunu ii maan diozu ii au’ otuhid? Songian nopo ii tuhun kotunud do mamazada’ dii kov asian dau’ do mimang do douso om matai sabap diti, matai isido sabap dii kalaatan ii isido sondii’ o nokoimang. Songian nopo ii momimidouso do mamazada’ do douso do dumadi do tutumanud-undang- undang om ouhi’, kosudong isido do masi. Nokopomihi’ isido do mamazada’ do saviavi’ douso haid disido; ingkuukuo po nga’ masi mai’ isido; au’ mai’ matai isido .’ Ii boos di Tuhan. S. Kotohuadan doid di Kinoingan. - 3 - HOZOU KOSIMBAAN (HOZOU-KAPAAZAAN KO-24:4-9.R.V.6) S. Ondomo’ no ii kobinsianan Nu, oi Tuhan. 1. Oi Tuhan, dodizo’ zou no do koiho dii lahan Nu ngaavi’. Oi Tuhan, ia- o’ zou no dii vazaan Nu ngaavi’. Dodizo’ zou no do mamanau id katapatan Nu, om ia- o’ zou no: tu’ Iziau no i Kinoingan mananampasi dogo’ . (S) 2. Ondomo’ no ii kobinsianan Nu, oi Tuhan, om ii koginavaan nopokitanan Nu mantad di tahaid no kozo. Kada’ ondomo’ ii douso ngaavi’ dii minuhok ku. Id koginavaan Nu ondomo’ zou no, sabap no do kovasian Nu, Oi Tuhan. (S) 3. Avasi om otuhid i Tuhan. Potudukon Disido ii vazaan doid dii nakaahau ngaavi’, potunudon Disido ii tongohuduk do id dii vazaan kotunud; po-ia- on Disido ii lahan Dau’ doid di tangasampit. (S) PAMBASAAN KODUVO Pambasaan mantad dii suat di Sangti Paul doid dii tuhun ngaavi’ do Philippi 2:1-11 *Nung kikomozon doid diozu ii koposizon dagai id di Kristus, nung kaanu daa o koginavaan do mongunsub, toi’ ii Spiritu ii kivaa id dagai songovian, toi’ toombo noopo o kohuudan om kosianan, nga’ sompuu kou no do id - 4 - kotumbazaan ngaavi’ diozu om osompuu id koginavaan diozu, miampai iso’ tuddu om pomusaavan songovian. Ino no ii iso’ ii mamadadi daa dogo’ do poinggonop kozo do ounsikou. Mositi’ do aiso pogiohiihian do id taatanga diozu, aiso kinakat ginavo; nga’ potitikid diozu do dumadi do ii au’ mongkimaamano’. Soo vo no tomoimo ii tuhun suvai do moomogot vinasi’ ko’ iziau sondii’, mooi do aiso songuuhun momusoou do kounalan ngaavi’ dau’ sondii’ o kopoguhu nga’ potitikid tuhun do mo musoou dii kounalan ngaavi’ do tuhun ngaavi’ suvai. Id pomusaavan ngaavi’ diozu mosit i’ miaga kou di Kristus Jesus.* Koozuuzuvo’ nopo Disido nga’ poing -Kinoingan, nga’ au’ i’ Isido luminonggivit do id kopitapangan-ningkokoton Disido miampai di Kinoingan nga’ minomubus do Dau’ sondii’ do monoimo do koozuuzuvo’ do songuhun tudipon, om duminadi do miaga do tuhun; om do poindadi do miaga do tuhun, ohuuhuduk po Isido, gisom i’ ma do minonoimo do kapatazon, kapatazon do id salip. Nga’ pinoinsavat di Kinoingan Isido do id takavas om nonuan Isido dii ngaan ii id soibau do saviavi’ ngaan suvai mooi do saviavi’ vinangun do id tavan, do id tana’ om id saahom - tana’, apatut do kohuku o totud do id dii ngaan di Jesus om do potitikid diha’ do apatut papaabal di Jesus Kristus sabaagi do Tuhan, doid kobontugan di Kinoingan Tama’. - 5 - *Ii boos di Tuhan.* S. Kotohuadan doid di Kinoingan. *Pambasaan toniinibo’, nazatan -boos 1- 5. Basaon id piahatan do tanda’ *. KAPAABALAN DII ABAL- TAVASI’ Jn 14:23 Alleluia, alleluia! Nung isai noopo guminavo Dogo’ imozoon i’ disido ii boos Ku, om ginovoon i’ di Ama’ Ku isido, om mikot Zikoi i’ doid disido. Alleluia! toi’ Jn 10:27 Alleluia, alleluia! Ii nopo kambing biri’ - biri’ ii poinsanganu doid Dogo’ nga’ mokinongou doid ohou Ku, ka di Tuhan, kotutun Zou dioho’ om tumanud Dogo’ izioho’ Alleluia! ABAL- TAVASI’ Pambasaan mantad dii Abal- tavasi’ tobitua sinuat di Matthew 21:28-32 Minoboos i Jesus doid di mohoingon- padri’ ngaavi’ om dii buu’an ngaavi’ do tuhun, ‘Nunu o pomusaavan diozu? Songuhun kivaa duvo tanak kusai. Minugad isido om minoboos doid dii koiso’, “Oi tanak kusai ku, mugad ko om pakalaja’ do doiho’ id kabun anggur do tadau baino.” Suminimba isido, “Au’ zou mugad”, nga’ touvi nopo nodii - 6 - minomusoou isido do tavaavasi’ om minugad. Dadi’ minugad nodii ii tuhun om minoboos do ii-om-ii doid di koduvo ii suminimba, “Pointantu’ no, oi tuan”, nga’ au’ i’ minugad. Toombo diti duvo ii minimang dii hizab dii tama’? ‘Ii koiso′’ ka dioho’ do minoboos. Minoboos i Jesus doid dioho’, `Poihoon Ku iziozu totootopot, moninimung ngaavi’ sukai om sundal ngaavi’ sampaapanau no do sumuang dii pomolintaan di Kinoingan id poguhu diozu. Tu’ minikot i John doid diozu, ii p oomitanan do kotuhidan totopot , nga ’ au’ kou notumbazaan disido , om notumbazaan i’ ii moninimung ngaavi’ sukai om sundal ngaavi’. Ii po dii nokokito nodii dino, nga’ minada’ kou do minomusoou dii do tavaavasi’ om minada’ do otumbazaan id disido ’ Ii Abal-tavasi di Tuhan. S. Kaazaan doid Diau, oi Tuhan za, Jesus Kristus. Booson ii ‘ Otumbazaan zou ’. SAMBAYANG DO ID DII TITAAK NGAAVI’ Panaak no dagai, Oi Kinoingan tobinsianan, do iti titaak dagai ko’ium nodaa do koponoimaan miampai Diau om maza’ diti ii toobong - hokos do saviavi’ balakat oivangan nodaa id dumbangan za. Maza’ di Kristus Tuhan za. S. Amen. - 7 - PREFACE KO-II DII TADAU- MINGGU’ NGAAVI’ ID TIMPU’ TOOMOD Ii Mistirium do kopomosizan Totootopot do kotunud om otuhid iti, kalaja’ za om kopomasizan za, tomoimo om id-nombo-noopo do manaak Diau do koponongkotohuadan ngaavi’, oi Tuhan, Tama’ tobitua, Kinoingan tavakas-kozo om aiso-kopupuson, maza’ di Kristus Tuhan za. Tu’ mantad kosianan montok do ginaga’ dagai, pinohuduk Disido o Dau- sondii’ om nopogkoosusu dii Haahangai; maza’ dii kinadaa’an doid dii salip pinagabas zikoi Disido mantad kapatazon au-miho- opupusan, om maza’ do tuminungag mantad dii poimpatai minanaak Isido dagai do koposizon aiso-kopupuson. Om ingkaa no, miampai Tasab ngaavi’ om Huguan -ngaavi- tasab, miampai Tiikoon- laja’ ngaavi’ om Pomolintaan ngaavi’, om miampai saviavi’ dii mogiigi zon-ngaavi-id- surga om Kuasa’ ngaavi’ do surga, humozou zikoi dii hozou kapaazaan do kobontugan Nu, om miampai-aiso- kopupuson mangazou zikoi: Obitua, Obitua, Obitua..... HOZOU KOSOMBUTAN Cf. Ps 118:49-50 Ondomo’ ii boos Nu doid di suupu Nu, Oi Tuhan , ii toombo do nakapanaak ko dogo’ do kahansanan. Iti no ii koinsasamadan ku ontok oovit zou sumiibo-humuduk. - 8 - toi’ 1 Jn 3:16 Maza’ diti no do nokoikot zikoi do mongiho dii koginavaan di Kinoingan: do i Kristus pinopoundun do koposizon Dau’ montok dagai; ingkaa no do apatut zikoi do popoundun do koposizon ngaavi’ dagai montok tiso - om- tiso’. SAMBAYANG OPONGO KOSOMBUTAN Iti mistirium poinsurga, Oi Tuhan, popotonduhi’ nodaa dagai id pomumusoou om tinan, do sompi-tumungkus zikoi nodaa id kobontugan miampai di Kristus, doid diisai do koundasaan do osompuu zikoi soosongian-noopo do papaabal zikoi dii K inapatazon Dau’. Ii mamaamasi om momolinta’ montok sohiihinaid aiso kopupuson. S. Amen. BALAKAT Ii balakat di Kinoingan tavakas-kozo, i Tama’, om i Tanak, om i Spiritu Tobitua, sumondot nodaa do id diozu om tumimpoon miampai diozu sohiihinaid. S. Amen.